Истражувачкиот институт SolAbility го објави својот годишен извештај Global Sustainable Competitiveness Index, во кој се споредуваат земјите во светот во нивното ниво на развој и отпорноста на нивната економија. Студијата составува листа на земјите кои имаат најдобри алатки за стимулирање на економскиот раст во иднина. Рејтингот се заснова на “моделот на конкурентност, кој ги вклучува сите столбови на одржливиот раст: присуството на природен капитал, управување на земјата, интелектуален капитал, социјална кохезија”.

Секоја страна добива одреден број на поени од максимални 100.

5. Исланд – 56.0

Оваа изолирана островска нација со население помалку од 400 илјади лица редовно се рангира на првите места во различни меѓународни класификации. Во оваа студија Исланд покажала најдобар индикатор за “државно управување”. Единствениот послаб макроекономски показател e високата инфлација, која стигна 10% пред кризата, но за време на кризата не беше заменета со дефлација, како во многу развиени земји.

4. Данска – 56.0

Данска е индустриско-аграрна земја со високо ниво на развој. Уделот на индустријата во националните приходи е повеќе од 40%. Земјата е на 1-во место во светот во однос на надворешната трговија и промет по глава на жител. Главниот извоз на стоки e инженеринг на производи, месо и месни производи, млечни производи, риба, фармацевтски производи, мебел. Токму поради скромните залихи на природните ресурси, данската економија се потпира речиси исклучиво на човечки ресурси. Секторот на услуги зазема голем дел од пазарот на трудот и економијата. Развојот на пазарната економија на Данска е зависен од увозни суровини и надворешна трговија.

3. Финска – 56.2

Земјата се рангираше на 4-то место според критериумот “природен капитал”. Финска е една од економски најразвиените земји од ЕУ надвор од еврозоната. Долго време предностите на Финска се политичка стабилност, отворена економија, напредна инфраструктура и сигурност на телекомуникациите, како и високото ниво на соработка помеѓу претпријатијата, научни и технолошки центри и универзитети.

2. Норвешка – 59.4

Норвешка го освои 2-рото место според нивото на економска конкурентност. Највисоки индикатори таа зазема во критериумите “државно управување” – 3-то место и 1-во место во параметарот “општествен капитал”. Владата ги контролира клучните сектори на економијата, особено нафтениот сектор. Иако земјата има и други природни ресурси (шуми, минерали, водни ресурси), нафта секторот обезбедува 30% од приходите во буџетот на Норвешка.

1. Шведска – 60.9

Лидер на листата на Global Sustainable Competitiveness Index е Шведска – единствената земја која има повеќе од 60 поени. Шведска го зазема 2-рото место со два параметри: “природен капитал” и “иновации”. Економијата на Шведска е добро развиена, ориентирана кон извоз. Главните ресурси на економијата се дрва, хидроцентралите и железната руда. Земјата располага со модерна инфраструктура, одлични внатрешни и надворешни комуникации, и висока работна сила. Околу 90% од производството е произведено од приватни компании, како Ericsson AB, SKF, Alfa Laval Group, IKEA, AGA, Dino Nobel. Над 50% од нив се во областа на машинството. Земјоделството произведува само 2% од БДП на земјата.

Четири компании добија награди за најуспешни претприемачи за 2016 година, на  синоќешното  јубилејно 10. издание на престижната манифестација „Претприемач на годината“.

Во категоријата мали претпријатија првата награда му припадна на Деан Бадаревски од „Софа студио“ – Скопје, а втората награда на Васко Брдаровски од „Евросуровина ПА“ – Битола.

Првонаграден во категоријата на микро претпријатија е Хашим Хасани од „Хотел Скардус“ – Тетово, а втората награда  ја доби Биљана Кукловски од „Чоко авијаторс“ – Скопје.

Претселекцијата за избор на „Претприемач на годината – 2016“ е направена врз основа на податоците од Централниот регистар на РМ. Педесет и шест микро и мали претпријатија, во периодот од 2013 до 2015 година, имаат реализирано раст по основ на број на вработени, вкупни приходи, добивка и инвестиции.

Во услови на двегодишна политичка неизвеснот, надворешни влијанија на мигрантската криза, како и потешкотиите во економиите на соседните земји, многу е важно да ги поздравиме компаниите кои три години по ред континуирано бележат раст со што успеаја да влезат во категоријата на најдобри мали и микро претпријатија, изјави на доделувањето на наградите  претседателката на Сојуз на стопански комори на Македонија (ССК), Данела Арсовска.

Главни организатори на „Претприемач на годината 2016“ се Сојузот на стопански комори на Македонија, Македонската развојна фондација за претпријатија и Стопанската комора на северозападна Македонија. Коорганизатор е Националниот центар за развој на иновации и претприемачко учење. Институционален покровител е Министерството за економија на Република Македонија.

На манифестацијата „Претприемач на годината“ во изминатите десет години се наградени 40 претприемачи, а Министерството за економија додели вкупно шест специјални награди. Идејата на организаторите е да се поттикне претприемачкиот дух, преку промоција на успешни примери.

Од 80-те до денес, Џорџ Мајкл беше еден од најплатените и најуспешните музичари, а имал и многу високи хонорари.

Богатството на Мајкл се проценува на сто милиони фунти, кои ги заработи со огромните хитови кои со години беа на врвот на светските топ листи.

Погледнете ја кариерата на Мајкл во бројки.

– Во шест милиони примероци е продаден неговиот соло сингл „Careless Whisper“.

– Над 100 милиони албуми продаде Џорџ Мајкл ширум светот.

– Во 20 милиони примероци е продаден неговиот прв соло албум „Faith“.

– Цели три години траеше неговата последна турнеја „25 Live“.

– 14 недели неговиот сингл „I want your sex“, и покрај цензурите, се задржа на првото место на листата Billboard Hot 100.

– Тој има издадено пет студиски албуми, две компилации и еден албум во живо.

– 12 синглови на Џорџ Мајкл биле на прво место во Британија.

– Десет негови синглови биле на прво место во САД.

– 21 музичка награда освои во текот на кариерата.

– „25 Live“ беше негова најмасовна турнеја во кариерата.

– 106 концерти имаше во текот на „25 live“ турнејата во 41 држава, со заработени 200 милиони долари.

– Три милиони долари, рускиот тајкун Владимир Потинин му платил на Џорџ за едночасовен новогодишен концерт во Москва.

– Пет топ манекенки: Наоми Кембел, Татјана Патиц, Синди Крафорд, Линда Евангелиста и Кристи Тарлингтон се појавија во неговиот познат спот „Freedom“.

– 112 милиони долари проценето е неговото богатство во 2011 година.

– 400 верзии на познатиот хит „Last Christmas“ изработени се од 1984 година.

– Тој имаше 53 години кога почина.

На 27 декември 2016 Година, во просториите на СКСЗМ се потпиша Меморандум за соработка помеѓу СКСЗМ и сервисот за развој на човечки ресурси KARIERA.mk. 

Оваа соработка има за цел промовирање, развој и континуирана едукација од областа управување и развој со човечки ресурси, а во согласност со заедничките интереси и меѓусебната соработка на двата субјекти.

СКСЗМ и KARIERA.mk заедно ќе соработуваат во интерес на развојот на процесите за обезбедување на работна сила за членките на Комората и промоција на светските стандарди во управувањето со човечките ресурси. 

Во претстојниот период ќе се врши размена на искуства и најдобри практики за успешно спроведување на процесот за регрутирање и селекција на кадидати за вработување преку гостувања на претставници од KARIERA.mk во едукативните настани  кои ги спроведува Комората.

Човечките ресурси се најважниот капитал на секоја фирма или организација, создавањето, управувањето и надградбата на човечките ресурси преставува сложен процес кој треба да следи повеќе фази на развој. СКСЗМ ќе настојува на своите членови да им овозможи што помодерни решенија за човечки ресурси, кои се воедно и тренд во западните земји, пред се за брза реакција кон организациските потреби за раст, потребите на пазарот, конкурентноста, иновациите и проширување на нивните бизниси - изјавува Фатмир Битиќи, извршен директор на СКСЗМ  

Со соработката, истотака се предвидува и организирање на заеднички специјални настани, обуки, саеми; Учество на вработени од компаниите-членки во Комрата на порталот KARIERA.mk преку колумни, интервјуа и други информативни статии на теми поврзани со професијата човечки ресурси; Ефикасно информирање за достапните пракси и стипендии кои се нудат од членовите на комората; Учество во останати заеднички проекти, и тоа: истражувачки проекти, промотивни проекти, продукциски проекти, проекти за развој и професионализација на професијата човечки ресурси.

KARIERA.mk е веб сервис кој произлезе како синергија на тимови со 10 годишно искуство во областа на вработувањето и во областа на модерните ИТ решенија. KARIERA.mk нуди преглед на актуелните огласи за работа во Македонија, достапните пракси, стипендии и останати можности за неформално образование со што цели да стане централно место кое ќе помогне за унапредување низ кариерата. Различни не прави фактот што нашите содржини и огласи се споделуваат на веб страни кои имаат над 12 милиони прегледи месечно, на најголемите страни на социјалните мрежи, како и на таргетиран newsletter од преку 100.000 членови. – изјавуваат Норик Селими и Ѓорѓи Какашевски, основачи на сервисот. 

СКСЗМ ќе настојува на своите членови да им овозможи што помодерни решениа за човечки ресурси, кои се воедно и тренд во западните земји, пред се за брза реакција.

Стопанска Комора на Северозападна Македонија