Адаптирањето на новото работно место може да биде предизвик, но со одредени стратегии и пристап, можете да го направите процесот полесен и погоден за вашиот успех.

Во продолжение се неколку совети за полесно адаптирање во новата работна средина:

• Истражувајте го работното место 

Пред да пристапите на новото работно место, обидете се да дознаете повеќе за компанијата, тимот и културата. Што повеќе информации имате, толку подготвени ќе бидете за првите денови.

• Испратете позитивен впечаток 

Првите ваши чекори на новото работно место се круцијални. Бидете позитивни, љубезни и отворени. Поздравете се со колегите и покажете интерес кон нивната работа и искуство.

• Изградете позитивни меѓучовечки односи

Инвестирајте време и напор во изградба на позитивни односи со колегите. Комуникацијата и дружењето со другите ќе ви помогне да се вклучите во тимот и ќе ви ја олесни адаптацијата.

• Поставувајте прашања и бидете отворени за учење

Немојте да се срамите да поставите прашања и да ги искажете важите продлози. Покажете интерес и отвореност за учење. Овој пристап ќе ви помогне да се адаптирате побрзо и да изградите компетенции во новата област.

• Задржете позитивен став кон промените

Работните места и компаниите се подложни на промени. Задржувањето на позитивен став кон промените и способноста за флексибилност ќе ви помогнат да ги провладате предизвиците во новата работна средина.

• Работете на изградба на вештини

Идентификувајте ги вештините кои се потребни за успешно извршување на вашите нови работни задачи и инвестирајте време во нивното подобрување.

• Поставете цели и следете ги

Определете ги вашите краткорочни и долгорочни цели на новото работно место и постојано следете ги. Ова ќе ви даде ориентација и ќе ве мотивира да работите кон нив.

Со овие совети, ќе имате подобри можности за успешна адаптација на новото работно место и за брзо вклучување во новата работна средина.

Налепниците со ознаката НМК кои ќе треба да се залепат на регистарските таблици ќе бидат бесплатни за граѓаните, соопштија синоќа од Министерството за внатрешни работи.

Како што се наведува во соопштението, донесена е одлука налепниците со ознаката НМК кои ќе треба да се залепат на регистарските таблици да бидат бесплатни за граѓаните, односно да бидат на товар на МВР. 

Обврската за користење на ознаката „НМК“ на регистарските таблички е од Преспанскиот договор.

Во повеќето земји од Европската унија, нормалната возраст за пензионирање е 65 години. Но, со зголемувањето на животниот век, многу од нив го подигнаа прагот за пензионирање или само планираат да го сторат тоа.

Возраста за целосна пензија во земјите од Европската унија се движи од 62 до 67 години, а моментално во повеќето земји е неопходно да се наполни 65 години.

Франција има најниска возраст за пензионирање, каде целосната пензија моментално е на 62 години и три месеци. Минатата година оваа пензионерска оаза, по големи протести, донесе реформа со постепено зголемување на старосната граница за пензионирање од 62 на 64 години до 2032 година.

Со помалку од 65 години, целосна пензија сè уште може да се заработи во Словачка, Чешка, Литванија, Летонија и Малта.

Од друга страна, Бугарија, Италија, Грција и Данска имаат најрестриктивни услови за пензионирање, каде што треба да наполните 67 години за да се пензионирате.

Многу земји донесоа одлуки за постепено или еднократно зголемување на границата за пензионирање во следните десет години. Генерално, границата се зголемува на 67 години, а Данска веќе одлучи да ја зголеми старосната граница за пензионирање на 69 години во 2035 година.

Раст на очекуваниот животен век

Во исто време, некои земји ја поврзаа возраста за пензионирање со зголемување на животниот век. Овој механизам се користи во Финска, Данска, Кипар, Естонија, Грција, Италија, Холандија, Португалија и Словачка.

Во неколку земји, вклучително и Хрватска, постои пониска возраст за пензионирање за жените, но таа постепено се зголемува со тенденција во блиска иднина да се изедначи старосната граница за пензионирање на мажите.

Одредени земји (Финска, Норвешка, Шведска) имаат флексибилна старосна граница. Тоа значи дека едно лице може да добие пензија во одреден опсег на години.

Услови за предвремено пензионирање

Во многу земји, вклучително и Хрватска, можно е предвремено пензионирање. Ова е обично помеѓу две и пет години под законската возраст за пензионирање.

Според извештајот на ОЕЦД, старосната граница за предвремено пензионирање кај мажите варира од 59 години во Литванија до 63,7 години во Германија. За жените, тоа се движи од 58 години во Литванија до 63,7 години во Германија.

По правило, предвременото пензионирање се казнува со намалување на надоместокот во зависност од годините на претходното пензионирање.

Во некои земји, привременото пензионирање е условено со години стаж. На пример, во Хрватска, условот е 35 години стаж. Во Австрија предвремено пензионирање е можно на 63 години со 42 години стаж, на 61 со 43 години и на 60 со 44 години стаж.

Во некои земји, доколку периодот на осигурување е долг, предвремено исплатената пензија не се намалува.

На пример, во Италија, законската возраст за пензионирање е 67 години, но ако стажот и старосната граница за пензионирање заедно се најмалку 102 години, тогаш пензионирањето е можно без казна од 64 години.

Хрватска дозволува предвремено пензионирање без намалување на пензијата за лицата кои ќе наполнат 41 година стаж. Таквите лица можат да се стекнат со пензија најрано на возраст од 60 години.

(Тпортал)

Регулаторната комисија за енергетика, водни услуги и услуги за управување со комунален отпад (РКЕ) известува дека цената на дизелот од ноќеска на полноќ се намалува за половина денар, а бензините и екстра лесното масло за домаќинство поскапуваат за еден денар по литар.

Со одлуката се врши зголемување на малопродажните цени на нафтените деривати во просек за 0,59 отсто.

Новата малопродажна цена на ЕУРОСУПЕР БС – 95 ќе изнесува 80,5 денари за литар, ЕУРОСУПЕР БС – 98 ќе се продава за  82,5, ЕУРОДИЗЕЛ БС (Д-Е V) за 78, а Екстра лесното масло за домаќинство (ЕЛ-1) за 77 денари за литар.

Со одлуката на РКЕ за 0,087 денари за килограм се намалува и малопродажната цена на Мазутот М-1 и ќе изнесува 41,352 денари.