Бесплатниот автобуски превоз за студентите во Скопје ќе продолжи и во 2025 година, откако Владата денеска на седница одлучи да му префрли 120 милиони денари на Јавното сообраќајно претпријатие ЈСП - Скопје обезбедени со релоцирање од буџетот на Министерството за образование и наука.

Претходната Влада три години не обезбедуваше средства за оваа намена и немаше донесено ваква одлука. Оттука и недовербата која студентите ја имаа кон извршната власт. Ги уверувам треба да бидат спокојни затоа што новата Влада ги исполнува ветувањата и обврските кон граѓаните, а токму оваа наша одлука е потврда за тоа, рече премиерот Христијан Мицкоски, на заедничка прес-конференција во Владата со министерката за образование и наука Весна Јаневска.

Бесплатниот јавен превоз, како што рече, ќе им овозможи поголема достапност и ќе ги ослободи од финансискиот товар со што ќе може повеќе да се фокусираат на студиите и личниот развој.

Министерката Јаневска се заблагодари на Владата и посочи дека студентите и следната година ќе имаат бесплатен превоз што е особено значајно за нив и е насушна потреба бидејќи во јануари имаат сесија.

Универзитетското студентско собрание на Универзитетот „Св. Кирил и Методиј“ Скопје претходно испрати апел до Владата и МОН на владина седница да овозможат релоцирање на средства со цел продолжување на бесплатниот превоз за студентите во 2025 година.

Градоначалничката на Град Скопје, Данела Арсовска на крајот на минатиот месец изјави дека долгот на централните власти кон Јавното сообраќајно претпријатие (ЈСП) Скопје од јануари идната година ќе изнесува десет милиони евра и оти Советот треба да дискутира дали воопшто ќе има бесплатен превоз.

Како што наведе Државниот завод за ревизија во извештајот што го објави во октомври, МОН две години не ги покривало трошоците за превоз на студентите, Владата не донела одлуки, иако продолжи бесплатниот превоз на студентите од ЈСП.

Денес ви ги издвојуваме најпосетуваните работни позиции во Охрид на KARIERA.mk, се надеваме дека ќе го најдете вашето идеално работно место меѓу нив.

Охрид, еден од најубавите и најпосетуваните градови во Македонија, нуди многу можности за вработување во различни сектори. За да го пронајдете вашето идеално работно место во Охрид, посетете го нашиот веб сервис KARIERA.mk, како и на нашите социјални мрежи каде многу работодавци објавуваат отворени позиции.

Во продолжение, разгледуваме кои се најчестите огласи за работа во Охрид и како најдобро да ги искористите овие можности.

Помошници во KAM маркет (Oхрид)
Агент за продажба во Охрид
Quality supervisor
Дипломиран фармацевт и фармацевтски техничар за работа во Охрид и Струга
Магационер Охрид

Се уште невработени?! Сите останати работни места можете да ги најдте ТУКА.

Песимизмот на работното место може да биде голем предизвик, особено кога влијае на мотивацијата, продуктивноста и општата работна атмосфера. За среќа, постојат начини како да се справите со оваа појава и да ја претворите во позитивна промена.

Еве неколку совети кои ќе ви помогнат:

1. Идентификувајте го изворот на песимизмот

Најпрвин, обидете се да откриете зошто вие или вашиот тим чувствувате песимизам. Дали се тоа нереални рокови, недоволна поддршка од менаџментот, или можеби токсична работна култура? Разбирањето на причините е клучот за решавање на проблемот.

2. Фокусирајте се на решенија, а не на проблеми

Наместо да се задржувате на негативните аспекти, охрабрете се себеси и колегите да размислувате за можни решенија. Оваа промена во пристапот може да помогне во подобрување на колективната мотивација.

3. Комуницирајте отворено и конструктивно

Отворената комуникација може да го намали чувството на фрустрација. Споделете ги вашите мисли со тимот или менаџментот, но направете го тоа на конструктивен начин, фокусирајќи се на можности за подобрување.

4. Применете позитивно размислување

Иако е полесно да се каже отколку да се направи, обидете се да се фокусирате на позитивните аспекти на вашата работа. Одвојте време да го препознаете и прославите успехот – дури и најмалите достигнувања.

5. Создајте поддржувачка средина

Поддршката од колегите е клучна за справување со негативноста. Поттикнете тимска работа и градење на односи базирани на доверба и почит.

6. Побарајте професионална помош ако е потребно

Ако песимизмот е премногу длабок и постојан, размислете за консултирање со професионален тренер или психолог. Понекогаш, надворешна перспектива може да направи голема разлика.

Промената на ставот и работната култура не се случува преку ноќ, но со трпеливост, разбирање и акција, можете да создадете попозитивна и инспиративна работна средина.

Еве кои ќе бидат неработните денови и празници во 2025та година:

Преземи го календарот ТУКА

За сите граѓани на РМ:

• 1 јануари (среда), Нова Година,
• 7 јануари (вторник), Божиќ, првиот ден на Божиќ според православниот календар,
• 30 март (недела), Рамазан Бајрам, првиот ден на Рамазан Бајрам, односно 31 март (понеделник) е неработен ден.
• 21 април (понеделник), Велигден, вториот ден на Велигден според православниот календар,
• 1 мај (четврток), Ден на трудот,
• 24 мај (сабота) „Св. Кирил и Методиј“ Ден на сесловенските просветители,
• 2 август (сабота), Ден на Републиката,
• 8 септември (понеделник), Ден на независноста,
• 11 октомври (сабота), Ден на народното востание,
• 23 октомври (четврток), Ден на македонската револуционерна борба,
• 8 декември (понеделник), „Св. Климент Охридски“.

За граѓаните од православна вероисповед

• 6 јануари (понеделник), Бадник, ден пред Божиќ,
• 19 јануари (недела), Богојавление (Водици),
• 18 април (петок), Велики Петок, петок пред Велигден,
• 6 јуни (петок), Духовден, петок пред Духовден,
• 28 август (четврток), Успение на Пресвета Богородица (Голема Богородица).

За граѓаните од католичка вероисповед

• 21 април (понеделник), Велигден, вториот ден на Велигден,
• 1 ноември (сабота), Празникот на сите светци,
• 25 декември (четврток), првиот ден на Божиќ.

За граѓаните од муслиманска вероисповед

• 6 јуни (петок), Курбан Бајрам, првиот ден на Курбан Бајрам,
• За граѓаните припадници на албанската заедница
• 22 ноември (сабота), Ден на албанската азбука.

За граѓаните припадници на српската заедница

• 27 јануари (понеделник), Свети Сава.

За граѓаните припадници на ромската заедница

• 8 април (вторник), Меѓународен ден на Ромите.

За граѓаните припадници на влашката заедница

• 23 мај (петок), Национален ден на Власите.

За граѓаните припадници на еврејската заедница

• 2 октомври (четврток), Јом Кипур, првиот ден на Јом Кипур.

За граѓаните припадници на бошњачката заедница

• 28 септември (недела), Меѓународен ден на Бошњаците.

За граѓаните припадници на турската заедница

• 21 декември (недела), Ден на настава на турски јазик.