Во текот на изминатите неколку години, работниците се откажуваат од работните места во рекорден број. Некои ја менуваат кариерата, некои бараат работа за побрзо напредување, а некои целосно ја напуштаат. Во САД на пример, податоците од август 2023 година од Бирото за статистика на трудот ја ставаат стапката на учество во работната сила на 1,0 процентен поен под нивото од февруари 2022 година.

Со други зборови, луѓето даваат отказ и во некои сектори воопшто не се враќаат. Можеби не е изненадувачки, со оглед на лошите услови на многу работни места во текот на пандемијата. Недостигот од работници е најочигледен во угостителството и услужната индустрија, каде позициите за персонал за миење садови, возачи на камиони, работници на мало, келнери, аеродромски работници, домашни здравствени помошници и слични работни позиции се отворени буквално со години.

Тоа не е затоа што луѓето не сакаат да работат, велат експертите. Тие само сакаат подобри работни места, повисоки плати, подобрени услови. Пресвртот на пазарот на трудот предизвикан од пандемијата им овозможи на некои работници да најдат подобро работно место, иако тешко погодените сектори сакаат нивните работници да се вратат, тие треба да најдат начини да ги направат своите работни места попривлечни.

Германските компании забрзано се селат во странство, предупреди првиот човек на Здружението на германски индустријалци. Тој посочи дека индустријата во најголемата европска економија полека исчезнува поради високите трошоци за енергија кои ја загрозуваат нејзината конкурентност.

Создавањето вредност, бизнисот и работните места во голем дел од енергетско интензивната индустрија се во конкретна опасност на локации во Германија, рече во понеделникот претседателот на Здружението на германските индустријалци (БДИ), Зигфрид Русвурм.

Индустриското производство исчезнува или се сели во странство, потенцира Русвурм. „Светлата буквално се гасат на се повеќе локации во Германија“, додаде тој.

Индустријата сака да ги постигне климатските цели, но и се заканува пропаст „затоа што е се помалку конкурентна и нема сигурна основа за планирање“, објаснува шефот на VDA.

Претприемачите, рече тој, „можат успешно да работат и инвестираат само ако рамковните услови се предвидливи, а (нивната) трошковна позиција е конкурентна. Во последно време, тие можат се помалку да се потпираат на тие два услови“, додаде тој.

На индустријата и се потребни сигурни проценки за вкупните трошоци за зелената транзиција, прецизира тој, издвојувајќи „сериозна проценка на трошоците за електрична енергија од 2030 година“.

Германија мора да ги задржи хемиската и челичната индустрија и другите гранки на индустриската база за трајно да ги задржи знаењата и работниците и да биде подготвена за нови фази на создавање вредност, истакнува Русвурм.

(Тоа) нема никаква врска со неекономични, конвулзивни обиди да се задржиме на застарена индустрија, тврди тој.

Губењето на индустриската компетентност би било фатално за Германија и нејзината позиција како индустриска, извозно ориентирана земја на иновации, а не би била придобивка за заштита на климата на земјата, додава Русвурм.

Concentrix Corporation (NASDAQ: CNXC) работи под трговското име Concentrix + Webhelp - Локација: практично насекаде - посетете ја concentrix.com за да дознаете повеќе.

Магна, глобалниот лидер во автомобилската индустрија, гордо ги отвори своите врати минатиот викенд и беше домаќин на извонредниот настан на „Денот на семејството“, пружајќи им топлото добредојде на семејствата на своите вработени. Денот беше одличен успех, исполнет со забава и дружење.

Магна признава дека нејзините вработени се столбот на организацијата, и нивната посветеност и напорна работа се клучни за успехот на компанијата. Настанот „Ден на семејството“ беше посебна можност да прослават не само вработените на Магна туку и нивните семејства, кои имаат суштинска улога во поддршката на нивните професионални достигнувања.

Настанот се одржа на 23 септември во објектот на Магна во ТИРЗ Мислешево, Струга, Северна Македонија, нудејќи широк спектар на активности и искуства за сите да уживаат:

Тура во фабрика: Организирани тури со водичи со чија помош семејствата имаат можност да погледнат зад сцената на најсовремените производствени капацитети на Магна и да видат каде се врши изработката на автомобилски делови кои ја обликуваат иднината на мобилноста.

Игри и активности: Семејствата имаа можност да се вклучени со најразлични игри заедно со аниматорите, вклучувајќи боење на лица, и да уживаат во тимските активности.

Храна и забава: На настанот имаше вкусна храна којашто се приготвуваше на самата локација од локална компанија. Присутните ги забавуваше одличниот Pop Art band и заедно со модераторот во текот на целиот ден создадоа совршена атмосфера за релаксација, забава и поврзаност со вработените и нивните семејства.

Генералниот директор и тимот за човечки ресурси на Магна дивизијата во ТИРЗ Мислешево ја искористија можноста да ја изразат својата срдечна благодарност до вработените и нивните семејства за време на настанот. Посебна благодарност беше искажана за придонесите на посветените вработени на Магна и важната улога која семејствата ја играат во поддршката на кариерата на нивните најблиски.

“Ги отворивме вратите на нашата фабрика и им посакавме добредојде во нашето големо Магна семејство. Овој настан беше мал знак на нашата благодарност за нивната поддршка и посветеност кон нашата компанија. Ни беше драго што овој ден го прославивме заедно со нив” стои во официјалното соопштение од компанијата.