Премиерот Димитар Ковачевски, на својот Фејсбук профил најави ново покачување на пензиите од септември.

Како што истакна тој, на состанокот со претседателот на Партијата на пензионери Илија Николовски и потпретседателот Миле Андоновски, зборувале за политиките и мерките на Владата за пензионерите, за предлозите и прашањата што се од нивен интерес.

„ Како одговорна Влада, подеднакво се грижиме за заштита на стандардот на сите граѓани. Со новата методологија на усогласување на пензиите обезбедивме да има континуиран раст на пензиите. Со последното усогласување во март пензијата се покачи за 8,4%, а усогласување ќе има повторно и во септември, со што пензиите за една календарска година ќе достигнат раст од 25%“ напиша Ковачевски.

Проблемот со уличните кучиња не е присутен само во Македонија, туку го има и во соседните земји. Откако пред два дена во центарот на Приштина кучиња скитници искасаа дете, градоначалникот Перпарим Рама реши да почне акција за нивно отстранување.

Надлежните служби најавија дека кучињата ќе ги испратат во прифатилишта со лиценца, каде што ќе бидат соодветно третирани и потоа подготвени за посвојување.

Сите кои ќе покажат интерес за посвојување кучиња ќе бидат субвенционирани со 50 евра месечно.

- Лице што земe куче ќе се субвенционира со 50 евра месечно. Граѓаните можат да земат до пет кучиња, велат од градот.

Со оглед на тоа дека и Скопје има идентичен проблем со уличните кучиња, и покрај акциите на ЈП „Лајка“ за заловување на животните, можеби градот треба да размисли за слично решение.

Не е лесно да се работи со другите луѓе, а уште потешко е кога имаме шеф со кој тешко можеме да се разбереме.

Photo by Gabrielle Henderson on Unsplash

Ова се неколку знаци кои покажуваат дека вашиот шеф не ве почитува.

Не го цени вашето време

Ако од вас бара да завршите одредени обврски надвор од вашето време или во период од денот кога тоа вам не ви одговара, тоа значи дека не му е воопшто важно вашето време. Некогаш тоа се невозможни рокови, а друг пак барања кои не покажуваат никаква почит кон вашата работа и ангажман на работното место.

Не ви објаснува ништо

Ако постојано се случуваат нови работи, а вие не добивате никакво објаснување, тоа е уште еден знак дека вашиот шеф не ве почитува. Објаснувањата и насочувањето се особено важни за новите вработени, но ако тоа недостасува тогаш дефинитивно сте оставени на себе, што не е најубаво чувство.

Не ве консултира во вашата област

Одредени шефови сметаат дека нивно е само да носат одлуки, без да ги консултираат оние кои всушност ја извршуваат работата. Тоа е погрешен пристап бидејќи не овозможува да дадете инпут за она во што сте вклучени.

Не го цени вашиот придонес

Уште една карактеристика на шефот кој не ги почитува своите вработени е тоа што таа личност не покажува ништо со што ќе изрази дека го цени вашиот труд. Платата е важна, но секој од нас сака да биде ценет и уважен за придонесот кој го дава во одредени активности. Ако тоа не е случај со вас, тогаш дефинитивно имате шеф кој нема почит за она што го правите.

Ги краде вашите идеи

И ова се случува. Понекогаш ќе споделите идеја, а вашиот шеф ќе ја присвои и ќе ја претстави како своја. Веројатно тие мислат дека работите за нив и дека вашите идеи се и нивни, но ваквото однесување не е коректно. 

Евтина попладневна струја нема да има од 1 јули затоа што универзалниот снабдувач нема време да ги подеси броилата. Ова денеска го најави Марко Бислимовски, претседателот на Регулаторна комисија за енергетика.

Проблем е прилагодувањето на броилата, поради што ЕВН бара повеќе време од вообичаените три месеци, поради комплицираноста од воведените тарифи. 

Евтината тарифа сигурно ќе биде воведена. Ги правиме сите анализи, имаме сериозно разидување со операторот во однос на времето кога тие може да стартуваат со имплементација на евтината тарифа. Наша цел е што повеќе граѓани во ист момент да ја користат евтината тарифа да нема поплаки. Тоа се работи што ги разговараме и ќе мора да ги завршиме кон почетокот на следната недела, рече Бислимовски.

Тој додаде дека прилагодувањето на броилата го врши странска компанија и ЕВН бара време да се заврши. Проблематични се броилата кои не можат од компјутерскиот систем да се сетираат. Компјутерски требаат по две минути за едно дигитално броило, додека останатите се сетирааат рачно.

Поради тоа, многу веројатни се прогнозите дека цената на струјата минимално ќе се зголеми, а придобивките од воведувањето на евтината тарифа во текот на денот, ќе ги почувствуваме подоцна во текот на годината.