Постојат докази во невронауката дека само принудувајќи се да се смеете може да генерира некои од овие ефекти, но тогаш тие се многу помалку изразени отколку ако тоа е вистински иницирано.

Врската помеѓу среќата и продуктивноста постои веќе некое време, но дури неодамна е откриено дека „луѓето кои се среќни, работат понапорно“.

За работните места каде што луѓето работат во тим, смеата е многу добар начин за зајакнување на врските помеѓу тимот и во исто време, намалување на стресот.

Важна точка што треба да се истакне е дека еден од знаците на хроничен стрес е губењето на смислата за хумор и може да ја украде таа смисла за хумор и да ви ја одземе способноста да ја видите смешната страна на животот.

Дејстувајќи позитивно на вашиот ум и тело, смеата помага да се ослободите од стресот и анкциозноста кои се непријател број еден кога се работи за креативност. Имено, тие ве блокираат и не дозволуваат да се поместите ментално, а понекогаш дури и физички. Смеата ја прекинува оваа блокада така да можете да почнете да размислувате побрзо. Кога успевате да најдете извор на смеа на момент, поспособни сте да предлагате иновативни решенија без страв од критика.

Затоа, смејте се повеќе!

Од денеска треба да почне исплатата на „Мој ДДВ“ за првото тримесечје од годинава со зголемен лимит до 2.100 денари. 

Средствата што треба да се вратат кај граѓаните во првото тримесечје се проценуваат на околу 10 милиони евра. 

Директорката на Управата за јавни приходи Сања Лукаревска вчера во интервју за емисијата „Утрински печат“ изјави дека средствата се обезбедени во Буџетот. 

Средствата што треба да се вратат преку оваа мерка за првото тримесечје се околу 10 милиони евра и тие средства се предвидени во буџетот. Ќе инсистирам секој почеток на тековна година да расте лимитот за поврат на ДДВ на физички лица, рече Лукаревска.

На предлог на Министерството за финансии, Владата на 27 декември лани го утврди Предлог-текстот на законот со кој лимитот за поврат на ДДВ се зголемува од 1.800 на 2.100 денари.

Министерството за труд и социјална политика информира дека денеска започна исплатата на правата од социјална, детска и цивилна заштита за месец април 2023 година.

Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 4 мај 2023 година.

Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:

• 04.05.2023– А, Б, В, Г, Д, Ѓ, Е, Ж, З, Ѕ; И, Ј, К, Л, Љ
• 05.05.2023– М, Н, Њ, О;П, Р С, Т, Ќ, У, Ф, Х, Ц, Ч, Џ, Ш

Низ патарините на коридорите 8 и 10 лани транзитирале 52 милиони возила при што е остварен вкупен приход од 53.242.070 евра што претставува зголемување за 15 проценти. Граѓаните се уште го преферираат плаќањето во готово со нешто над 55 проценти, но во подем е и електронската наплата која учествува со околу 30 проценти во вкупната наплата, а безготовинското плаќање со платежни картички околу 15 проценти. 

Од Јавното претпријатие за државни патишта, кое денеска одбележува 36 години постоење на патарините во земјава, велат дека наплатната служба веќе не е синоним за полнење на негативни содржини на насловните страници, туку има имиџ на сериозна служба која 24/7 е во функција на патникот, а вработените се секогаш на ниво на задачата.

Споредбено по години бројките се движеле во нагорна линија, па така во 2019 година остварен е вкупен промет од 43.607.588 евра, во 2020 година, во услови на пандемија и намален сообраќај забележавме промет од 34.029.562 евра, во 2021 година, од 46.401.122 евра. И оваа 2023 година проекциите се движат во нагорна линија и очекуваме приход од околу 56 милиони евра, изјави денеска директорот на Јавното претпријатие за државни патишта Ејуп Рустеми.

Тој заедно со министерот за транспорт и врски Благој Бочварски и со заменик-директорот на ЈПДП Благојче Трпевски извршија увид во работењето на наплатната служба на наплатната станица Петровец каде што се наоѓа и Оперативниот центар преку кој се мониторира работењето на сите наплатни станици. 

Ова значи добивка не само за ЈПДП туку добивка и за граѓаните и државата бидејќи сите овие средства се инвестираат во нови патишта, во рехабилитација на постојните и одржување на сите регионални патни правци, изјави министерот Бочварски.

Во јули 2019 година почна да функционира и електронската наплата на патарините која, според податоците од ЈПДП, бележи постојан раст како во продажбата на електронски уреди, така и во надополнувањето. Така, од 2019 година до сега, продадени се вкупно 146.492 М-Смарт картички и М-Таг во количина од 18.477 уреди и направени се вкупно 892.673 поединечни надополнувања на електронски уреди. 

Првите три патарини во државата беа отворени во 1987 година кога првиот билет го издаде вработениот инкасант Никола Станоев, кој 36 години подоцна сеуште е дел од тимот на наплатната станица Градско. Оттогаш отворени се 14 наплатни станици на коридорите 8 и 10.