Петок 13-ти се смета за несреќен ден во западниот свет. Тоа се случува кога 13-тиот ден од месецот во Грегоријанскиот календар паѓа во петок, што се случува најмалку еднаш годишно, но може да се случи и до три пати во истата година.

Се чини дека суеверието се однесува на различни работи, како приказната за последната вечера и распнувањето на Исус во која имало 13 лица присутни во Горната соба. 

Петок 13-ти првпат се споменува во 19-тиот век. Многу малку се знае за потеклото на озлогласеноста на денот. Некои историчари веруваат дека суеверија околу него се појавиле кон крајот на 19 век. Првото документирано споменување на денот може да се најде во биографијата на италијанскиот композитор Џоакино Росини, кој починал на петок 13-ти. 

Истотака се поистоветува денот како несреќен бидејќи во 1307 година на петок на 13-ти, францускиот крал дал наредба да се уапсат стотици витези Темплари во Франција.

Има многу малку докази кои покажуваат дека петок 13-ти е навистина несреќен ден. Многу студии покажуваат дека петок 13-ти има мало или никакво влијание врз настани како несреќи и природни катастрофи.

Околу три милиони вработени во државните и јавните служби во Германија би можеле да добијат 10,5 отсто поголема плата или најмалку 500 евра повеќе месечно.

Ова во среда, 11 октомври, го соопштија од германскиот синдикат на вработените во јавниот сектор Ver.di и Здружението на државни службеници.

Синдикатите бараат 10,5 отсто поголема плата или најмалку 500 евра месечно повеќе во опсегот на платите и платите за државниот јавен сервис. Зголемувањето на платите би се однесувало на вработените во јавните установи, градинките, училиштата, универзитетите, јавниот превоз, вработените во комуналните претпријатија, во судството, во финансиските и даночните канцеларии, болниците...

Чираците, практикантите, студентите и привремените работници треба да добијат 200 евра повеќе од тековните месечни примања, а практикантите да се примаат на неограничено време. Времетраењето на колективниот договор треба да биде дванаесет месеци, пишува Феникс-магазин.

Низ државата има 300.000 слободни работни места во јавниот сектор. Во исто време, вработените во јавниот сектор не се добро платени.

Според проценката на американската консултантска компанија Boston Consulting Group, новата гранична такса на јаглерод во Европската унија ќе предизвика поскапување на новите автомобили за речиси 600 евра.

Регулативата на Европската унија за прекуграничниот механизам за прилагодување на цената на јаглеродот (CBAM) ги обврзува увозниците надвор од ЕУ да ѝ плаќаат данок на јаглеродот што го испуштаат за време на производството, како што се челикот и цементот.

Консалтинг групацијата Бостон посочи дека просечниот автомобил со четири врати содржи седум тони јаглерод диоксид (CO2), од кои нешто помалку од половина се однесуваат на челикот и алуминиумот што се користат за производство на автомобили, објави порталот Енергија Балкана.

Имајќи предвид дека данокот на тон јаглерод во моментов е 82,90 евра, просечната цена на новиот автомобил се очекува да се зголеми за 580,30 евра.

Производителите веќе мораа да го откупат правото да испуштаат јаглерод диоксид (ETS) за да можат да го увезат она што им е потребно за производство.

На крајот на август, Полска објави дека ќе го оспори CBAM пред Европскиот суд на правдата, бидејќи тие тврдат дека воведувањето на CBAM бара едногласна поддршка, а не квалификувано мнозинство во ЕУ.

Полската министерка за клима, Ана Москва, посочи дека CBAM може да резултира со нерамномерно зголемување на трошоците за енергија во целата Унија и дека тоа е спротивно на принципот на енергетска солидарност.

Војната меѓу Израел и Хамас ја потресе светската економска слика, која и онака не беше сјајна, па така деновиве цените на нафтата имаа драстичен скок. Тоа повлекува и поскапување на многу производи, бидејќи како што растат цените на суровата нафта, така и заканата од висока инфлација повторно ја зафаќа светската економија.

Зголемување на цените на енергијата

Поскапувањето на енергенсите во последните години стана горлив проблем кој влијае на глобалната економија, но и на секојдневниот живот на граѓаните. Зголемувањето на цените на нафтата, гасот и јагленот директно се рефлектира на трошоците за транспорт, производство на енергија и греење на домовите. Освен што го оптоварува буџетот на домаќинствата, ваквата состојба доведува и до зголемување на цените на многу производи и услуги, што дополнително ги зголемува инфлаторните притисоци.

Цената на тоалетната хартија, бришачите и се што е од целулоза се зголемува за 30 отсто

Цената на целулозата во Кина постојано се зголемува, што може сериозно да влијае на растот на цената на тоалетната хартија и бришачите во Европа. Се проценува дека овие производи ќе поскапат за цели 30 проценти и дека никој нема да го избегне овој негативен светски тренд. Поскапувањето на овие производи е надополнето и со скокот на цената на енергенсите, кои се двигател на скапите машини, а кои се неопходни во производството.

Поскапува шеќерот

Според податоците на Лондонската меѓународна берза ICE, цените на фјучерсите на шеќерот (терминологија за договор за купување и продажба, според кој испораката и плаќањето ќе се врши во иднина) биле на врвот на 19 септември, кога надминале 27,5 центи за 0,453 килограми шеќер. Побавната обработка на шеќерната трска во Бразил, како и моменталната суша во некои индиски региони поради климатскиот феномен Ел Нињо ги загрижува трговците.

Се зголемува и цената на маслиновото масло

Тоа не е се, екстремните горештини на кои е изложен јужниот дел на Европа од април го земаат својот данок на маслинови дрвја - втора година по ред родот ќе биде помал од очекуваното бидејќи дрвјата за да да се заштитат од суша и жештина, да им го испуштат плодот порано, а резултатот е поскапување на маслиновото масло. Шпанија, најголемиот светски производител на маслиново масло, е најпогодена од глобалното затоплување. Температурите во април веќе достигнаа 40 степени Целзиусови, а од високите горештини страдаат и маслинови насади во Италија и Грција.