Просечната месечна исплатена нето-плата по вработен, во декември 2022 година, изнесува 34 364 денари и во однос на декември 2021 година, е зголемена за 14,8 проценти, објави денеска Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Преработувачка индустрија (20,4 проценти), Уметност, забава и рекреација (20,2 проценти) и Административни и помошни услужни дејности (19 проценти).

Зголемување на просечната месечна исплатена нето-плата по вработен, во однос на претходниот месец, е забележано во секторите: Транспорт и складирање (10,4  проценти), Дејности во врска со недвижен имот (10,2 проценти) и Уметност, забава и рекреација (8,4 проценти).

Како што објави ДЗС, просечната месечна исплатена бруто-плата по вработен, во декември 2022 година, изнесува 51 387 денари.

Без разлика дали барате работа, па допрва треба да преговарате за висината на вашите месечни примања или пак веќе долго време работите и сметате дека заслужувате покачување на платата, на ваквите ситуации не треба да им се плашите, туку треба да знаете како да се справите со нив.

Преговарање за прва плата

Доколку сте дојдени на прво интервју, не спомнувајте ја платата, освен ако немате силна причина за тоа или доколку работодавачот не ве праша за вашите очекувања за месечните примања. Доколку работодавачот ве праша колкава плата очекувате доколку се вработите на тоа работно место, немојте да го избегнувате одговорот, бидејќи на тој начин ќе оставите впечаток дека не знаете да си ги процените вашите способности или дека немате јасен став за работното место.

Предложете почетна плата за која би објасниле дека ќе работите додека не се докажете дека работата ви легнала, но дека со зголемувањето на вашето придонесување за компанијата, очекувате да се зголемат и вашите примања.

Барање за покачување на платата

Пред самиот состанок со шефот важно е добро да се припремите. Сумирајте ги вашите достигнувања и успехот во компанијата и поткрепете го секој исказ со докази. Размислете што вашиот шеф би можел да ве праша или да ви приговори за вашето барање и спремете си одговори. Запрашајте се „Што доколку ме одбие?“ и размислете дали сте толку незадоволни што ќе посакате да ја промените работната средина доколку вашиот предлог за зголемување на платата биде одбиен. Секогаш е добро да размислите однапред дали е вистинското време да побарате покачување со оглед на вашиот моментален квалитет на работење и положбата во која се наоѓа компанијата за која работите.

Доставува храна од кујната, се враќа со валкани чинии за машината за миење садови и пее „Среќен роденден“. Но, тука е да им помогне на посложувачите за храна, а не да ги замени.

Целосното име на уредот е BellaBot, а е изработен од Pudu Robotics, компанија основана во 2016 година во Шенжен, Кина.

WowRobee е компанија за роботика B2B основана во 2021 година и со седиште во Лонг Ајленд Сити и продава неколку модели на роботи низ целата земја.

Гвен Гуан, маркетинг менаџер на WowRobee, изјави дека самиот WowRobee продал повеќе од 100 BellaBots и процени дека уште 700 до 900 биле продадени во САД од други продавачи.

Нечовечки ресурси: Боб Вергидис, основачот на The Point of Sale Cloud компанија за решенија за плаќање за ресторанската индустрија, рече дека роботската помош за кујни е многу примамлива за многу од неговите клиенти, но цената може да биде голема. Огромна инвестиција, но трошењето 16.000 долари на робот „изгледа како пари што би ги потрошиле на маркетинг“, изјави Вергидис.

Роботот навистина може да го привлече вниманието на клиентите особено кога пее „Среќен роденден“, ги прави потрошувачите среќни.

На некој начин, иако е софистицирано парче технологија, Bella бара помалку одржување од своите човечки колеги.

Фолксваген (VW) ги зголеми цените на своите автомобили со мотори со внатрешно согорување во Германија како резултат на рекордната инфлација.

Од Фолксваген салоните добија информации за поскапување, а во образложението како причина се наведува „значително зголемување на трошоците за набавка на суровини, енергија и опрема“.

Просечната цена на моделите на VW со SUS мотори ќе се зголеми за 4,4 отсто, а тука спаѓаат моделите Golf, Tiguan, Passat вагон, Polo и T-Roc.

Дури ни Фолксваген не може да ја избегне високата инфлација“. Иако даваме се од себе, ефектот на трошоците не може целосно да се компензира“, велат од Фолксваген. Новите цени ќе бидат официјално воведени на 23 февруари.

Цената на основниот модел Поло ќе се зголеми за 905 евра, што значи зголемување од 4,5 отсто. Голфот ќе чини 1.585 евра повеќе или 5,36 отсто. За T-Roc ќе треба да се издвојат дополнителни 1.455 евра или 5,98 отсто повеќе, додека Arteon Shooting Brake сега ќе чини најмалку 42.270 евра или 1.985 евра/4,38 отсто повеќе.

Многу претставништва изразија загриженост за зголемените цени и сметаат дека VW всушност треба да ги „намали“ цените. Еден дистрибутер смета дека поскапувањето е „шокантно“, особено што продажбата веќе опаѓа.

Зголемувањето на цената доаѓа по низа други промени на цените во изминатите 18 месеци. Фолксваген ги зголеми цените за речиси 11 отсто во средината на 2021 и 2022 година.

(Кликс)