Прочитајте го неделниот хороскоп од 18 декември до 24 декември 2023 година и дознајте што ви кажуваат ѕвездите кога е во прашање вашата кариера.

Овен: Овните можат да очекуваат повеќе енергија и иновации на работното место овој период. Искористете ја вашата страст и волја за ризик за да ги истражите новите можности. Направете план  да преземете иницијатива и да ги покажете своите лидерски вештини.

Бик: Овој период е благопријатен за Биковите да размислуваат за инвестиции во своето кариерно усовршување. Разговаравајте со колегите и размислете за учење нови вештини или усовршување на постоечките. Комуникацијата со колегите ќе биде клуч за успешно напредување.

Близнаци: Близнаците може да очекуваат интересни комуникации и контакти во работната средина. Овој период е погоден за вмрежување и градење на односи. Креативноста може  да биде искористена за решавање на предизвици на работното место.

Рак: Раковите можат да чувствуваат дека имаат потреба од поддршка од страна на колегите или премногу обврски со работните задачи. Бидете отворени кон тимско соработување и направете време да разговарате за своите потреби. Самокритичноста ќе биде важна за успешно справување на предизвиците.

Лав: Лавовите можат да се чувствуваат воодушевени и мотивирани на работното место. Вашите лидерски вештини ќе бидат во центарот на вниманието, па искористете го ова како можност за да ги инспирирате и мотивирате другите околу вас. Очекувајте признание за вашата преданост и труд.

Девица: Девиците можат да наидат на предизвици во врска со временска организација и управување со задачи. Подгответе се за неочекувани промени и научете како да ги справите со нив. Паметно планирајте и побарајте помош ако ви е потребна.

Вага: Вагите можат да се најдат во ситуации каде што треба да пронајдат баланс помеѓу различни гледишта и мислења. Искористете го вашиот талент за медијација и дипломатија за да создадете конструктивна работна околина. Секоја креативна идеја може да се искористи за подобрување на тимската ефикасност.

Скорпија: Скорпиите можат да се фокусираат на самоусавршување и личен развој. Разгледајте ги можностите за обука и образование што би ве поддржало во вашата кариера. Одкријте ги своите страсти и посветете време за развивање на вашиот потенцијал.

Стрелец: Стрелците можат да се најдат во ситуации каде што е потребно да се приспособат на нови предизвици. Вашиот ентузијазам може да биде заразен за другите во тимот, што ќе допринесе кон успешното надминување на предизвиците.

Јарец: Јарците можат да работат на градење и зголемување на своето влијание во организацијата. Искористете ги вашите структурни и организациски вештини за да го подобрите работното место. Помогнете на колегите да го разберат поголемиот контекст на задачите и целите.

Водолија: Водолиите можат да наидат на интересни предизвици на работното место, што може да ги поттикне за иновации и нестандардни решенија. Бидете отворени кон новите идеи и прземете иницијатива за да ги реализирате. Соработката со креативни луѓе може да ви донесе нови можностии.

Риби: Рибите можат да се најдат во ситуации каде што треба да се посветат на детали и конкретни работни задачи. Поставете реални цели и изработите план за нивно постигнување. Ова може да биде време за фокусирање на рутините и постигање на конкретни цели на работното место.

Singular, интернационална ИТ компанија и бренд на Flutter Entertainment, освои три награди на овогодинешните Best Employer Brand Adria Awards 2023 во Загреб, Хрватска. Тимот на Singular за првпат учествуваше и победи во категориите Best Employer Brand – Medium Companies, Best Employer Brand – External Communication и Best Employer Brand Team.  

„Навистина ми е драго што е препознаен трудот којшто го вложуваме не само во нашите продукти, туку и во компаниската култура. Освоените награди се само уште еден доказ за посветеноста на нашиот тим и вредностите што ги негуваме секојдневно. Успехот многу нѐ радува, но дефинитивно и нѐ мотивира да продолжиме со нашите активности коишто ја доближуваат јавноста поблиску до Singular и до тоа што значи да си дел од овој тим“, вели Дарко Гацов, Оперативен Директор. 

Наградите ставаат акцент на повеќе фактори како конзистентост и креативност во интерната и екстерната комуникација, негувањето на компаниските вредности во рамки на employer brand активностите, резултати од кампањи, но и клучната улога што ја има тимската соработка.  

 „Позади успехот на нашиот тим не стојат само позитивни резултати од кампањи и активности, туку и огромниот труд и љубов што секојдневно ги вложуваме во нашата работа. Горди сме што нашиот придонес кон компаниската култура доби толку престижно признание, што дополнително ни дава инспирација да продолжиме да ја раскажуваме приказната на тимот - нашата #SingularStory,“ додава Љубица Николовска - Чорбаџиева, Communications & Employer Branding Manager.  

Тимот на Singular ја прикажува компаниската култура преку разни кампањи коишто пред сѐ покриваат интерни настани, достигнувања и вредности, но и низ призмата на самите вработени. Оваа година Singular ја започна кампањата WE BENEFIТ која што се фокусира на компаниската култура и вработените и како “they fit”. Кампањата беше креирана како еден вид на платформа која не само што ја прикажува културата на компанијата, туку се прикажуваат и вработените со нивните лични цели и пасии надвор од работното место.

 Кампањата ги промовираше и новите придобивки за вработените меѓу кои и 30 дена платен одмор, платено родителско отсуство за двајцата родители, пристап до најдобрите апликации и платформи за ментално здравје, можност за remote work во која било дестинација во времетраење од 20 дена и буџет за team morale активности.

За повеќе информации за Singular, компаниската култура и отворени работни позиции, посетете ја: https://careers.flutterinternational.com/our-brands/singular/ 

На валутните пазари вредноста на доларот во однос на кошницата валути драстично падна оваа недела, бидејќи ФЕД најави намалување на каматните стапки следната година.

На валутните пазари вредноста на доларот во однос на кошницата валути драстично падна минатата недела, бидејќи американската централна банка најави намалување на каматните стапки следната година.

Индексот на доларот, кој ја следи вредноста на американскиот долар во однос на шесте главни светски валути, се лизна за 1,3 отсто минатата недела на 102,59 поени, блиску до најниското ниво во последните четири месеци.

Истовремено, доларот ослабе за 1,2 отсто во однос на европската валута, па цената на еврото достигна 1,0895 долари.

Курсот на доларот падна и во однос на јапонската валута, за 1,9 отсто, на 142,15 јени. Најавен е пад на каматните стапки во САД

Како што се очекуваше, креаторите на политиката на ФЕД ги оставија каматните стапки непроменети во опсег од 5,25 до 5,50 отсто во средата на нивниот последен состанок во годината, бидејќи инфлаторните притисоци постепено се намалуваа.

Доларот се најде под притисок поради проценките на речиси сите челници на ФЕД дека каматните стапки ќе бидат намалени во наредната година, во три наврати, веројатно за 0,75 процентни поени.

Покрај тоа, претседателот на ФЕД Џером Пауел на прес-конференција рече дека централната банка најверојатно нема повторно да ги зголеми каматните стапки.

„Инфлацијата се намали и без значително зголемување на невработеноста. Тоа е добра вест“, рече Пауел и додаде: „ФЕД сега е многу фокусирана да не направи грешка да ги држи каматните стапки премногу високи предолго“. ЕЦБ ќе ги задржи каматните стапки непроменети

По оценките и пораките на првиот човек на ФЕД, пазарот сега проценува дека има 90 отсто шанси централната банка, по повеќе од година и пол затегнување на монетарната политика, од мај да почне да ги намалува каматните стапки.

И челниците на Европската централна банка одлучија на последната седница од годината да ги задржат каматните стапки непроменети.

Иако од ЕЦБ соопштија дека се уште не размислуваат за намалување на каматните стапки, аналитичарите оценуваат дека ЕЦБ, како и ФЕД, го завршила циклусот на зголемување на каматните стапки и дека цената на парите ќе се намали следната година.

Производителите на електрични автомобили продолжуваат да се тркаат за изградба на подобра технологија кога станува збор за зголемување на опсегот на возилата.

Најновиот претендент за титулата во таа трка е кинескиот Zeekr, кој ја претстави батеријата LFP која може да додаде до 500 километри досег за само 15 минути полнење. Првиот модел кој ќе користи „златна батерија“ ќе биде Zeekr 007, а потоа „некои други возила“, како што соопшти брендот.

Благодарение на способноста за полнење од 500 kW, батеријата со непознат капацитет ќе може да се полни од 10% до 80% за само 15 минути, што ќе биде доволно за дополнителни 500 километри досег.

Новиот Zeekr, да потсетиме, треба да биде сериозен ривал на автомобилите на Tesla, а се базира на архитектурата PMA2+.

Зеекр инсистира дека оваа батерија, без разлика на нејзината густина, е многу безбедна и отпорна на оган, а тоа го докажале и при тестирањата што ги направиле надлежните институции во Кина.

Autocar објави дека новите Zeekr LFP батерии подоцна ќе се најдат во автомобили од други марки на истата компанија, како што се Geometry, Polestar, Proton, Smart, Volvo и Lotus.