Министерството за образование и наука (МОН) соопшти дека сите учебници кои досега се одобрени за користење од страна на Националната комисија за учебници се испечатени и интезивирана е испораката до училиштата.

Согласно акцискиот план, целосно завршена е испораката во југоисточниот регион, а во моментов учебници се распределуваат во училиштата во главниот град и во општините во северниот и западниот дел на државата. Процесот на испорака на сите учебници кои се одобрени, вклучително и на најновите за трето одделение кои ќе се дистрибуираат утре, ќе биде целосно завршен на 1 септември. Оние пак кои се во постапка, а тоа се учебниците за шесто одделение, ќе се испорачаат во текот на месец септември, односно веднаш откако ќе ги поминат сите фази на процесот на одобрување. Во меѓувреме, на располагање ќе бидат помошни материјали за учениците и прирачници за наставниците кои ќе бидат објавени во електронски формат на веб страната на Бирото за развој на образованието во чија и сопственост се истите, соопшти МОН.

МОН апелира до јавноста да ги следи информациите кои се објавени од нивна страна, наместо информации што ги пласираат други страни.

По овој изминат продолжен викенд, следната недела следи уште еден. 

Согласно Законот за празниците неработен ден е 8 септември - Ден на независноста. 

Со оглед дека овој празник се паѓа во петок, граѓаните ќе имаат уште еден продолжен викенд. 

Регулаторна ги објави новите цени на горивата кои ќе важат од полноќ. 

Малопродажната цена на бензинот ЕУРОСУПЕР БС-95 се намалува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 21.08.2023 година и со тоа малопродажната цена на ЕУРОСУПЕР БС-95 изнесува 87,00 ден/лит.

Малопродажната цена на бензинот ЕУРОСУПЕР БС-98 се намалува за 1,00 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 21.08.2023 година и со тоа малопродажната цена на ЕУРОСУПЕР БС-98 изнесува 89,00 ден/лит.

Малопродажната цена на ЕУРОДИЗЕЛ (Д-Е V) се зголемува за 1,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 21.08.2023 година и со тоа малопродажната цена ЕУРОДИЗЕЛ (Д-Е V) изнесува 81,50 ден/лит.

Речиси секој ден на улиците низ Србија излегуваат околу 560.000 автомобили со стари мотори. Сопствениците на стари возила со мотори Еуро 1, 2 или 3 можат да ги предадат своите возила на државата на рециклирање од 1 јануари, а за возврат ќе добијат субвенција за купување на друго возило од 2.100 до 2.900 во зависност од категоријата на возилото. Како што објаснуваат надлежните, на тој начин ќе се намали загадувањето на воздухот и ќе им се олесни на возачите да влезат во помлади и технички поисправни возила.

Доделувањето на субвенциите ќе започне од јануари следната година, конкурсот ќе биде објавен во текот на есента оваа година, носител на проектот за замена на стари возила е Министерството за заштита на животната средина, а целта на акцијата, која ќе се реализира во неколку фази, е да се намали загадувањето на воздухот, пишува Euronews.

Бидејќи се големи загадувачи, планот на српската влада е во првата фаза да елиминира 140.000 возила од сообраќајот.

Колку ќе бидат субвенциите?

Идејата е да се добие субвенција од 2.100 евра за секој рециклиран автомобил, 2.500 евра за лесен камион и 2.900 евра за автобус за да се купи возило не постаро од 2015 година со мотор Еуро 6.

Со тие пари не може да се купи автомобил од еуро 6, но добро ни доаѓа да се дополни буџетот. Но, тоа реално не е можно, затоа што оние еуро 6 автомобили од 2015 или 2016 година, кои се стари дури и по европски стандарди, треба да одвоите 15.000 или 20.000 за нив, а тоа не значи многу, вели Драган Симиќ, експерт за автомобилизам за Euronews Србија.

Во зависност од годината и состојбата, некои модели со Euro 6 мотор може да се најдат по цени пониски од 10.000 евра.

Меѓутоа, кога станува збор за емисиите на штетни гасови, еколошките здруженија потсетуваат дека сообраќајот е само еден од проблематичните сегменти.

Бидејќи просечната старост на автомобилите е околу 17 години и се уште е дозволено да се увезуваат возила со мотори Еуро 3 во Србија, Јездимировиќ заклучува дека планираната замена ќе биде сложен процес и дека големо прашање е дали Србија има капацитет да носи од рециклирање на еколошки начин.на правилен начин.