Германскиот авио-превозник „Кондор“ отвори истрага после избивањето на гласините околу можниот секс скандал во својата компанија.

Имено, пилотите на оваа германска авиокомпанија, тајно ги снимале стујардесите за време на секс во авионите и надвор од нив. Подоцна, овие снимки кружеле меѓу пилотите како трофеи, секако, без за тоа да знаат стујардесите.

Сепак, портпаролот на компанијата се огласи во текот на вчерашниот ден од Франкфурт и порача дека засега нема докази кои што би биле појдовна точка за да започне еден процес на кривично гонење на пилотите на авиокомпанијата „Кондор“.

Од компанијата соопштија дека само поради претпазливост, ги предупредиле своите вработени за можни злоупотреби на видео-снимки и правните последици со кои што би се соочиле доколку се случи такво нешто.

Двете најстари и најголеми кинески крипто берзи на кои се тргуваше е-валутата биткоин целосно ќе престанат да тргуваат. Најпрво пред неколку дена Huobi и OKCoin изјавија дека ќе престанат со тргување на биткоин или друга криптовалута врз база на трансакции на националната кинеска валута јуанот.

Сепак, сега Huobi и OKCoin посочуваат дека повеќе нема да одржуваат берзанско тргување со биткоин или било која друга криптовалута почитувајќи го кинескиот монетарен систем. Освен кинеските државјани со оваа одлука се погодени и странците кои ги користеа овие берзи за тргувања. 

Тоа значи дека Кинеската Народна банка извршила огромен притисок врз двете берзи да ги прекинат операциите на тргување по што драстично паѓа цената на биткоинот. Од Huobi и OKCoin посочија дека ќе продолжат да даваат онлајн советодавни услуги. 

Сега се очекува компании како Huobi и OKCoin да го искористат своето досегашно искуство и знаење и да се обидат бизнисот да го преселат надвор од Кина на тло каде нивните трансакции нема да бидат загрозени. 

Собранието на Република Македонија денеска треба да ја продолжи 12. седница на чиј дневен ред се законите за минимална плата, за стечајците, за радиодифузната такса и Предлог одлуката за утврдување на бројот на потпретседателите на Парламентот.

Се очекува на почетокот на денешното продолжение пратениците да гласаат за Законот за медицински студии и континуираното стручно усовршување на докторите на медицина. Претресот по оваа точка заврши во петокот, но поради тоа што немаше доволен број пратеници, гласањето беше одложено за денеска.

На денешното продолжение треба да се разгледаат и Предлог законот за изменување и дополнување на Законот за минимална плата, по скратена постапка поднесен од пратениците од мнозинството, Предлог законот за материјално обезбедување на невработените лица поради приватизацијата на претпријатијата со доминантна сопственост на државата, по скратена постапка, исто така поднесен од мнозинството, Предлог законот за изменување на Законот за аудио и аудиовизуелни медиумски услуги, по скратена постапка, поднесен од пратеници од мнозинството. На дневен ред се и Предлог законот за дополнување на Законот за исплата на платите во Република Македонија, Предлог законот за изменување и дополнување на Законот за извршување, Предлог законот за издавање вредносни бонови - ваучери, сите по скратена постапка, поднесени од пратеници од опозицијата.

Пред пратениците се и Предлог законот за ратификација на Спогодбата за соработка меѓу Владата на Република Македонија и Советот на министрите на Босна и Херцеговина во процесот на пристапување во Европската Унија и Предлог на закон за ратификација на Договорот од Париз.

Швајцарската стартап Freitag ја најави јавната кампања за финансирање преку KickStarter преку која се надева дека ќе собере средства за нивниот иновативен куфер кој може да се свитка во ролна и со тоа да не ви зазема голем простор во домот, а кога ќе ви притреба за патување лесно се активира со пумпање исто како на велосипедска гума. 

Куферот Zippelin има капацитет од 85 литри, како и монтажни тркалца за полесно носење кои брзо се поставуваат и одмотуваат по потреба. Изработен е од рециклиран тарпаулин цврст водоотпорен материјал што го има на камионите, додека тркалата се од скејтборд.

Куферот може да се надува со стандардна пумпа, а доколку случајно се дупне гумата, тука е џебот со патент.

Секој куфер ќе биде уникатен со посебен дизајн со тоа што првите инвеститори ќе го добијат за околу 300 евра. Првата испорака се очекува следниот април, а доколку кампањата е успешна ќе следи и поголемо производство.