Кога одлучите да работите за себе, тогаш ништо не е тешко бидејќи вие си го кроите животот, ги остварувате соништата и што е најважно, не гледате на времето бидејќи не е залудно потрошено. Луѓето препознаваат кога имате цел, добра идеја и работите од срце. Неодамна една жена ми пријде и токму тоа ми го кажа: дека се гледа оти работам со љубов и душа-ова се зборовите на Александра Ботиќ (35) од Нови Сад која веќе две години прави шатори за деца.

Таа раскажува дека се нашла во ситуација да избира дали да работи или да ја остави работата која и донесува привремено задоволство, во кое никој не и гарантирал сигурност, каде не постоела можност за напредување и каде била принудена да ја трпи и гуши својата личност, слобода и креативност. Конечно, дала отказ и целата заштеда ја вложила во идејата во која верувала.

-Претходно не бев свој газда, но на секоја работа така и пристапував како да работам за себе и давав максимум. Ниту во еден момент не се сомневав во себе, своите вештини и самата идеја-сигурна е таа.

Размислувајќи за своето детство и безгрижен период на растење се сетила на сите игри кои ги сакала, а една од нив била правење шатори од ќебиња и перници.

-Не постои личност која во својот период на растење не уживала во таа градителска игра-во зима би правеле илго, а во лето шатори- се сеќава Александра.

Додека со сопругот Душан (35) ја развивала идејата за Mushroom шатори, сакале тоа да биде еколошки производ, катче кое може да се надградува и што е најважно да се наследува.

-Пренатрупани сме со пластика, а големите компании од денешните деца прават потрошувачи и со самото тоа им градат вредности. Нам целта ни е да допринесеме на креативниот развој, да поттикнеме зачувување на животната средина, да ги мотивираме сами да направат нешто, поправат, склопат, да развиваат моторика и еден дена да направиме подобар и поздрав свет за сите нас.

Единствени материјали кои ги користат се природни и тоа се квалитетно полно дрво и памук.

Шаторот има 4 нозе, 3 дополнителни делови на  кои се навлекува и дрвени чепови кои служат за спојување.

Таа вели дека семејството на нејзиниот сопруг повеќе од 20 години се занимава со изработка на мебел и тие многу им помогнале.

Таа е задолжена за дизајнот, набавка на материјал и се што е во врска со текстил и подоцна со продажба а сопругот е задолжен за производниот дел и изработка на констукцијата. Имаат и неколку дизајнери креативци кои се тука кога имаат многу работа.

Без компјутер, интернет и мобилен телефон веќе е незамисливо да се води бизнис. Трошоците за службени телефони се значајна ставка во трошоците на секоја фирма. 

Анкетата на Агенцијата за електронски комуникации покажува дека најголемиот дел од македонските фирми (67 отсто) за телефон, интернет и за телевизија плаќаат помалку од 5.000 денари месечно, односно во просек трошат по 747 денари месечно по вработен. 

Дали е ова многу или малку знае секој сопственик на фирма, но според анкетата директорите на само 20 отсто фирми мислат дека добиваат нереално висока сметка, а овој процент е помал за 18 процентни поени во споредба со претходната анкета спроведена во 2013 година.

Додека најбогатите во Америка стануваат уште побогати и уделот на луѓето под линијата на сиромаштијата се зголемува, средната класа на Америка постепено исчезнува.

Една неодамнешна анализа од економистите Томас Пикетти, Емануел Саез и Габриел Зукман цитирани од Универзитетот во Чикаго, Бут Школата за Бизнис откриле дека долу 50% од Американците имале нула раст на приходите во текот на изминатите 35 години.

Еден начин да се разбере таа промена е да се анализира годишната плата на лицето кое зарабоува најмногу на дадена возраст.

Бизнис инсајдер ги искористи неодамнешните податоци од пописот во САД за да дојде до интересни заклучоци. На 25 години, ќе треба да заработувате најмалку 116.000 долари годишно за да бидат во првите 1% од заработувачите.На 64 години, тој број се зголемува на 473.000 долари.

Дали сметате дека некогаш ќе ги достигнеме овие бројки и ќе може еден човек во Македонија да се доближи до луѓето од Америка кои заработуваат волку многу пари на годишно ниво?

34 полицајци со завршена обука, бараат од министерот Спасовски да ги вработи во МВР како што ветил. Од март 2016  чекаат договор за работа. Министерството им соопштило дека нема доволно средства за нивните вработувања.

Доколку не им биде решен статусот до 1ви септември, велат ќе кампуваат пред зградата на МВР.

Инаку  МВР објави нов оглас за 500 полицајци, од кои најголем дел 360, се бараат за Скопје.

Избраните кандидати ќе склучат договор за основна обука во времетраење од една година, која ќе се спроведе во Центарот за обука. Кандидатите треба да бидат државјани на Р. Македонија,да се полнолетни но да не наполниле 25 години, со најмалку 4 годишно средно образование, да не им е изречена казна забрана за вршење професија.

Во однос на посебните услови, кандидатите  мажи да бидат најмалку 175цм високи, жените 165 и со висока лична физичка подготвеност.

Пријавата со потребната документација, се должни да ја поднесат ЛИЧНО во едно од определените места за пријавување.

Огласот ќе трае 15 работни дена почнувајќи од денеска.