Телеком Австрија донесе одлука сите свои брендови да ги обедини под едно име „А1“ со цел да дојде до унифицирање во сите земји каде има мобилни оператори. А1 е името кое е одбрано бидејќи го претставува мобилниот оператор во Австрија кој има добиено најдобри оценки, па токму таа доверба на корисниците и позитивниот впечаток треба да ги засили и останатите оператори вклучувајќи го и македонскиот Вип. 

Во првите осум месеци од годинава германската Сојузна агенција за труд издаде 63.000 работни дозволи на луѓето од регионот на Западен Балкан, што е 70 отсто повеќе од истиот период минатата година.

Причина за драстичниот пораст е специјалната регулатива за Западен Балкан, воведена на почетокот на 2016 година, пишува германскиот весник Велт.

Весникот анализира дека кризата предизвикана со доаѓањето на големиот број бегалци од Сирија и Ирак уште тогаш била влошена со големиот прилив на барања за азил од Косово, Албанија, Македонија, Србија и БиХ.

Германија тие земји ги прогласи за безбедни држави, така што мигрантите кои пристигнуваат оттаму немаат шанси да добијат азил.

Како реакција на тоа воведени се значајни олеснувања за мигрантите од Западен Балкан, кои ќе поднесат доказ дека им е понудена конкретна работа во Германија, за што ќе добијат работна дозвола, и притоа не се бара доказ за квалификации.

Сојузната агенција за труд само проверува дали постојат домашни кандидати за одредено работно место, но во четири од пет случаи управата дава зелено светло. Спротивно на ова, критериумите за имигранти од трети земји се многу строги.

Според податоците на Институтот за истражување на пазарот на трудот и вработување, од Западен Балкан главно доаѓаат неквалификувани (47 отсто) и полуквалификувани работници (49,6 отсто), додека бројот на факултетски образовани работници и други стручни лица изнесува само 3,4 отсто.

Најмногу работни дозволи им се издаваат на работници од градежниот сектор, речиси половина од вкупниот број. Исто така голема е побарувачката за работници од Балканот во областа на угостителството, но и хигиеничари, негувателки и градинари.

Работната виза трае додека лицето е вработено, а предвидено е луѓето да се вратат дома кога ќе останат без работа. Меѓутоа, мигрантите имаат право и на социјална помош доколку работеле во Германија најмалку 12 месеци. Поради тоа не е исклучена можноста да останат дури и ако останат без работа, пишува „Велт“.

Дозволата на Сојузната агенција за труд, сепак, не гарантира право на влез во земјата, бидејќи работниците прво мора да поднесат барање за виза во својата земја, а во повеќето држави од Западен Балкан виза се чека повеќе месеци, во Сарево дури една година.

Регулативата за Западен Балкан, која е воведена кон крајот на бегалската криза, важи до 2020 година.

Елон Маск е технолошки визионер кој води повеќе мултимилионски компании и сосема разбирливо нема време за непродуктивни состаноци со своите вработени. За неговата брутална тактика за заштедување време сведочи аналитичар кој порано работел во SpaceX, компанијата на Маск за вселенски подвизи.

На еден состанок Елон Маск му се обрати директно на еден од присутните со зборовите: - Што бараш ти тука? Досега не кажа ниту збор!

На овој начин Маск испратил порака до сите вработени дека нема потреба да закажуваат и доаѓаат на состаноци доколку немаат што да кажат повеќе од еден испратен мејл или пак ако немаат некоја нова одлука. 

Два неработни денови овој месец, од кои едниот е добро позициониран и овозможува продолжен викенд. Станува збор за 11 октомври среда и 23 октомври  понеделник.

Вo продолжение сите неработни денови до крајот на годината.

За сите граѓани на РМ 

• 11 октомври (среда), Ден на народното востание,

• 23 октомври (понеделник), Ден на Македонската Револуционерна Борба, односно 24 октомври (понеделник) е неработен ден

• 8 декември (петок), “Св. Климент Охридски”

За граѓаните од католичка вероисповед

• 01 ноември (среда), Празникот на сите светци

• 25 декември (понеделник), првиот ден на Божик

За граѓаните припадници на албанската заедница во РМ

• 22 ноември (среда), Ден на Албанската азбука

За граѓаните припадници на еврејската заедница во РМ

• 12 октомври (четврток), Јом Кипур, првиот ден на Јом Кипур

За граѓаните припадници на бошњачката заедница во РМ

• 28 септември (четврток), Меѓународен ден на Бошњаците

За граѓаните припадници на турската заедница во РМ

• 21 декември (четврток), Ден на настава на турски јазик