Се бараат дури 600 кандидати кои би работеле во Министерството за внатрешни работи  во земајва. МВР денеска објави оглас за засновање работен однос на 600 извршители на работно место полицаец.

Како што посочуваат од МВР, најголем број кандидати би работеле во главниот град, но се бараат кандидати и за Охрид, Тетово, Струмица, Куманово, Штип...

Имено, за работната позиција полицаец во Секторот за внатрешни работи Скопје се бараат 300 извршители, во Секторот за внатрешни работи Охрид се отворени места за 100 извршители,  прием за 30 извршители е овозможен во Секторот за внатрешни работи Тетово, по 20 во секторите за внатрешни работи во Струмица, Куманово, Штип, во Одделот за заштита на определени личности и објекти, како и во Регионалните центри за гранични работи Север и Запад. По 15 извршители се бараат во секторите за внатрешни работи Битола и Велес, а по 10 извршители во регионалните центри за гранични работи Исток и Југ - се посочува во соопштението на МВР.

Покрај општите услови наведени во огласот, кандидатите треба да исполнуваат и посебните услови, и тоа потребна телесна висина од најмалку 175 см (мажи), 165 см (жени) и висока лична физичка подготвеност. 
Меѓупотребната документација како доказ за исполнување на потребните услови за работното место се извод од матична книга на родените, диплома за завршено четиригодишно средно образование и две фотографии (3,5 см х 4,5 см), како и своерачно потпишана изјава со која потврдува дека истиот не е член на политичка партија или член на органи и тела на политичка партија.
Постапката за селекција опфаќа административна селекција на поднесената документација, проверка на моторички способности (за мажи: најмалку 9 „склекови“ во интервал од 10 секунди, најмалку 16 „стомачни подигања“ во интервал од 30 секунди, „скок во далечина од место“ со минимална должина на скокот од 220см, „спринт на 20 метри“ за најмалку 3,35 секунди, „спринт на 100 метри“ за најмалку 15 секунди и „трчање на 1500 метри“ за најмалку 5,25 минути  и за жени: најмалку 6 „склекови“ во интервал од 10 секунди, најмалку 12 „стомачни подигања“ во интервал од 30 секунди, „скок во далечина од место“ со минимална должина на скокот од 160см, „спринт на 20 метри“ за најмалку 3,50 секунди, „спринт на 100 метри“ за најмалку 18 секунди и „трчање на 800 метри“ за најмалку 3 минути, и други физички проверки определени од страна на Комисијата), потоа тест за интегритет и психолошки тест, општо-образовен тест, интервју, безбедносна проверка и здравствени прегледи - појаснува МВР во соопштението.

Избраните кандидати за полицаец склучуваат договор за основна обука за полицаец во времетраење од една година, која ќе се спроведе во Центарот за обука во Министерството за внатрешни работи и на неа се упатуваат за 10 проценти поголем број кандидати за полицаец од бројот на слободни места за кои е распишан овој оглас, односно во Центарот за обука ќе бидат упатени вкупно 660 кандидати.
Рокот за доставување на пријавите изнесува 15 дена, сметано од наредниот ден од денот на објавување на јавниот оглас, не сметајќи го денот на самото објавување. Ненавремената и непотполна документација нема да се разгледува.

Министерството за труд и социјална политика ги демантира и отфрла тврдењата дека Фондот за пензиско и инвалидско осигурување е во криза и државата доцни со исплатите кон банките.

Од МТСП тврдат дека во изминатите години нема ниту еден ден доцнење на исплатата на пензиите, а растот на истите е континуиран и јасно забележлив. Тие исто така тврдат и дека трансферите кон ПИОМ биле навремени и сигурни, дури и во време на Ковид пандемијата, кога започна првата предвремена исплата на пензиите.

Со последните измени на Законот за пензиското и инвалидското осигурување, кои стапија на сила во март 2022 година, и воведувањето на новиот начин на усогласување на пензијата, со усогласување со комбиниран модел од 50 орсто пораст на просечната плата и 50 отсто пораст на трошоци на живот пензиите пораснаа за околу 21 отсто. Првото усогласување во Септември 2022 година беше 6.8 отсто, второто во Март 2023 година, 8.4 отсто и моменталната проекција за Септември 2023 година која изнесува најмалку 6 отсто, известуваат од МТСП.

Нагласуваат и дека ниту едно од зголемувањата не ја загрози стабилноста на Фондот, ниту ја поремети редовната исплата на пензиите, и додадоа дека тоа е јасен показател за посветеноста кон граѓаните и стратешкиот избор на донесени политики како и долгорочното планирање кое обезбедува стабилност на Пензискиот Фонд, но и за сигурност на пензионерите.

Пензионерите се приоритет на Владата на Република Северна Македонија. Во овој владин состав се донесоа низа мерки за помош и поддршка на пензионерите, и трендот не сопира. Предлозите од пензионерите се на маса, се дискутира за истите и во најскоро време ќе продолжиме со промоција на нови мерки и пакети кои ќе осигурат достоинствен живот на пензионерите и понатаму, соопшти МТСП.

Министерството за труд и социјална политика апелира да не се креира страв кај пензионерите и да не се манипулира со недостатокот на информации кои го имаат, а се со цел да се обезбеди масовност на протестите кои се политички обоени.

TОЛЛАКС ДОО Скопје, една од најуспешните малопродажни компании, сопственик на ланецот на 20 специјализирани продавници М1киоск, М1медиа, и Поло маркет.

Моментално вработува:

ПРОДАЖЕН ПЕРСОНАЛ - M1 КИСЕЛА ВОДА / КАПИШТЕЦ / ТАФТАЛИЏЕ
СУПЕРВИЗОР / КОНТРОЛОР
МАГАЦИОНЕР
М1 - ПРОДАЖЕН ПЕРСОНАЛ - ПОВЕЌЕ ЛОКАЦИИ
ПОЛО МАРКЕТ - ПРОДАЖЕН ПЕРСОНАЛ
LIQUOR SHOP - АСИСТЕНТИ ЗА ПРОДАЖБА

Се уште невработени?! Сите останата активни работни позиции за вработување можете да ги најдете ТУКА.

За организацијата да работи непречено и да ги исполнува своите цели, важно е да се поттикнат вработените за соработка. За жал кај повеќето фирми ова не се случува природно, затоа се вложуваат напори и се превземуваат чекори за успешна соработка на работното место. Соработката на работното место може да означува многу работи. Ова го вклучува нивото на кое вработените учествуваат во донесувањето одлуки, како менаџментот и вработените работат заедно за да ги решат проблемите  за да заедничките цели бидат постигнати.

Постојат многу начини кои раководството заедно со вработените можат да ги преевземат за подобрување на соработката на работното место.

• Тимската работа мора да стане дел од културата на вашето работно место.
• Ресурсите потребни на вашиот тим секогаш треба да бидат обезбедени од претпоставените.
• Бидете социјализирани и надвор од работа.
• Поделете ги улогите со другите колеги во тимот.
• Проблемите секогаш решавајте ги навреме.

Не дозволувајте лошата комуникација да ви наштети на вашето работното место и имплементирајте ги горенаведените совети за да се осигурате дека соработката  ви оди  во добар правец.