Министерот за економија Крешник Бектеши денеска рече дека со Законот за инсолвентност, сите стечајни управници ќе мора да ги обноват своите лиценци.

Сите стечајни управители ќе полагаат испит, а тие што се над 64 години нема да имаат право. Сите моментално што имаат лиценци, ќе преполагаат, а тие што се на возраст над 64 години нема да имаат право да полагаат, рече Бектеши денеска како одговор на новинарско прашање.

Министерот рече дека, меѓудругото, ова се прави затоа што има многу стари стечајни управници кои се уште не ги расчистиле своите предмети.

Само во Северна Македонија се случило во последните години, стечајни управници, со должна почит, да ги има на 70 и над 80 години, да водат предмети милионски и да ги одложуваат тие предмети, а ние не сме повеќе во 90-тите години кога се направени приватизациите, ние сме во 21 век и ќе постапиме согласно одредбите од 21 век, додаде Бектеши.

Министерството за внатрешни работи ги информира граѓаните и правните субјекти, односно сопствениците на возила, на обврската дека заклучно со 12.02.2024 мора да извршат промена на регистарските таблички со ознаката “МК“ со ознаката “NMK“.

Имено, согласно член 27 став (1) алинеја 5 од Законот за возила („Службен весник на Република Македонија” бр. 140/08; 53/11; 123/12; 70/13; 164/13; 138/14; 154/15; 192/15; 39/16 и 161/19) и согласно член 28 од Правилникот за форма и содржина на образецот на барањето за издавање на пробните таблици, формата и содржината на регистарските таблици и на пробните таблици, како и начинот и постапката на нивно издавање („Службен весник на Република Северна Македонија” бр. 293/2020), сите сопственици на регистрирани возила се должни да ги заменат регистарските таблици кои ја содржат буквената ознака ,,МК”, издадени до денот на отпочнување со примена на овој правилник (15.01.2021 година), односно таквите таблички можат да се употребуваат најдоцна до 12.02.2024 година.

KARIERA.mk организира ексклузивна маркетинг работилница на 10.02.2023 во Skopje Marriott Hotel за сите маркетинг професионалци и ентузијасти! 

Предавач на работилницата ќе биде:

Еџе Озтурк Доган, Директор на Google Marketing Platform, Турција.

Еџе е технолошки консултант кој што во последните 12 години ја води Google Marketing Platform на Турскиот пазар каде што го овозможува подигнување на дигиталната зрелост во екосистемот преку програмски технологии за рекламирање. 

Таа е активен учесник и говорник во организации ширум индустријата како IAB и GARM водејќи се по мислите за дигитални технологии, како што е приватноста, заштитата на податоци и иднината на дигиталниот екосистем. Исто така таа е активист за промоција на различностите, фокусирајќи се на презентацијата на жените во  рекламно-технолошката индустрија. 

Во мај 2022 таа имаше TEDx talk во Скопје, на тема ,,Дигитална трансформација на мајчинството”  со цел зајакнување на родителите на модерниот свет кои што се под притисок и очекување на перфекционизам, додека механизмите за поддршка се намалени. 

Пред да се вклучи во Google, Еџе работела како директор за Performance Marketing во Garanti BBVA Payment Systems каде изградила и водела тимови за дигитален маркетинг. Пред ова, Еџе работела како Global Digital Marketing Manager на fintech startup и како Специјалист за социјални медиуми во дигитална агенција. Еџе по професија е индустриски инжинер и има мастер студии по информациски системи.

Доколку сѐ уште немате резервирано карта за настанот тоа може да го направите на следниот линк.

Со сигурност, оваа работилница ќе донесе многу знаења и одлично вмрежување меѓу пријавените учесници од познати компаниии од државата и регионот.

Министерството за внатрешни работи ја информира јавноста дека почнувајќи од денеска (02.02.2023, четврток) од 18.00 часот, поради најавениот настан за организирано чествување на раѓањето на македонскиот револуционер Гоце Делчев на 04.02.2023 (сабота) во црквата „Св. Спас“ во Скопје, Секторот за внатрешни работи Скопје ќе преземе засилени активности и мерки за подигнување на безбедноста околу местото на одржување на настанот, при што ќе се преземат мерки за посебен режим на сообраќајот.

Притоа, од денеска за сообраќај ќе биде затворена ул.„Самоилова“, на потегот од ул.„Иљо Војвода“ (виадукт Самоилова) до крстосницата со ул.„Прохор Пчински“, а на 04.02.2023 година (сабота) посебен режим на сообраќај ќе се спроведе на ул.„Лазар Личеновски“ и ул.„Самоилова“.
 Секторот за внатрешни работи Скопје апелира до сите граѓани да ги почитуваат наредбите што ги издаваат полициските службеници по сообраќајниците каде што ќе се одвива настанот со цел безбедност на сите учесници во сообраќајот.