Прославуваме 40.000 прикачени CV и над 1.000 компании во нашата KARIERA.mk мрежа на соработка.

Нема поголема радост од растењето на бројот на апликации и бројот на компании за соработка!

Тимот на KARIERA.mk денес наздрави за одлична соработка со 1.000 компании од регионот кои беа во потрага по квалитетни вработени преку нашиот сајт и 40.000 корисници кои ги прикачија своите CV и аплицираа на нашите огласи!

Не престануваме да броиме, се додека не ја најдеме вистинската работа за тебе!

KARIERA.mk сака да сподели со вас неколку нешта кои ве враќаат од патеката да станете милијардери.

Едноставно за да станеш милијардер освен посветеност, среќа и едуцираност треба да ги поседувате и овие нешта:

1. Не разбирате како функционираат парите

Парите не се комплицирани, но и покрај тоа вие не разбирате како фунционираат.

Вие мислите дека пари ќе имаш само доколку работиш напорно, но милионерите секогаш смислуваат различни начини како да дојдат до нив со помалку работа и како истите постојано да кружат во нивниот живот.

2. Не ја цените едукацијата

Сигурно изговор е вашата работа од која немате време да прочитате книга, весник или било што кое може да ве едуцира повеќе околу животот и како да си го подобрите.

Милионерите не го прифаќаат изговорот нема време, кај нив секогаш се наоѓа време, бидејќи реално ако сакаш ќе најдеш време за сè, а едукацијата е вредна за еден час од твоето време, нели?

3. Не штедите

Мислите дека милионерите се милионери бидејќи се расфрлаат со пари?

Не, тие се милионери бидејќи го штедат секој денар, цент, долар, евро, ама баш секој, наместо како вие кои трошите се што имате заштедено на непотребни работи.

4. Не инвестирате

Не се важни само парите за да бидете милионер, важни се и останатите финансиски средства како имоти, хартии од вредност, земјишта и слично.

Доколку сте доволно паметни да заштедите и да купите некое од овие средства, милиони може да добиете многу лесно, но начинот на кој што ќе го направите тоа треба да го смислите сами.

Министерството за земјоделство, шумарство и водостопанство во периодот јуни – средина на август 2017 година, по втор пат после 2009 година, изврши авионско снимање на целата територија на Република Македонија. Согласно Европските регулативи и препораки авионските снимки се основа за функционирање на Системот за идентификација на земјишни парцели (СИЗП). Со просторната идентификација на земјишни парцели се определуваат границите и големината на обработливата површина за која земјоделците аплицираат за финансиска поддршка во земјоделството и руралниот развој. На овој начин ќе се овозможат прецизни контроли од страна на Агенцијата за финансиска поддршка во земјоделството и руралниот развој, во однос на површините кои земјоделците ги пријавуваат за субвенции и фактичката состојба на терен.

Во рамките на процесот ќе бидат произведени ортофото карти, дигитален модел на теренот на целата држава и ќе биде направена иницијална дигитализација на земјоделските површини според употребата на земјиштето. Новите просторни податоци ќе овозможат ажурирање на промените настанати на земјишните парцели во периодот помеѓу двете снимања. За таа цел, при крајот на тековната и во текот на 2018 година, во Подрачните единици на министерството ќе бидат повикани земјоделските стопанства кај кои е утврдено несовпаѓање помеѓу состојбата на постојната ортофото карта од 2009 година и новата карта од 2017 година од аспект на површината на парцелата или користењето на земјиштето, а со цел корегирање на воочените отстапувања.

Покрај за спроведување на земјоделските политики на поддршка, новите ортофото карти и дигиталниот модел на теренот се достапни и наоѓаат широка примена и од страна на голем број на органи на државна управа, единици на локална самоуправа и правни лица при извршување на нивните надлежности во просторното планирање и проектирање, јавната безбедност, итн.

Активностите на изработка на авионските снимки, ортофото картите, дигиталниот модел на теренот, како и дигитализацијата на земјоделското земјиште финансиски е помогнато од страна на Европската Унија преку ИПА 2008-ма проектот “Изработка на ортофото карти и дигитализација на употребата на земјоделското земјиште и развој на ИТ софтвер за ЕРЗС регистарот, ФАДН системот и надградба на СИЗП софтверот“.

Според Централната разузнавачка агенција (ЦИА), Косово е втора земја со највисока стапка на невработеност кај младите лица во светот, по Босна и Херцеговина.

Во објавените информации на ЦИА, познати како Светска книга на факти „The World Fact Book” се опфатени и земји од Балканот.

Во оваа книга се наведени информации кои служат за официјална употреба на американските власти, обезбедувајќи јасна слика за демографијата, географијата, комуникацијата, државните органи, економијата и воените структури во светот. Властите на САД посебно го третираат проблемот со невработеноста на младите, при што Косово е во првите пет земји на листата каде се наоѓаат 134 држави и е рангирана многу понапред од земјите, како што се Јемен, Алжир и Етиопија, пишува електронскиото издание на приштинскиот весник „Експрес“.

Невработеноста на младите во Косово е 55,3 проценти. Пред Косово е Босна и Херцеговина со 62,8 проценти