Интернационалната ИТ компанија Singular организираше низа тимски активности по повод одбележување на мај како месец којшто глобално е посветен на подигнување на свеста за важноста на менталното здравје. Секоја активност е организирана со цел да посочи како различни аспекти од секојдневниот живот не треба да бидат занемарени бидејќи имаат позитивно влијание на нашата психо-физичка добросостојба.

„Активностите што ги презедовме овој месец служат како потсетник дека менталното здравје бара секојдневна грижа, а темите што ги покривме, како стрес менаџмент и креирање нови спомени со нашите блиски, се само мал дел од нашето секојдневие кое често знае да биде занемарено заради работните обврски,“ вели Елена Инадеска - Аврамовска, Employee Experience Manager во Singular.

Со тоа, вработените имаа прилика да присуствуваат на работилница за стрес менаџмент предводена од психологот Ивана Хаџиванова, основач на Неокортекс, еден од најдобрите центри во државата за психолошко советување и ментално здравје. Работилницата посочи колку и како стресот е штетен доколку не се адресира навремено, но и што може да се преземе за правилно справување.

Следно, се осврнавме на креативноста и социјализација со семејството, пријателите и колегите како извор на позитивно расположение. За таа цел, децата на вработените беа поканети да учествуваат заедно со нивните родители на креативна работилница предводена од Цветна Фабрика. Истовремено, одлучивме да оставиме трага  во нашите канцеларии со нанесување отпечатоци со обоени дланки на еден од ѕидовите. Оваа активност истовремено имаше за цел да ја поттикне нашата креативност, но и симболично да ја нагласи важноста на тимскиот дух.

За крајните активности, фокусот беше на забава и смеа, како едни од аспектите што имаат огромно влијание на нашето ментално здравје, а со тоа вработените на Singular имаа прилика да присуствуваат на стендап на Сашко Коцев, проследен со забава со којашто се заокружи овој месец на активности. Дополнително, освен настаните, HR тимот на Singular ја искористи оваа прилика да им даде акцент на придобивките коишто компанијата ги нуди на своите вработени, а се токму насочени кон грижа на менталното и физичкото здравје.

„Нашиот пакет на придобивки се стреми кон баланс помеѓу професионалниот и приватниот живот, што нѐ прави особено горди бидејќи покажува дека во Singular, менталното здравје не е само популарна тема со рок на траење, туку нешто во кое континуирано вложуваме бидејќи грижата кон нашите вработени е секогаш приоритет“, додава Елена Инадеска-Аврамовска.

Откако Singular стана бренд на интернационалната дивизија на Flutter Entertainment Plc, светски лидер во онлајн спортско обложување и гејминг, фокусот на компанијата дополнително се засили кон креирање на средина во која што луѓето се чувствуваат поддржани, сослушани и згрижени, преку воведување на нови придобивки во пакетот што компанијата им го нуди на своите вработени.

Наскоро компанијата ќе сподели повеќе информации на оваа тема, со цел да ја зголеми свесноста за работна култура во која грижата за своето ментално здравје и балансот помеѓу приватен и професионален живот не се само придобивка, туку суштинска потреба на луѓето. 

Доколку сакаш да се приклучиш во тимот на Singular, посети ја нивната веб страна за повеќе информации: culture.singular.uk

Професорката на Економскиот институт при Универзитетот „Св. Кирил и Методиј“ – Скопје, и проректор за финансии, инвестиции и развој, проф. д-р Биљана Ангелова денеска е избрана за нов ректор на УКИМ, соопшти Универзитетската изборна комисија.

Според доставените резултати од страна на изборните комисии од спроведеното непосредно и тајно гласање на единиците во составот на при Универзитетот „Св. Кирил и Методиј“ – Скопје, за ректор на УКИМ во мандатниот период 16 септември 2023 - 15 септември 2026 година е избрана проф. д-р Биљана Ангелова од Економскиот институт, се наведува во Одлуката на Универзитетската изборна комисија (УИК).

Според Комисијата, Ангелова добила 1 958,681 поени, а второпласираниот кандидат Димитар Ташковски од Факултетот за електротехника и информациски технологии (ФЕИТ) – 888,043. Натаму следуваат Горан Ајдински од Филозофскиот факултет со 866,078 поени, Христина Спасевска од ФЕИТ со 784,308, Атанас Кочов од Машинскиот факултет со 643,519 и Ратко Дуев од Филозофскиот факултет со 459,372 поени.

Претседателка на УИК, проф. Родна Живковска претходно за МИА изјави дека гласањето за избор на ректор на Универзитетот „Св. Кирил и Методиј“ на сите 28-те единици - 23 факултети и пет институти, што денеска траеше од 12 до 14 часот, поминало во најдобар ред.

Се поминува во најдобар ред. Единиците пресметуваат и ги вадат поените, ние само ги собираме и ги ставаме поените од сите 28 единици. Чекаме уште физички да ги донесат, инаку се пратени онлајн во табели. Секоја единица си ги пресметува и ни ги праќа по електронски пат и компјутерот ги собира. Веќе имаме електронски, уште физички да ги донесат, рече Живковска.

По објавувањето на резултатите од тајното гласање, ќе следува период за поднесување приговори во рок од три работни дена (31 мај – 5 јуни до 16 часот). Откако ќе бидат разгледани евентуални приговори, УИК на 6 јуни ќе ги објави конечните резултати. Доколку на некои единици во состав на УКИМ е потребно прегласување, повторното гласање ќе се организира на 9 јуни од 12 до 14 часот, а резултатите ќе бидат објавени до крајот на истиот ден. По законскиот рок од три дена за приговори, конечните резултати за избор на ректор ќе бидат објавени на 15 јуни.

Кандидатот што ќе биде избран, од септември ќе го наследи актуелниот ректор, проф. д-р Никола Јанкуловски од Медицинскиот факултет, кој функцијата ректор на Скопскиот универзитет ја извршуваше два мандата. 

Ангелова е вработена на Економскиот институт од 1992 година, каде во континуитет ги добива сите научни и наставно-научни звања. Во 2007 година првпат е избрана во највисокото научно звање научен советник/редовен професор во областа на деловни финансии, а во 2012 година повторно е избрана во редовен професор во областа на финансиски менаџмент.

Во периодот 2006-2008 година била раководител на вториот циклус студии по Меѓународен менаџмент, а од 2008 година до денес раководи со насоката Финансиски менаџмент. Таа беше и прв раководител на студиите од трет циклус по организациски науки – менаџмент на Универзитетот „Св. Кирил и Методиј“ во Скопје во периодот 2012-2016 година. Од ноември 2009 до септември 2016 година била директор на Економскиот институт. Во јуни 2016 година е избрана за проректор за финансии, инвестиции и развој на Универзитетот „Св. Кирил и Методиј“ во Скопје, на која функција е и вторпат избрана и во 2020 година за мандатниот период 2020-2023 година. Од 2016 до 2023 година е претседател на Комисијата за финансии и на Комисијата за издавачка дејност на УКИМ. 

Во тек е етапна исплата на пензиите за месец мај, соопшти Министерството за труд и социјална политика. Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:

• За пензии со висина до 11.000 денари, исплатата да се изврши на 29.05.2023 година (понеделник);
• За пензии со висина 11.001-14.000 денари, исплатата да се изврши на 30.05.2023 година (вторник);
• За пензии со висина 14.001-18.000 денари, исплатата да се изврши на 31.05.2023 година (среда) и
• За пензии со висина над 18.001 денари, исплата да се изврши на 01.06.2023 година (четврток).

Пензионерите кои користат платежна картичка, можат да ја подигнат пензијата на банкомат, да ги користат средствата за плаќање во трговската мрежа или за електронски плаќања.

Сместено во срцето на заливот Бока на јадранскиот брег, One&Only Portonovi во Црна Гора е првиот One&Only ресорт во Европа отворен на 21 март 2021 година.

Ресортот е суштински дел од Портонови – нов развој на луксузен животен стил од 60 хектари кој се гради на живописниот брег на заливот Бока во Црна Гора. Прекрасно пространство кое ќе им конкурира на воспоставените познати локации на Медитеранот, гостите можат да го истражуваат спектакуларниот залив со луксузна јахта, да нуркаат неоткриени пештери и да пловат по мирните води. Покрај тоа, One&Only, дестинацијата нуди Марина D-Marin Portonovi со 238 места за укотвување, лоцирана на заштитениот влез на заливот Бока, идеална и за големи јахти

Архитектурата на ресортот го одразува венецијанското наследство и големите италијански палати во регионот, елегантно резиденцијалниот ресорт на брегот на заливот, усогласено со околното наследство и целосно ги внесува гостите во дестинацијата. Располага со 113 соби, апартмани и вили, плус 10 One&Only Private Homes кои нудат пристап до сопствената плажа и изолирани индивидуални базени.

Ресортот располага со Tapasake Club, енергичен клуб со базен и ресторан, отворен и за ресортот и за надворешни гости, со современа азиска фузија на јадење и редовни настапи на диџеи во спектакуларен амбиент.

Ресторан Сабија - Донесување на духот на Сардинија и цела Италија во најспецијалниот ресторан во овој регион

Со одбележувањето на својата втора годишнина One&Only Portonovi внесува свеж шмек во својот ресторан на плажа, Sabia со ново, возбудливо мени направено од италијанскиот готвач Алесандро Мордини. Сабија, со мекиот сребрен песок е единствена на црногорското крајбрежје. Сега готвачот Мордини го збогатува искуството со вкусното влијание на Сардинија, кое нуди возбудлив поглед на традиционалните состојки, фокусирајќи се на свежа риба и зеленчук. Воодушевувачкиот стил на „долче вита“ е комбиниран со природната убавина на заливот Бока, драматичен по својата убавина и софистициран во неговата атмосфера.

Препуштете се на вкусовите на Црна Гора: нова кулинарска авантура во Стекхаусот на One&Only Portonovi La Veranda, Црна Гора

Најдобриот избор на месо, локални сезонски производи, исклучително вино, автентичниот ентериер и атмосфера го опишуваат новиот концепт на ресторанот La Veranda, кој се претвора во црногорски Стекхаус.

One&Only целосно го редефинира искуството за благосостојба во ресортот со воведување на ексклузивно глобално партнерство со водечкиот експерт за здравје и убавина, Chenot. Како прв бренд што испорача научен пристап кон велнесот во партнерство со бренд кој има над 50 години искуство во областа на медицинските спа, здравјето и благосостојбата, Chenot е идеален за развој и имплементација на различни методи низ портфолиото на ресорти One&Only. И двата бренда се пионери во индустријата и ова партнерство ќе го револуционизира искуството на гостите.

One&Only Portonovi може да се пофали со приватна и затскриена песочна плажа со поглед на заливот, со препознатливи искуства на  плажата One&Only, како што се лежалки и чадори, освежителни пијалоци и коктели и свежо подготвени закуски на плажата во мирна и опуштена околина.

Во моментот ресортот има отворени работни позиции и ги повикува сите македонци кои сакаат одлично лето на плажа и неповторливо работно искуство! Аплицирајте за следните позиции:

CHEF DE PARTIE IN MONTENEGRO

SERVER IN MONTENEGRO

HOUSEKEEPING ATTENDANT IN MONTENEGRO