„Цитроен Џампер“ за 1.000 евра, комбе „Рено Мастер Фургон“ за 4.600 евра, гарнитура за 1.200 евра, машина за миење чаши за 500 евра, мешалки, електрични пили, бушалки и други машини и што уште не нуди на продажба Управата за јавни приходи (УЈП) на аукција и на слободна комерцијална продажба.

Аукцијата е закажана за 27 септември.

Деталите за тоа што се продава УЈП може да видите ТУКА.

Бугарскиот заменик премиер Валери Симеонов за време на тркалезната маса на тема „Демографски политика и трудова мобилност“, изјави дека во моментот дури 53 000 апликации со соодветните приложени документи на 53 000 граѓани на Македонија не можат да станат бугарски државјани, поради одредени недостатоци во законодавната база.

Симеонов истакна дека една од целите на бугарската влада е скратувањето на рокот за добивање на бугарско државјанство до 6 месеци.

Нашата цел е да го скратиме рокот за добивање бугарско државјанство при целосно исправни документи за 6 месеци. Тоа е нормален период, како од овие 6 месеци – 4 месеци и 17 дена ќе бидат процедурите што се вршат во рамките на извршната власт и останатото време ќе биде, за да може потпретседателот да го потпише соодветниот указ на лицето што треба да добие бугарско државјанство. Нашата работа продолжува, имаме некои проблеми поврзани со несовршеноста на законите, рече Симеонов.

Заменик претседателот на бугарската Влада и се заблагодари на бугарската потпретседателка Илијана Јотова, која исто така се ангажирала во дискусијата за изнаоѓање на решение за прашањето за олеснување на режимот за добивање од бугарско државјанство.

Почнувајќи од октомври на платите на вработените во градинките ќе легнат 2% повеќе пари.

Вчера Владата го прифати предлогот на Министерството за труд и социјална политика за зголемување на платата 2% на воспитувачите и негувателите во детските градинки.

Тоа значи дека почнувајќи од септември 2017 година, платата која ќе биде исплатена во октомври 2017 година, ќе биде линерно зголемена за 2% а пари за оваа намена се обезбедени во Буџетот за 2017 година.

Од септември детските градинки за да им излезат пресрет на барањата на граѓаните почнаа со двосменско работно време.

Истражувањето на Европската банкарска федерација, објавено во средата, покажа дека банките во Европската унија затвориле 9.100 филијали минатата година и отпуштиле околу 50.000 работници поради зголемената популарност на интернет банкарството.

Поради развојот на технологијата во наредните пет години, околу една третина од актуелните банкарски работни места ќе исчезнат, изјави поранешниот прв граѓанин на "Ситигруп", Викрам Пандит, во интервју за "Блумберг".

Вештачката интелигенција и роботика ја намалуваат потребата од работници во некој од банкарските сектори, како што е сметководството, вели Пандит, кој сега ја предводи инвестициската компанија "Орогед", чиј коосновач е.

Според проценките на "Ситигруп" во извештајот од март минатата година, поради автоматизацијата, помеѓу 2015 и 2025 година, 770.000 вработени во банките во САД ќе останат без работа, а во Европа еден милион.

Според овие мрачни прогнози, истражувањето на Европската банкарска федерација објавено во средата покажа дека банките во Европската унија затвориле 9.100 филијали минатата година и отпуштиле околу 50.000 работници поради зголемената популарност на интернет банкарството. На крајот од минатата година, бројот на филијали во ЕУ се намали на 189.000, што е за 4,9 проценти помалку отколку на крајот од претходната година. На крајот од годината, банкарскиот сектор вкупно имал околу 2,8 милиони вработени, што е најмал број од 1997 година, покажува анализата.

Банките ги затвориле скапите филијали за физички лица со цел префрлање на голем број клиенти кон електронски плаќања, дигитално и мобилно банкарство, но и пониски каматни стапки. Од друга страна, извршниот директор на ЈП Морган, Џејми Димон, во јуни истакна дека влијанието на технологијата на работните места во финансиската индустрија е пренагласено.

- Воведувањето на автоматизација, помага да се намалат трошоците на банката, а од друга страна отвора низа други работни места, рече и додаде дека бројот на вработени во банките ќе расте, но на тие со техничко образование.