Авиокомпанијата Визер  најавува нова услуга за патниците - „Fare Lock“, што ќе им овозможи на патниците да си го обезбедат летот со пакет по нивен избор за 48 часа.

Ова е уникатна функција креирана за да ги задоволи потребите и желбите на нашите патници, велат од Визер.
Оваа услуга им нуди можност на патниците на Визер да обезбедат селектиран билет за период од 48 часа за надоместок 3 евра за едно лице за резервации креирани повеќе од 7 дена пред датумот на заминување или датумот на првиот лет во случај на повратно летање.

Услугата може да се користи за резервации за еден правец, повратни летови и за неколку патници. Избраните летови, името или бројот на патниците не можат да се модификуваат во врска со обезбедената цена откако ќе се изврши исплата на заштитата на тарифите.

Со цел да се финализира резервацијата по цена обезбедена од оваа услуга, корисниците на Визер ќе мора да уплатат целосен износ на билет со кредитна картичка или со користење на кредит сметката во рок од 48 часа со пристап на страната на My Bookings. Ако резервацијата не е финализирана во рок од 48 часа од користењето на услугата „Fare Lock“, резервираната цена ќе биде автоматски откажана.

Милениумците го одолговлекуваат бракот и започнуваат семејства подоцна во својот живот, но постои едно нешто за кое не чекаат: нивното прво домашно милениче.

За многумина на возраст од 20 до 36 година, крзнените животинчиња се многу повеќе од слатки придружници – тие се ‘деца за почетници’.

Едно скорешно истражување од агенцијата за бизнис решенија Gale откrи дека 44 проценти од милениумците гледаат на своите миленичиња како “вежба” за имање деца, од кои, 21 процент истакнале дека тоа е главната причина поради која се одлучиле да вдомат животно, додека пак останатите 23 проценти изјавиле дека тоа е една од неколкуте причини. Минатата година, Вашингтон Пост објави статија според која барем три-четвртини од Американците во своите 30-ти години поседуваат куче, а нешто повеќе од половина – мачка.

Според маркетерите, општата прецепција кон милениците се променила со оваа генерација, а тие можат да ја искористат перспективата ‘миленици како деца’ во своја полза.

Според едно истражување на Wakefiled Research, милениумците размислуваат поинаку за она што е “есенцијален” производ за своите миленици. Три-четвртини од милениумци вклучени во студијата изјавиле дека поголема е веројатноста да потрошат пари на некој производ за своите миленици отколку за самите себе.

Студијата забележа дека за милениумците е многу важно производите да бидат направени од органски и природни материјали кои не предизвикуваат алергии кај милениците. Всушност, 86 проценти од милениумците одговориле дека природната храна е клучна кога е во прашање нивниот миленик.

Сопствениците на миленици кои живеат во градови преферираат достава до дома кога е тоа можно. Оние кои ги сметаат своите миленици за деца имаат волја и трпение да вложат време во истражување и одлучување дали некој бренд е соодветен за нивниот миленик, а многумина  следат  и инфлуенсери за миленици (petfluencers) на социјалните медиуми за да се во тек со новите трендови.

Нивните лични искуства ги споделуваат со други, така што услужливиот однос спрема нив може да истакне некој бренд. Бреднот за храна за миленици Chewy, на пример, предизвика постивни медиумски реакции откако им спрати подароци на сопствениците кои ги изгубиле своите миленици.

Како што брендовите се стремат да направат разлика во светот на домашните миленици и да ги следат дигиталните трендови, така сопствениците на миленици ја препознаваат моќта која брендовите може да ја имаат во нивните животи.

Во пресрет на локалните избори кои во Македонија ќе се одржат овој октомври, политичарот и актуелен градоначалник на општина Карпош, лансираше мобилна апликација преку која овозможува непосредна комуникација со него и неговиот тим.

“Следејќи ги светските трендови, градоначалникот на Општина Карпош и претседател на ГРОМ, Стевчо Јакимовски ќе биде постојано online и преку оваа апликација за паметни уреди. Граѓаните, освен што побрзо ќе бидат запознаени со сите случувања и настани во Општина Карпош, самата апликација им нуди можност да пријават проблем на кој надлежните општински служби навремено ќе реагираат“ – информираат од општината.

Апликацијата засега е достапна само за корисниците на андроид смарт телефоните и може да се најде на Play Store на следниов ЛИНК.

Една од најактуелните ИТ-професии денес е и мрежниот инженер, но со истата и не сме запознаени премногу. За тоа што сѐ работи мрежниот инженер, атрактивноста на оваа професија, каде можат да се стекнат овие знаења и кои се идните трендови, разговаравме со Тони Трпковски, член на групацијата „Сеавус“, каде што работи како дел од Managed Services-дивизијата, којашто е во постојан раст и е рангирана во топ 100 MSP’s (Managed Service Providers) на светско ниво. Својата кариера ја започнува како студент на ИТ-Академијата „Александрија“ и е дел од првата генерација. По завршувањето останува да работи во „Александрија“ како инструктор, а потоа станува дел од тимот на  „Сеавус“, како систем -интегратор и дел од клиентската поддршка во Њујорк.
 

1. Што всушност работи мрежниот инженер и кој е степенот на одговорност на оваа професија денес?

Живееме во време кога компјутерските технологии се присутни во секоја сфера. Кога ќе овозможиме комуникација меѓу повеќе компутери со цел споделување на информации, сме направиле едноставна компјутерска мрежа. Мрежниот инженер е оној кој го има знаењето да постави, унапредува и одржува една компјутерска мрежа во компанија, како и да ја поврзе таа мрежа со останати мрежи од други компании или глобална мрежа на светско ниво. Тоа се решенија кои им овозможуваат на сите вработени да ја извршуваат својата работа непречено. Во суштина, мрежниот инженер е оној кој поставува жичена и безжична инфраструктура, обезбедува проток и достапност до информации, но и заштита од внатрешни и надворешни напади.

2. Кој профил на луѓе се предодредени за оваа професија?

Оние луѓе кои ги интересираа поврзаноста на нештата, кои сакаат да ја гледаат поголемата слика, а да не се задржуваат само на својот монитор, секако би ја одбрале професијата мрежен-администратор. Дури и да се насочат на друга ИТ-позиција понатаму, знаењето за мрежи ќе им овозможи полесно да ги исполнуваат своите задачи.
Јас, на пример, во моментот не работам како мрежен инженер, но таа специјализација ми помогна полесно да носам стратешки одлуки во однос на инфраструктурата на компанијата.
Затоа, без мрежните администратори и инженери, било која компанија е невозможно да опстане.

3. Евидентна е атрактивноста на оваа професија. Што според вас ја прави оваа професија високо-побарувана во светски рамки?

Неопходноста. Едноставно не може да се замисли функционирање на еден систем без добра мрежна инфраструктура. Доколку нема интернет, програмерите не можат да работат на околини кои не се во локална мрежа. Доколку не функционира локалната мрежа нема да можат да се остваруваат исполнуваат секојдневните обврски. Компанијата мора да има стручни луѓе кои ќе ја “бранат и хранат” мрежата.

4. На што работите во моментов?

Во моментов сум дел од Managed Services дивизијата во „Сеавус“. Се работи за дивизија која е меѓу поновите во компанијата, но е брзорастечка. Во моментов брои околу 80 инженери, сите со позадина и разбирање од администрација на мрежи и системи со понатамошна специјализација во одредена бизнис-технологија или решенија како системи за телеком-оператори, банки, финансиски институции, други ИТ-компании итн. Сите нѐ обединува сличната основа на знаењето, почетоците на нашите кариери, односно систем-администрација и познавање на мрежни протоколи, сервиси и генерално сѐ што опфаќа една ИТ- инфраструктура.

5. Како котираат платите на мрежните инжинери и какви се градациите во титулите, односно можностите за напредок?

Платите на мрежните инженери се споредливи во висина со платите на програмерите. Иако,  од гледна точка на волумен во моментов на пазарот ќе забележите поголем број на побарувања за програмери, сепак недостиг за квалификувани мрежни инженери постои и е во нагорна линија. Од гледна точка на градација, стандардите се воглавно исти, почетно, средно и сениор-ниво. Напредувањето е секогаш присутно, секое стекнато искуство во нова технологија секако носи напредок.

6. Како и каде се создаваат најдобрите мрежни инженери во Македонија?

Рецептот е јасен. Специјализирани обуки, добра пракса, а секако и искуство. Поради овие причини, програмата за мрежен инженер во „SEDC“  е скоро идеална. Формулирана е да ја опфати основата во повеќето области со кои би се сретнал еден мрежен инженер на своето работно место. Токму затоа, најдобриот студент од оваа Академија ќе биде дел од нашиот тим во „Сеавус“, во потрага сме по најдобриот мрежен инжeнер J

7. Какви се прогнозите за развојните трендови на оваа професија во следниве 10 години?

10 години за ИТ е навистина долг период и е тешко да се предвиди, па би рекол дека во следните 3-5 години значително ќе се зголеми потребата за познавање на cloud базирани технологии од една страна, а контрадикторно или не, способноста за заштита на компјутерски системи и податоци ќе биде сѐ поизразена. Поради недостиг на доволно квалификуван кадар, оваа професија постојано ќе биде во тренд.