Скратувањето на работната недела за подобрување на менталното здравје и продуктивноста на вработените може се здобива со популарност на некои места низ светот, но се чини дека барем една земја оди во спротивна насока.

Јужнокорејската влада беше принудена оваа недела да го преиспита зголемувањето на горната граница на работното време на 69 часа неделно, од сегашната граница од 52 часа, што предизвика бурни реакции кај помладите генерации.

Работниците во моќната источноазиска економија веќе се соочуваат со многу долги работни часови - четврти во светот зад Мексико, Костарика и Чиле според ОЕЦД - и се смета дека смртта од прекумерна работа убива многу луѓе секоја година.

Како и да е, владата го поддржа планот за зголемување на границата по притисокот од бизнис секторот за зголемување на продуктивноста - сè додека не се соочи со гласно противење од помладата генерација и синдикатите.

Секретарот на јужнокорејскиот претседател Јун Сук Јеола во средата изјави дека владата ќе преземе нова насока откако ќе го сослуша јавното мислење и рече дека е посветена на заштита на правата и интересите на работниците.

Подигнувањето на границата се сметаше за начин да се реши недостигот на работна сила со кој се соочува земјата поради намалената стапка на наталитет, која е најниска во светот, и стареењето на населението.

Во 2018 година, на барање на граѓаните, Јужна Кореја го намали лимитот од 68 часа неделно на сегашните 52. Овој потег доби огромна поддршка во Националното собрание во тоа време.

Сегашниот закон ја ограничува работната недела на 40 часа плус до 12 часа платена прекувремена работа - иако во реалноста, велат критичарите, многу работници се под притисок да работат подолго време.

Министерот за економија Крешник Бектеши објави дека утре на владина седница ќе се донесе одлука за замрзнување на цените на јајцата и на оризот, по примерот на таа за белиот и полубелиот леб кој мора да се продава по 33 денари.

Утре се замрзнува цената на оризот и јајцата согласно цените кои биле претходно во текот на овој месец. Шеќерот и брашното, согласно податоците од Царинската управа, има намалување и трендот на намалување ќе продолжи. Цените таму сами ќе паѓаат, а ако не се направи тоа од трговците, ќе следуваат и за тоа мерки, рече Бектеши.

Министерот рече дека нема да биде откриена максималната цена на оризот и јајцата се до донесувањето на одлуката, бидејќи како што рече, трговците и производителите ќе може да се подготват за злоупотреби. Според Бектеши, мерката не е толку за да се намалат цените на овие производи, туку да се ограничат постоечките да не растат во пресрет на верските празници. Дополнително, ќе се ограничи и извозот, бидејќи има голема попарувачка, особено на македонските јајца во соседството каде што може да се продадат поскапо.

Нема да биде денешната цена, но тоа ќе биде една од цените во текот на месец март, но не сакаме да го кажеме кога, за да не се подготват трговците и производителите, но тоа не значи дека немаме доверба во стопанствениците, но не би сакал да објавувам пред да биде донесена одлуката на Владата. Ќе биде една од цените која била во март, одговори тој на новинарско прашање.

Бектеши на денешната владина прес-конференција објави дека трендот е наскоро со две минимални плати во едно семејство да се покрие минималната синдикална потрошувачка кошничка.

Како што рече министерот, во 2023 реачната минимална потрошувачка кошница е 43.163 денари, а за тоа се потребни 2,1 минимални плати кои опд овој месец изнесуваат по 20.175 денари.

Со бројките што ги гледам за мецес март, јас сум убеден дека ќе ни требат помалку од две минимални плати. Имаме намалување во земјата и во регионот од 4,5 денари на дизелот за една недела и трендот на намалување ќе продолжи оваа недела. Тоа ќе има позитивно влијание во делот на намалување на инфлацијата, што значи цената на дизелот ќе биде под 75 денари, рече Бектеши.

KARIERA.mk изминатиот викенд честеше кафе во градскиот парк во близина на школка, каде што многу од посетителите се запознаа со најновите продукти на KARIERA.mk, а воедно и MojaKARIERA картичката која нуди многу поволности за вработување.

На нашиот штанд исто така можеше да купите карти за еднодневната брендинг работилница со Kremena Yordanova, Director Marketing Activations во Adidas Амстердам!  

Настанот е за сите маркетинг експерти и ентузијасти, претприемачи и љубопитни поединци кои сакаат да слушнат нови идеи и практични решенија за совршениот брендинг за една компанија!

Доколку сте заинтересирани картите за настанот можете да ги набавите ТУКА.

Ги охрабруваме и покануваме сите претставници на бизнис заедницата како и младите претприемачи да се придружат на настанот! Се гледаме на 30.3.2023 расположени и спремни за нови знаења и идеи!

Во продолжение дел од атмосферата во градскиот парк:

Во рамки на овогодинешниот Job Fair организиран од студентската организација BEST, Singular ќе учествува со работилница на тема: The future of you: How to be outstanding at work.

Оваа работилница се фокусира на развивање на неопходни вештини кои на студентите ќе им помогнат полесно да се вклучат во процесот на вработување, како и да дојдат до посакуваната позиција. Работилницата ќе ја водат Јоана Темелковска, Talent Acquisition Specialist, и Ангел Филов, Tech Lead.

Дел од меките вештини коишто ќе бидат презентирани се флексибилност во организација на работата и менаџирање на времето. Дополнително, од технички аспект, студентите ќе научат да направат евалуација на клучни способности со цел соодветно да ја насочат и изградат својата кариера во ИТ сферата.

„Меките вештини се клучни за успешна кариера, но подеднакво важно е и студентите да добијат совети и насоки од технички аспект коишто ќе им помогнат да донесат одлуки за започнување, продолжување, па дури и пренасочување во рамки на својата ИТ кариера,“ вели Ангел Филов, Tech Lead.

Работилницата ќе се одржи во среда, 22-ри март во 12 часот во читалната на ФЕИТ/МФС. Регистрацијата може да ја направите на овој линк.

Singular присуствуваше и со свој штанд на Job Fair, каде што студентите имаа можност да се запознаат со претставници од компанијата и да дознаат повеќе за компаниската култура, достапните кариерни можности, како и за технологиите кои се користат при работата.

„Ни претставува огромно задоволство што повторно бевме дел од Best Job Fair каде имавме шанса да воспоставиме контакт со голем број на студенти и да поразговараме за нивните очекување од идното работно место. Истовремено се обидовме да го претставиме брендот Singular со својот автентичен, динамичен и прогресивен дух што се рефлектира во нашиот начин на работа и продуктно портфолио.“ вели Елена Михајлоска Димоска, Head of Communications & Employer Brand.

Студентите коишто го посетија штандот имаа прилика и преку забава да добијат награда со Singular’s Wheel of Fortune, што претставува само мал sneak peek на продуктите позади кои стои компанијата. Портфолиото на Singular вклучува софтверски решенија за игри на среќа, спортско обложување и гејминг коишто за брзо прераснаа во лидери во својата индустрија.

Во 2021, врвниот квалитет, како и посветеноста на тимот кон иновација и успех, овозможија Singular да се вклучи во интернационалната дивизија на Flutter Entertainment Plc. Групација е светски познат лидер во онлајн спортско кладење и гејминг во чие портфолио спаѓаат најиновативните брендови од овој сектор.

Аквизацијата донесе многу придобивки за вработените, меѓу кои развивање на својата кариера преку соработка со тимови од светски познати компании, бизнис патувања и работилници, размена на знаење и пристап до работни места низ сите канцеларии на Flutter во осум држави. Целосниот пакет на придобивки ќе биде наскоро објавен, со што Singular ќе се позиционира како пионер и поддржувач на работната култура што го подобрува балансот меѓу професионален и приватен живот.

Доколку сакаш да се приклучиш на тимот на Singular, посети ја нивната веб страна: culture.singular.uk