Помалку од година дена од напуштањето на Белата куќа поранешниот американски претседател, Барак Обама на Вол стрит ќе го претвори во пари своето искуство. 

Тој во Њујорк во понеделник ќе биде главен говорник на конференција од здравствениот сектор. 

Обама ќе зборува за реформи во здравствениот систем, и ќе одговара на прашања. 

Тој во август одржа говор со кој заработи 400.000 долари. 

Од месец мај имал шест настапи за кои е многу добро платен. 

На 29 септември ќе биде главен говорник во Торонто, а во јануари пак во Њујорк ќе се обрати на настан во синагога. 

Ова може да поттикне критики, но Обама не е прв кој заработува на ваков начин. Претходно истото го правеа и Бил Клинтон и Тони Блер.

Регресот за годишен одмор, познат како К-15, и оваа година ќе им следува на вработените во приватните компании од стопанството. Фирмите кои што не го исплатиле треба тоа да го направат најдоцна до крајот на декември, а во случај да не го исплатат, предвидени се затворски и парични казни за работодавците.

Право на регрес имаат сите работници кои работеле кај истиот работодавач најмалку шест месеци во календарската година.
Износот на К-15 се одредува во висина од најмалку 40% од просечната месечна нето плата по работник во Република Македонија исплатена во последните три месеци. За минатата година, тој износ беше најмалку 8.909 денари, а најмногу до 13.116 денари – 40% од просечна бруто плата објавена во тековниот месец 32.789 денари.
Имајќи го предвид зголемувањето на минималната плата од 10.080 на 12.000 денари и значајниот раст на просечната бруто и нето плата по вработен во Македонија, се очекува дека работниците на крајот од годината ќе добијат поголем износ во однос на оној минатиот декември.
Доколку направиме груба пресметка врз основа на последните податоци за износот на просечната нето/бруто плата во Македонија кои ги објави ДЗС во август, може да се констатира дека к-15 би изнесувало минимум до 9.123 денари – 40% од износот на просечната нето плата по вработен 22.808 (јуни), односно максимум до 13.403 денари – 40% од износот на просечната бруто плата по вработен 33.509 (јуни).
Сепак, за конечниот износ на К-15 ќе треба да почекаме до месец декември.

Навистина е тажно кога во средина на животот ќе сфатите дека професијата која ја работите не е онаа која ве исполнува и прави најсреќни на светот.

KARIERA.mk споделува видео за мотивација - можеби сеуште не е доцна?!?

По повод 100-годишнина, престижниот Форбс ја објави листа на 100 најголеми деловни умови на модерното време. Таа вклучува претприемачи и бизнисмени од различни индустрии, вклучувајќи технологија, мода и забава.

Имињата не се наредени хиерархиски, туку по азбучен ред.

Очекувано на листата го гледаме основачот на Мајкрософт, Бил Гејтс, креаторот на Фејсбук, Марк Цукерберг, извршниот директор на Тесла и SpaceX Елон Муск (на сликата).

Исто така го има и шефот на Амазон, Џеф Безос, и британскиот милијардер Ричард Бренсон. Легендарниот инвеститор Ворен Бафет исто така не е пропуштен.

На листата се наоѓа модниот шеф Џорџо Армани, како и Боно од У2 и раперот Шон Кумбс, познат како Пи Диди.

Меѓу дамите ги гледаме Фејсбук режисерката Шерил Сандберг, модната икона Дајан фон Фурстенберг, телевизиски продуцент Шонда Реимс, и основач на "Спакс", Сара Блеки.

Целата листа на 100 најголеми деловни умови може да ја видите тука.