Германските работници ќе добијат божиќен бонус. 

Многу компании во државата на своите вработени им исплаќаат божиќни бонуси уште во ноември, а висината на овие бонуси е различна. Таа варира од работодавач до работодавач. Медиумите објавија дека просечниот божиќен бонус годинава е околу 2.800 евра. Вработените во секторот за преработка на минерални масла имаат нешто помал бонус од 5.586 евра.

Во категоријата со највисоки божиќни бонуси се работниците во секторот за производство на нафта и гас, каде просечната награда е дури 5.733 евра, пишува магазинот Феникс. И други европски земји исплаќаат божиќен бонус. 

foto freepik.com

Министерството за внатрешни работи наскоро ќе го отвори новиот пункт на кој ќе се вадат документи без закажување. Тој е во финална фаза на подготовки.

Деновиве системот ќе биде тестиран, а јавноста навремено ќе биде известена за отпочнување на процесот со кој граѓаните ќе можат во определениот законски рок, 12 февруари 2024, да ја поминат задолжителната процедура за промена на личните документи. 

Предвидено е фотографирање на сите кои немаат закажано термин за вадење на лична карта, возачка дозвола или патна исправа. Работното време ќе биде од 8 до 18 часот, а локацијата е во населбата Пролет, кај полициската станица.

Од Министерството за внатрешни работи се заблагодарија на компанијата „Брако“ која излезе во пресрет на МВР и на граѓаните и за да се забрза процесот на подготовка на салата од страна на БРАКО беа изработени и донирани 20 паравани за фотографирање за лични документи..

Вредноста на доларот зајакна во однос на кошницата валути, а еврото ослабе.

Доларот во однос на европската валута зајакна за 0,4 отсто, а цената на еврото се намали на 1,0685 долари. Курсот на доларот порасна и во однос на јапонската валута, за 1,4 отсто, на 151,50 јени, недалеку од највисокото ниво во една година.

Минатата седмица доларот врати дел од загубите од претходната седмица, кога остро падна, затоа што инвеститорите заклучија дека циклусот на зголемување на каматните стапки на американската централна банка е завршен. Цените на нафтата деновиве имаа пад, а доларот растеше. 

foto freepik.com/jcomp

Во новата година ќе се зголеми минималецот. 

Како што соопшти вицепремиерот Фатмир Битиќи за Слободен печат, минималната плата во март ќе достигне 22.500 денари.

Мерките што ги преземаме даваат резултат. Кажавме дека до крајот на годината ќе ја завршиме на висина со скоро исто ниво на инфлација како што имавме и пред кризата. 3.5 отсто последната инфлација, последниот месец, кажа вицепремиерот за економски прашања Фатмир Битиќи.

Тој рече и дека последниов месец има зголемување на цените во малопродажбата за само 1 процент, што укажува на минимална промена.  На едно четиричлено семејство за основни трошоци му требаат над 46.000 денари. 

Синдикалната минимална кошница за октомври изнесувала 46.198 денари.