Како да водите со цел во вашата компанија!

Кажете ни нешто повеќе за себе и за вашиот професионален пат, како се одлучивте за Човечки ресурси?

Може да кажам дека сигурно не се родив со желба за кариера во Човечки ресурси, едноставно се случи. Додека студирав за првпат во животот ме повикаа на интервју (за продажба) во голема компанија. Не ми се допаѓаше позицијата но ме заинтригира процесот на селекција и тимот за регрутирање. Така и одлучив да се обидам, започнав со Агенција за регрутирање, Employer brand агенција, и подоцна со Унилевер. Сè уште ја разоткривам мојата страст за Човечки ресурси бидејќи улогата на ПР расте и станува се поразнолика, а со тоа се отвараат можности за истражување и на луѓето и на бизнисите.

На Самитот за глобални трендови во ПР во Скопје, вашата презентација ќе биде за лидерство со цел, може ли да ни дадете некои информации што може да очекува публиката од вашата тема?

Ќе го споделам патот на Унилевер кон целта како специфичен дел од нашата култура. Како им помагаме на вработените да ја откријат својата цел и начините на кои може да ја остваруваат таа цел во канцеларијата и надвор од канцеларијата. Во денешно време, нашата цел е пристапот за учење и талентот, затоа што веруваме дека луѓето со цел се чувствуваат подобро, покажуваат подобри резултати и целосно го остваруваат својот потенцијал. А кога се работи за лидерите, личната цел е начин да се сплотат со тимот и да ги преточат своите лични аспирации кон остварување на бизнис влијание.   

Со кои проекти во областа на ПР на кои сте работеле најмногу се гордеете?

Многу се гордеам со изминатата година во глобалниот тим за талент (Global Talent Team). Мислам дека бев дел од тимот во многу интересен период, кога се случија многу промени во управувањето со резултатите од работењето (Performance management) и во управувањето со таленти (Talent management). Одлично е кога ќе се види поголема флексибилност и транспарентност во процесот на оценување на резултатите од работењето и дискутирањето за таленти како резултат од тимските заложби. Исто така, ми претставува задоволство да ја предводам агендата за благосостојба (Wellbeing agenda) – оваа година сум навистина инспирирана да ја промовирам програмата за ментална благосостојба (Mental Wellbeing program).

Како ви изгледа еден обичен работен ден во Унилевер?

Во Унилевер никогаш не знаете што да очекувате. Навистина се восхитувам на разноликоста на задачите што ми се појавуваат секојдневно. Како Деловен партнер за ПР (HR Business Partner) поминувам доста време со деловните соработници – дискутираме околу бизнисите и како може ПР да обезбедат поддршка, насочување на таленти и донесување одлука за можностите. Исто така сум вклучена во коучинг и инцијативи за обуки за вработените и линиските раководители. Одговорна сум и за областите на експертиза во учењето и благосостојбата – па воспоставувам контакти со моите колеги од областа на ПР од целиот свет, учествувам на надворешни настани, и едноставно многу читам, за да ги слушнам најдобрите практики и да се инспирирам. 

Во моментов живеете во Москва, како би ја споредиле тамошната работна средина со останатиот дел од светот?

Едно нешто што го имам искусено во Унилевер е сличната работна средина нив целиот свет. Дури и канцелариите се слични – па не се чувствувате како странец кога ги посетувате колегите во други земји. Но Москва е голем град, а тоа влијае на животниот стил на луѓето – сите се многу зафатени и растрчани. И во Унилевер Москва, вашата работа е дел од вашиот живот и колегите ви се добри пријатели, половина од следбениците на Фејсбук и Инстаграм. Постојано може да видите луѓе кои завршиле со работа и попладнето одат некаде заедно. 

Оваа есен ќе одржите презентацијана Самитот за глобални трендови во ПР во Скопје, што очекувате од дестинацијата?

Никогаш не сум била во Скопје, но сигурна сум дека местото е прекрасно. Зависна сум од патувања и едноставно сакам да додавам нови дестинации на мојата мапа. Очекувам да запознаам нови луѓе и да се инспирирам од градот. Сигурна сум дека ќе ме изненади.

За да дознаете нешто повеќе од Ана и Лидерството со цел на Унилевер, придружете ни се на Самитот за глобални трендови во ПР во Скопје на 29 септември!

Швајцарците го одбија предлогот за реформи во пензискиот систем со кој Владата сака да се соочи со стареењето на населението. 

Од 26 кантони, 14 се изјасниле против тоа жените да работат година дена повеќе. 

Тоа значеше жените да работат до 65 години за да добијат полна пензија, а овој предлог и претходно иницираше критики. 

Конечни резултати ќе има вечерва, но повеќе од јасно е дека предлогот пропадна. 

На промени се противеа либералите, десните кругови и економистите. 

Тие сметаа дека ова ќе биде казна за сегашните работодавци и млади луѓе, а ќе биде  придобивка за идните пензионери. 

Блогерка која инаку е гастербајтер споделува совети за сите оние кои сакаат да успејат во Германија и да се вработат. 

1. На прифаќајте работа помалку од она што вредите

Ако еден Германец не сака да работи за минималец, немојте ниту вие. Проверете кои се просечните плати за професијата со која се занимавате. Дури и ако очекувате нешто под просек, не одете премногу ниско. 

2. Не работете работи кои не се поврзани со вашата струка 

Ако сте надвор од струката или правите пауза, подоцна ќе ви биде многу тешко. Таа вели дека според нејзино искуство во Германија е важен континуитетот и целата приказна да биде заокружена. 

3. Бидете брзи и прецизни, но не работете прекувремено ако не морате

Бидете самостојни и работете ја својата работа брзо, а ако не морате, не останувајте прекувремено. Ако нешто не ви е јасно, подобро да запишете, отколку со месеци да прашувате за едно исто. 

4. Учете германски

Може да се најде работа и со англиски јазик, но тоа се високи менаџерски позиции, и затоа учете германски. 

5. Поминувајте повеќе време со Германците и другите странци 

Ќе научите многу, и ќе си го збогатите личниот и професионалниот живот. Секое искуство нема да биде убаво, но ќе ве направи побогати. 

6. Штедете

Почетокот не е време за трошење. Почекајте додека да си дозволите поголеми лускузи и патувања. 

Биткоинот е измама која на крајот ќе се самораспадне, вели шефот на Џеј Пи Морган, Џејми Димон, кој додаде дека дигиталната валута била смислена да ја користат дилери на дрога, убијци и луѓе кои живеат на места како Северна Кореја.

Во говор на банкарска конференција во Њујорк, Димон рече дека „ќе избрка од работа“ истата секунда ако некој во инвестициската банка биде откриен како тргува со биткоин.

– Поради две причини: тоа е спротивно на нашите правила и затоа што се глупави. И двете нешта се опасни.

Тој додаде: Валутата нема да профункционира. Не можете да водите бизнис каде луѓето ќе смислат валута од никаде и да мислите дека оние кои ја купуваат се баш умни. Ако сте во Венецуела, Еквадор или во Северна Кореја или на многу слични места, или ако сте дилер со дрога, убиец, нешто слично, тогаш е подобро да работите со биткоин отколку со американскиот долар.

– Можно е да постои пазар за тоа, ама тоа ќе биде ограничен пазар.

Биткоинот е виртуелна валута, која се појави како последица на финансиската криза. Таа им овозможува на луѓето да ги одминуваат банките и традиционалните процеси на плаќања за стоки и услуги. Банките и други финансиски институции се загрижени заради првичната асоцијација на биткоинот со перење на пари и со онлајн криминалот.

Вредноста на валутата се зголеми за повеќе од четири пати од минатиот декември и достигна повеќе од 4.100 долари, иако не е поддржана од ниту една влада. Валутата падна за четири проценти по коментарите на Димон.

– Ова е полошо од балонот со лалиња, рече Димон, асоцирајќи на прочуеното надувување на пазарот од 17 век. Тој предвидува големи загуби за оние кои инвестирале во биткоинот.

– Не ме прташувајте кога тоа ќе се случи. Тоа може да достигне вредност и до 20.000 долари, но на крајот ќе се распадне. Искрено, шокиран сум од фактот што никој не гледа што е ова всушност, рече Димон.

Сепак, банкарот откри дека неговата ќерка купила биткоин. „Се реши на тоа и сега мисли дека е генијалка“.

Критиките на Димон за валутата се совпадна со предупредувањето од британскиот финансиски регулатор против шпекулативното лудило во врска со иницијалната понуда на валутата (ИКО) во криптовалути како што е биткоинот. ФЦА објави дека секој оној кој инвестира во ИКО треба да биде подготвен дека ќе ги загуби вложените пари. ИКО се многу ризични, шпекулативни инвестиции, рече тој.

– Треба да бидете свесни за ризиците кои доаѓаат со тоа… и подгтовени да го загубите целиот влог, посочи Димон.

ИКО се смислени со цел за собирање средства за стартапи на интернет. Наместо да се собираат пари од јавноста во фунти, евра или долари, инвеститорите во ИКО плаќаат во криптовалути. За возврат, им се издава „монета“ или „токен“ со вредност но само во рамките на нивната фирма.

МИА, извор: Гардијан – Лондон