На Меѓународниот aеродром Скопје, во недела ќе биде промовирана новата авиолинија Франкфурт-Скопје на германската „Луфтханза“, со што и ќе се означи влезот на оваа авиокомпанија на македонскиот пазар.

Како што информираат од ТАВ Македонинија, отворањето на новата линија ќе биде одбележано со слетување на првиот авион на Луфтханза од Франкфурт на скопскиот аеродром.

Новата авиолинија - од Скопје до Франкфурт се реализира со субвенции од Владата. „Луфтханза“ ќе лета од Скопје до Франкфурт од 23 април, десет пати неделно.

Преку Франкфурт, патниците од земјава ќе имаат можност да се поврзат со повеќе од 200 дестинации во повеќе држави во Европа и светот.

Покрај „Луфтханза“, договорени се и четири нови дестинации со унгарски „Виз Ер“, од Скопје до Луксембург, Штутграт, Салцубург и до Љубљана. 

„Виз Ер“ ќе ги опслужува  четирите нови дестинации три пати неделно од 1 ноември годинава.

Црна Гора ја добива својата прва дигитална валута - национален стабилкоин. Централната банка на Црна Гора (CBCG) се согласи да соработува со давателот на крипто и блокчејн решенија, компанијата Ripple, со цел да развие стратегија и да имплементира пилот програма за нејзино лансирање, пренесува Investor.

Воведувањето дигитална валута е, во согласност со основните цели на Централната банка на Црна Гора, уште еден чекор напред кон дигитализација на финансиските услуги и проширување на просторот за достапност на финансиски услуги до граѓаните на Црна Гора. CBDC е дигитализирана верзија на валута издадена од централните банки. Денес, повеќе од сто земји ширум светот тестираат и развиваат дигитална валута на централната банка за широк опсег на потреби, вклучително и зајакнување на финансиската вклученост, модернизирање на монетарната политика, подобрување на безбедноста на плаќањето и зголемување на ефикасноста на прекуграничните плаќања - според соопштението на CBCG.

Европската централна банка (ЕЦБ), да ве потсетиме, работи на развој на концептот на дигитално евро како идно средство за безбедно, сигурно и практично електронско плаќање во еврозоната.

Преку проектот, Централната банка на Црна Гора ќе работи со Владата на Црна Гора и црногорската академска заедница на создавање практична дигитална валута или безбедно решение за валута со цел да се тестираат главните функционалности и потенцијали на блокчејн технологијата, како и да се анализираат предностите и ризиците што би можеле да ги претставуваат CBDC или национална стабилна валута во однос на достапноста на електронските средства за плаќање, безбедноста, ефикасноста, усогласеноста со прописите и што е најважно, заштитата на правата и приватноста на крајните корисници - рече Жугиќ. .

Проектот ќе помине низ неколку фази, вклучувајќи ја идентификацијата на практичната примена на дигиталната валута и дизајнот за симулирање на нејзината циркулација и употреба под контролирани услови.

Централната банка на Црна Гора носи повисоко ниво на дигитална трансформација на својата финансиска инфраструктура и се соочува со еден од најголемите предизвици во светот на финансиите, вклучително и финансиската вклученост – изјави Џејмс Волис, потпретседател на Рипл за односи со централните банки.

Ripple има искуство во успешно поврзување на различни платежни системи и залагање за полезноста на блокчејн за издавање дигитални валути на централната банка и решавање на глобални плаќања за стотици финансиски институции ширум светот.

Црна Гора сега го користи еврото како своја валута од нејзиното воведување во 2002 година, иако не е дел од еврозоната.

Валис објасни дека се планира фаза на „песок“ со цел идната дигитална валута да се стави во оптек под контролирани услови.

Ќе работиме тесно со Централната банка за да ги идентификуваме случаите на употреба, клучните фактори за успех и временските рокови. Проектот ќе започне овој месец - додаде тој.

Инаку, црногорскиот премиер Дритан Абазовиќ прв го откри претстојниот договор меѓу Рипл и Централната банка на Црна Гора во твит од Светскиот економски форум во Давос во јануари оваа година.

Просечната исплатена нето-плата во февруари изнесувала 33.720 денари. 

Kaко што објави Државниот завод за статистика(ДЗС), во однос на февруари лани кај платата има зголемување за 13 отсто.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: градежништво (21,3 отсто), информации и комуникации (18,5 отсто) и објекти за сместување и сервисни дејности со храна (16,5 отсто), соопштува ДЗС.

Намалување на просечната месечна исплатена нето-плата по вработен, во однос на претходниот месец има во секторите: транспорт и складирање (9,7  отсто), рударство и вадење на камен (9,2  отсто) и Дејности во врска со недвижен имот (6,1 отсто).

Словенците, Хрватите, Црногорците, Србите и Босанците имаат повисоки просечни плати од Македонците. Во Србија просечната плата е 706 евра, а во Босна и Херцеговина 617 евра. Во Црна Гора просекот е 757 евра. Словенија и Хрватска имаат просек над 1.000 евра. 
  
 

Регулаторната комисија за енергетика и водни услуги на Република Македонија донесе Одлука со која се врши намалување на малопродажните цени на нафтените деривати во просек за 1,05% во однос на одлуката од 18.4.2023 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 4,118%, кај дизелот за 2,823 %, кај екстра лесното масло за 2,702% и кај мазутот има зголемување за 1,511%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,713%.

Малопродажната цена на бензинот ЕУРОСУПЕР БС-95 се намалува за 2,50 ден/лит, додека малопродажната цена на бензинот ЕУРОСУПЕР БС-98 се намалува за 2,00 ден/лит.

Малопродажните цени на ЕУРОДИЗЕЛ (Д-Е V), на Екстра лесното масло за домаќинство на (ЕЛ-1) и на Мазутот М-1 НС не се менуваат.

Од 21.4.2023 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 82,50 (денари/литар), Моторен бензин ЕУРОСУПЕР БС – 98 85,00 (денари/литар), Дизел гориво ЕУРОДИЗЕЛ БС (Д-Е V) 74,00 (денари/литар), Масло за горење Екстра лесно 1 (ЕЛ-1) 72,50 (денари/литар) и Мазут М-1 НС 41,409 (денари/килограм).

-Напоменуваме дека ова се максималните цени на нафтените деривати од 00:01 часот на 21.4.2023 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од Регулаторна.