Шелинг, сака да ги спречи интернет концерните да профитираат од „даночните дупки”.

Министерот за финансии на Австрија, Ханс Јерг Шелинг има намера да ги даночи интернет концерните, односно сајтовите за онлајн продажба како „Амазон“ и „Заландо“.

Имено, Шелинг, сака да ги спречи интернет концерните да профитираат од „даночните дупки”, додека во земјата сите фирми, па и тие најмалите се опфатени со данок. Во врска со тоа развил план, кој треба да создаде фер услови за сите. 

Една од најстрогите влади во светот е владата на Саудиска Арабија. Сепак, властите одлучија да направат мал чекор за да привлечат повеќе туристи. Решија да ги отворат вратите за туристите на ресортите на море во кои нема да важат строгите религиски закони на оваа земја, па можеби токму сега повеќето туристи ќе се одлучат да ја посетат.

Земјата изобилува со прекрасни плажи, но малкумина туристи ги имаат посетено во живо. Новите ресорти ќе се наоѓаат на над 50 острови, а проектот би требало да започне со работа во 2019 година.

Иако се уште не е познато што ќе биде дозволено, а што не, јавниот инвестициски фонд во земјата соопшти дека во ресортите ќе важат „меѓународните стандардни закони“, што значи дека на посетителите и туристите ќе може да им се служи алкохол и нема да важат строгите правила за женската популација.

Најбрз интернет на светот има Сингапур, а најбавен во Јемен, a Македонија е на 59 место на листста од 189 земји опфатени во најновото истражување.

Во Македонија, со просечна брзина од 7,34 mbps треба 2 часа, 19 минути и 28 секунди за да се „симне“ филм во Full HD, додека во Сингапур нецели 19 минути, а во Јемен повеќе од два дена, објави британскиот веб-сајт cable.co.uk врз основа на анализата на податоци на истражувачката група M-Lab.

На листата Унгарија се пласира на 15 место, Романија на 18, Словенија на 25, а Бугарија на 27. Србија е на 41, а Хрватска веднаш над неа на 40 место со брзина на интернетот од 12,57 Mbps. Зад нас по брзина на интернетот се Босна и Херцеговина на 61, Црна Гора на 71 и Албанија на 78 место, покажаа тестирањата.

Во текот на изминатите 12 месеци заклучно со 10 мај оваа година, ширум светот биле направени над 63 милиони тестирања на брзината на интернетот.

Тестирањата покажаа дека најбрз интернет има Сингапур, во просек 55,13 Mbps, што е доволно за преземање на филм од 7,5 GB во Full HD со највисок квалитет за 18 минути и 34 секунди. Истиот филм во Јемен, која е последна земја налистата,  би се симнувал со просечна брзина од само 0,34 Mbps за повеќе од два дена.

Шведска, Тајван, Данска, Холандија и Латвија имаат просечна брзина поголема од 30 Mbps, што според британската регулаторна агенција за телекомуникации Ofcom го дефинира како „супербрзина“.

Во 139 земји имаат просечна брзина на интернет под 10 Mbps, што според Ofcom  е минималната брзина што може да одговори на потребите на едно типично семејство.

Помеѓу 30 земји со најбрз интернет, воглаво се држави од Европа и Азија, додека во Африка повеќе од половина земји се со најслаби перфоманси, објави cable.co.uk, кој обезбедува советодавни услуги за британските провајдери на интернет, ТВ и телефонија.

Производителот на автомобили Ауди за купувачите во Германија смисли пакет мерки за да го стимулира заменувањето на старите дизел автомобили со понови модели од оваа марка.

Така на оние кои имаат дизел автомобили со Еуро 1 до Еуро 4 мотори оваа компанија им овозможува купување на нови Ауди автомобили од Еуро 6 агрегат по принцип старо за нови, а ќе добијат бонус од 3 го 10 илјади евра, во зависност од моделот што сакаат да го купат.

Оваа акција, која во потполност ја финансира Ауди, за сега е достапна само за купувачите во Германија како дел од пакетот мерки кои државата ги презема за да го намали бројот на старите загадувачи.Освен за новите

Ауди автомобили, оваа акција важи за стари половни автомобили кои ги задоволуваат етандардите од Еуро 6.
Најновата мерка е дел од спогодбата која Аudi, Volkswagen, BMW, Daimler и Opel, ја постигнаа со владата, а со која е предвидена брза замена на старите со нови модели автомобили, еколошки прифатливи.