Веќе пет години по ред, Финска го зазема првото место како најсреќна земја во светот.

Photo by SaiKrishna Saketh Yellapragada on Unsplash

Ова е дел од Светскиот извештај за среќа кој рангира 156 земји во светот според нивоата на среќа и 117 држави според среќата на мигрантите кои престојуваат на нивната територија. 

Факторите кои се земаат предвид при ваквата ранг листа се поддршката од институциите, животниот век, љубезноста, како и отсуството на корупција. Но, главното прашање е што е она што Финска веќе пет години ја става на првото место?

Психолозите ги посочуваат следните фактори.

Финците не се споредуваат себеси со другите

Во Финска е познат стихот “Kell’ onni on, se onnen kätkeköön.” Грубо преведено, тоа значи дека не треба да се споредуваме со другите, ниту пак да се фалиме со својата среќа. Па така, Финците го следат тоа, особено кога станува збор за материјалните нешта и богатството. Тие се фокусираат повеќе на она што ги прави среќни, а помалку на тоа колку се успешни. Првиот чекор за среќа според нив е нашата сопствена дефиниција и стандарди, наместо постојаната споредба со другите луѓе.

Не забораваат на природата

Според едно истражување од 2021 година, 87% од луѓето кои живеат во Финска сметаат дека природата е значајна за нивната среќа и тоа во голема мера. Во оваа држава, вработените имаат право на 4 недели летен одмор, што значи дека тие одбираат да го поминат во природа. Освен тоа, добрата структура им овозможува лесно да отидат на не толку населените места и да поминат време во природа, на свеж воздух. 

Според психолозите, минувањето време во природа ја зголемува нашата виталност, добростојба и ни дава чувство на личен развој.

Чувство на доверба

Финците си веруваат еден на друг и ја ценат чесноста и довербата. Еден експеримент од 2022 година, 192 паричници биле оставени во 16 градови во светот. Во Хелсинки, дури 11 од 12те „изгубени“ паричници биле вратени на сопствениците.

Тоа покажува дека тие не сметаат дека треба да земат нешто што не е нивно и не им припаѓа и дека имаат чувство на одговорност да бидат чесни кон другите. Ако го заборавите својот лаптоп во воз или некоја јавна библиотека, огромни се шансите дека тој ќе ви биде вратен брзо.

Регулаторната комисија за енергетика ги објави прифатените трошоци според кои се формира цената на електричната енергија за домаќинствата и малите потрошувачи на вчерашната подготвителна седница. Истите треба официјално да се објават во текот на оваа недела, но веќе е прикажано дека цената која ќе ја наплаќа универзалниот снабдувач ќе поевтини само за првите два тарифни блокови кој имаат лимит до потрошени 210, односно до 630 киловатчасови, додека ќе поскапи за останатите два блока.

Цената во првиот блок од 4,7257 денари се намалува на 4,2609 денари, а во вториот од 5,1578 се снижува на 4,8936 денари. Третиот блок од 6,0563, поскапува на 6,3345 денари, додека цената на четвртиот блок се зголемува од 16,1336 на 16,6453 денари.

Ова според РКЕ ја прави просечната цена на ЕВН Хоме од 1 јули да изнесува а 4,3268 денари по киловатчас, што е нешто поевтино од вкалкулираниот просек од  4,4046 денари одреден пред половина година. Ќе има и мало зголемување на цената за малите потрошувачи, односно за фирмите.

Според она што може да се види од другите релевантни пресметки, цената на мрежарината за Електродистрибуција минимално се зголемува, додека значително ќе се намали трошокот за пренос на електрична енергија. Останува да се види како ќе се вкалкулираат сите овие одобрувања во конечната цена во сметките.

Она што е јасно е дека нема да има враќање на евтината попладневна тарифа, иако претходно се најавуваше такво нешто, а од друга страна ќе има зголемување на ДДВ-то на самите фактури од 10 на 18 отсто.

Во декември кога носевме одлуки, намаливме цена за домаќинства, намаливме цени за мали потрошувачи. Тука зборувам без ДДВ. Ќе има одредено намалување, но не можеме да влијаеме на промената на ДДВ-то, гласи последната изјава на МАрко Бислимовски, претседателот на РКЕ, вчера во Аргумент плус на Телевизија 24.

Извор Факрор.мк

ИТД Дистрибуција станува официјален дистрибутер на Check Point Software во Македонија (МАК регион)

Check Point Software Technologies, водечката компанија која нуди сајбер-безбедносни решенија, за корпоративни клиенти и владиниот сектор на глобално ниво, ја назначи ИТД Дистрибуција ДОО Скопје за свој официјален дистрибутер во Р. Македонија.

ИТД Дистрибуција сега може да ги понуди сите безбедносни решенија на Check Point.

Check Point Software Technologies Ltd. е водечки провајдер кој нуди решенија за сајбер безбедност за корпоративни клиенти и владиниот сектор на глобално ниво. Infinity портфолиото на Check Point ги штити компаниите и јавните организации од сајбер-напади од 5 - та генерација со висока индустриска стапка на идентификација на malware, ransomware и други закани. Infinity се состои од три основни столбови кои обезбедуваат бескомпромисна безбедност и спречување на закани од генерација V:

• Check Point Harmony за далечински корисници;
• Check Point CloudGuard за автоматско обезбедување на Cloud;
• И Check Point Quantum за заштита на мрежните периметри и податочни - центри, сите контролирани од најсеопфатното, интуитивно унифицирано безбедносно управување во индустријата.

Исто така таа го нуди пакетот Check Point Horizon за превентивни безбедносни операции.

„Горди сме што можеме да им го понудиме целосното Check point портфолио на нашите партнери. Сигурни сме дека ќе придонесеме кон зголемување и проширување на нивната застапеност и позиција на пазарот во Македонија и МАК регионот. Заедно играме клучна улога се со цел да им помогнеме на нашите партнери, да ги заштитат своите клиенти и од најнапредните напади.“ - вели Александар Велевски, директор на секторот за големи корисници во ИТД Диструбуција ДОО Скопје, во врска со објавата.

За ИТД Дистибуција

ИТД Дистрибуција ДОО Скопје е големопродажен дистрибутер на ИТ производи и услуги, потрошен материјал, хартија за фотокопирање и графички материјали. Компанијата е овластен дистрибутер на DELL, IBM, HP, Microsoft, Gigabyte, Verbatim, TP-Link, Tysso, Netis, Genius, Marvo, Xerox, Fabriano, MURATLI Karton, Artic Paper, Lepenka и многу други. На македонскиот пазар почнува со работа во 2007 година, како дел од Infosoft Group. Infosoft Group. има повеќе од 30 години искуство, со компании на пазарот во Македонија, Албанија и Косово. За повеќе информации посетете ја веб-страницата на ITD на www.itd.mk.

Поговорката вели дека се е работа на договор, но малку кој се држи до неа. Многумина во преговори се впуштаат без страв, други со резерва, а трети пак не се ни обидуваат да преговараат. Преговорите се составен дел од секојдневието.

Еве неколку практични совети како да ги подобрите своите техники на преговарање и да ги свртите работите во своја корист.

• Делете комплименти

Пред да преминете на главното, обидете се да го „омекнете” соговорникот. Бидете љубезни, веројатноста да го добиете тоа што го сакате е поголема.

• Прашајте дали постојат исклучоци

Дури и ако соговорникот цврсто стои на својот став, не се откажувајте. Следно што треба да направите е да прашате дали постојат исклучоци и дали никогаш до сега не отстапил од договореното.

• Понудете решение

Кај преговарањето понекогаш е важно да знаете точно да го составите и да го кажете тоа што го сакате. Ако, на пример, се жалите на услугите на некоја компанија, понудете им предлог како да се реши проблемот. Ако не го прифатат вашиот предлог, ќе мораат да ви понудат алтернативно решение.

• Повикајте се на правилата

Ако, на пример, се обидувате да решите проблем со некој продавач затоа што се чувствувате измамени, инсистирајте вашиот соговорник да ви ја објасни политиката на работењето или поставените стандарди на стоката што ја продава, притоа потсетувајќи го колку долго сте негов потрошувач. Поставувајте прашања како „Дали е тоа официјален став на компанијата?” или „Како ќе ја вратите мојата доверба?”

• Бидете самоуверени

Кај преговорите, покрај пријателскиот настап и насмевка, секогаш е важно до крај да останете самоуверени и сталожени. Дури и во ситуации кога вашиот соговорник ќе почне да ви се обраќа на повисок тон, останете мирни.

• Моќта на тишината

Бројните искуства велат дека некогаш, откако во преговорите ќе слушнете „не”, неколку секунди молчење од ваша страна можат да бидат многу корисни.