Флекс Кредит доверлив лидер во финансиската индустрија, гордо одбележува 3 години на извонредност, иновација и услуга насочена кон клиентите. Од своето основање во 2020 година, Флекс Кредит е компанија посветена на задоволување на финансиските потреби на поединците и бизнисите, градејќи трајни односи засновани на доверба, транспарентност и интегритет.

“Се гордееме со нашиот тим од искусни професионалци, кои се познати по својата експертиза, персонализиран пристап и посветеност на задоволството на клиентите. Секојдневната потрага по совршеност е она што нè издвои и не направи претпочитан финансиски партнер за поединци и бизниси.

Во прославата на три годишнината, сакаме да изразиме благодарност до нашите ценети клиенти, чија непоколеблива доверба и лојалност беа клучни за нашиот успех. Нивното верување во нашите услуги е она што ни овозможи да растеме и напредуваме во високо конкурентна индустрија.

Додека гледаме кон иднината, остануваme посветени на поместување на границите на финансиските иновации и испорака на исклучителна вредност за нашите клиенти. Ние постојано истражуваме нови технологии, инвестираме во развој на таленти и ја усовршуваме нашата понуда.

Од своето основање во Македонија во 2020 година, Флекс Кредит постојано дава приоритет на општествената одговорност. Оваа посветеност произлегува од нашата теза дека успехот не се мери само со финансиските достигнувања, туку и со доприносот што го даваме кон општеството.

Поддршката на иницијативите кои го подобруваат квалитетот на животот на оние на кои им е потребна не прави една од најголемите опшествено орговорни компании во нашата држава. Преку волонтерски програми, добротворни донации и партнерства со локални организации, континуирано се стремиме да направиме позитивно влијание врз општеството.

Го прославуваме 3тиот роденден и со ветување дека и оваа година исто како и минатата ќе дадеме бројни спонзорства и донации онаму каде што е најпотребно.” -вели Горан Арсов, генерален директор на Флекс Кредит.

Иако Google тврди дека оваа промена е направена на барање на корисниците, не е сигурно како мнозинството ќе реагира на нив.

Ако ја користите услугата за е-пошта на Google, Gmail и друга услуга за е-пошта во исто време, веројатно сте забележале дека пребарувањето со Google е многу побрзо и попрецизно отколку кај другите услуги.

Имено, од Google најавија дека ќе го променат начинот на кој работи пребарувачот во рамките на Gmail. Така, резултатите веќе нема да се подредуваат хронолошки, од последната примена е-пошта со пребаруваниот клучен збор, до постарите. Не, Google воведува „врвни резултати“, односно на самиот врв на страницата со резултати од пребарувањето ќе има мејлови кои Google мисли дека корисникот сака да ги види, односно да ги бара.

Како што објаснуваат од оваа компанија, ќе ги анализира мејловите кои пристигнале последни во комбинација со терминот што го бара корисникот, како и „некои други релевантни фактори“ за да го даде најдобриот резултат од пребарувањето. Но, прашањето е – за кого најдобро?, пишува хрватски Дневник.

Останатите резултати, според Google, ќе се појават во долниот дел на екранот, подредени хронолошки, како што се појавуваа до сега.

Google тврди дека оваа промена дошла од самите корисници кои сакале „подобри резултати од пребарувањето“.

Како и да е, промените се неизбежни, па корисниците кои користат Gmail преку мобилната апликација први ќе уживаат во новите резултати од пребарувањето Inbox. Промените треба да бидат имплементирани ширум светот во следните две недели.

Она што Google не го кажа е дали и кога овој начин на прикажување на резултатите од пребарувањето во Inbox ќе биде видлив и на компјутерите.

РКЕ ги објави новите цени на горивата кои ќе важат од полноќ.

Малопродажните цени на бензинот ЕУРОСУПЕР БС-95 и на Екстра лесното масло за домаќинство на (ЕЛ-1), се намалуваат за 0,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 29.05.2023 година и со тоа малопродажната цена на ЕУРОСУПЕР БС-95 изнесува 80,00 ден/лит, додека малопродажната цена на Екстра лесното масло за домаќинство на (ЕЛ-1) изнесува 67,50 ден/лит.

Малопродажната цена на бензинот ЕУРОСУПЕР БС-98 се намалува за 1,00 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 29.05.2023 година и со тоа малопродажната цена на ЕУРОСУПЕР БС-98 изнесува 82,00 ден/лит.

Малопродажната цена на ЕУРОДИЗЕЛ (Д-Е V), не се менува, односно останува на исто ниво, како што била утврдена со одлуката за утврдување на највисоки малопродажни цени на нафтените деривати и горива за транспорт од 29.05.2023 година и со тоа малопродажната цена на ЕУРОДИЗЕЛ (Д-Е V) изнесува 69,00 ден/лит.

Сообраќајните полицајци вчера на автопатот Тетово-Скопје меѓу 94 возачи кои ги казниле за пребрзо возење, откриле двајца кои се движеле со 214 и 227 километри на час. Акциската контрола за брзина со која се движат возилата, посебно на автопатот Гостивар-Тетово-Скопје била спроведена од 15 до 21 часот на тетовско-гостиварското подрачје.

При контролата биле откриени и санкционирани вкупно 94 пречекорувања на максимално дозволената брзина надвор од населено место од 66 во тетовскиот регион и 28 во гостиварскиот.

Осум од нив односно пет во Тетовско и три во Гостиварско биле за над 70 километри повеќе од максималната брзина, меѓу кои двајца возачи на автопатот Скопје-Тетово се движеле со 214 и 227 километри на час. На сите возачи-прекршители изготвени им се соодветни поднесоци и ќе се соочат со предвидените парични глоби, а некои и со времено одземање на возачките дозволи од три месеци до една година. СВР Тетово со апел до возачите да не возат пребрзо, зашто најголемиот број и од годинашните сообраќајни несреќи се резултат на неприлагодена брзина според условите на патот и пред се оние со најтешки последици, порача портпаролот Марјан Јосифоски.

Во контролата 21 возило пречекорило од 50 до 70 километри на час (ТЕ-10 и ГВ-11) и така натаму.При контролата санкционирано е едно пречекорување на пропишаната брзина во населено во Тетово и осудм други видови сообраќајни прекршоци во истиорт град.