Работниците кои сакаат дополнително да се усовршуваат за да се стекнат со професионална квалификација ќе имаат право на дополнителен бонус од 150 евра месечно.

Новите правила кои ќе влијаат на паричните приходи на германските жители стапуваат на сила од 1 јули оваа година.

Граѓанскиот приход од јули е зголемен за сите оние кои ги добиваат покрај месечните примања. Тоа значи дека со приход меѓу 520 и 1.000 евра сега можете да добиете 30 отсто, наместо досегашните 20 отсто од граѓанскиот приход.

Според информациите на Сојузното Министерство за труд и социјална политика (БМАС), тоа значи дека паричникот на многу жители ќе има и до 48 евра повеќе од износот на примениот граѓански приход. Меѓу другото, германските власти ќе воведат бонус за продолжување на образованието, пишува порталот Феникс.

Владата најави дека работниците кои добиваат граѓански надомест, а сакаат дополнително да се усовршуваат за да се стекнат со професионална квалификација, ќе имаат право на дополнителен бонус од 150 евра месечно.

– Дополнително, можат да добијат и бонус за обука за полагање на средно и завршен испит – велат од Заводот за вработување.

Тука е и остварувањето на правото на 75 евра месечно како дополнителен надоместок за доусовршување кое трае подолго од осум недели и не е насочено кон стекнување професионална квалификација. Оние кои имаат потреба од основни вештини како што се подобро читање, математика или компјутерски вештини, со овој паричен надомест имаат можност да се подобрат.

Учениците, студентите и специјализантите исто така ќе имаат корист од значајните промени кои ќе бидат воведени од 1 јули. Приходите во иднина ќе можат да ги одржуваат до лимитот за мини вработувања кој моментално изнесува 520 евра. Истото важи и за џепарлакот што го добиваат преку федералната волонтерска служба и доброволната социјална година.

Покрај горенаведеното, има уште неколку измени кои ќе стапат на сила од 1 јули. Породилниот додаток повеќе не е вклучен во граѓанскиот приход како што беше порано. Во случај на медицинска рехабилитација, веќе нема потреба од поднесување барање за преоден надомест. Наследството се третира како имот, а не како приход.

Претстојната сабота, 01.07.2023, започнува со работа скопскиот Аква Парк.

- По стабилизирање на временските услови и покачување на температурите, Аква Паркот е вистинското место за забава и рекреација, но и да се релаксирате од летните горештини, велат од Спортскиот центар „Борис Трајковски“.

Аква паркот ќе работи секој ден од 10:00 до 19:00 часот.

Дваесеттото јубилејно издание на фестивалот на пивото во Прилеп, кој беше предвидено да се одржи од 13-16 јули, нема да се одржи.

Во официјалното соопштение од страната од фестивалот, стои дека 20-то издание на „Пиво Фест” се одлага за следната 2024 година, со нова локација и нов концепт.

Прилепчани и пошироката јавност. Сакаме да Ве информираме дека овогодинешното јубилејно издание на ПИВО ФЕСТ Прилеп 2023 се одлага за следната 2024 год, со нова локација, концепт и содржина на програмата. Образложение; На состанокот одржан од Стопанската комора на Прилеп, Општина Прилеп и бизнис фелата донесена е одлука, ПИВО ФЕСТ Прилеп 2023, дека нема да се подржи и одржи. Додека пак советот на Општина Прилеп на седницата од 22.06. 2023 донесе одлука за доделување на локација за реализација на ПИВО ФЕСТ 2023 Прилеп. (Прашањето е за што се носи одлука за доделување на локација кога предходно Стопанската комора и бизнис секторот донеле одлука со намера да не се подржи и одржи фестивалот??), соопштија од организацијата.

Според нив оваа седница е доцна одржана и одлуката за доделување на локација за организација и реализација на фестивалот е предоцна донесена.

Со оглед на навремено поднесените барања од страна на Фестивалот на 17.11. 2022 и во Април 2023 до Општината за организација и локација на ПИВО ФЕСТ 2023 сеуште нема официјално известување до Фестивалот до ден денес. Со оглед на сите овие горе наведени причини ПИВО ФЕСТ Прилеп 2023 год. спречен е да се одржи. Се извинуваме до Прилепчани и пошироката јавност, се гледаме во 2024 со нова локација, нов концепт и нова програма на ПИВО ФЕСТ 2024, ВЕ ОСТАВАМЕ ВО ДОБРО ЗДРАВЈЕ. Со почит Здружение Интернационален Фестивал за пиво и скара Пиво Фест, завршуваат од организацијата во својата објава на Фејсбук.

ИГМ Трејд на челичниот магнат Илија Гечев во Кавадарци ќе пушти во употреба уште три фотоцентрали за производство на електрична енергија од обновливи извори, со кои ќе го надмине нивото на моќност од 5 мегавати.

Ова го покажува измената на лиценцата од Регулаторната комисија за енергетика која се врши по барање на ИГМ Трејд поради зголемување на капацитетите со кои се врши дејноста.

Извозникот на цевки ќе додаде уште три фотоцентрали под името „ИГМ 5 Нова 2“ на веќе постоечките кои ги пушти во употреба минатата година во Кавадарци. Секоја од трите нови фотоцентрали ќе има моќност од по околу 900 киловати.

„Испораката на електрична енергија во електродистрибутивната мрежа од ФЕЦ “ИГМ Цинкара”, ФЕЦ “ИГМ 2 и ИГМ 3”, ФЕЦ “ИГМ НОВА”, ФЕЦ “ИГМ 5 НОВА 2 БЛОК 1”, ФЕЦ “ИГМ 5 НОВА 2 БЛОК 2” и ФЕЦ “ИГМ 5 НОВА 2 БЛОК 3” ќе се врши согласно дефинираните услови за приклучување во Решението за согласност за приклучување на електродистрибутивната мрежа УП1-10-798 од 23 декември 2022 година издадено од Електродистрибуција ДООЕЛ Скопје, со одобрена моќност за производител од 5.364,44 kW“ пишува во одлуката на РКЕ донесена на 19 јуни.

ИГМ Трејд на крајот од минатата година во регистарот на Агенцијата за енергетика исто така пријавил шест фотоцентрали со капацитет на производство од околу 5 мегавати. Според регистарот на агенцијата, Гечев е еден од најголемите инвеститори во земјата кога станува збор за изградба на капацитети за производство на електрична енергија од обновливи извори.

Македонскиот стопанственик  е првиот македонски милијардер, според ранг листата на најбогати луѓе во регионот што ја објави српски „Недељник“ во новогодишниот двоброј. Гечев и неговата ИГМ „Трејд“ имаат проценето богатство од  1,054 милијарди евра. Ова е прв пат некој бизнисмен од Македонија да ја надмине границата од милијарда евра.

Списокот не покажува колку пари имаат бизнисмените на сметките, туку колку вредат нивните компании и колку пари потенцијално би можеле да добијат доколку ги продадат денеска, објасни тогаш бизнис неделникот.

Гечев е еден од најголемите производители на челични и заварени цевки и профили во Југоистична Европа. Фабриката во Кавадарци е извозно ориентирана компанија, на која 95 отсто од вкупната продажба и е надвор од државата, на пазарите на ЕУ и ЦЕФТА.

Извор Фактор