Објавен јавен оглас за вработување на осум инспектори-инжинери на неопределено време.

Заинтересираните кандидати треба да имаат завршено Факултет од областа на информатика, електротехника, компјутерска техника и информатика, телекомуникациско инженерство и најмалку четири години работно искуство.

Слободните работни места се отворени во Агенцијата за национална безбедност, која за првпат од своето основање, објави јавен оглас за вработување.

Кандидатите, меѓу другите услови кои треба да ги исполнат, треба да дадат согласност и за полиграфско тестирање.

За кандидатот кој ќе го одбие, се смета дека не ги исполнува условите за засновање на работен однос во Агенцијата која игра клучна улога за безбедноста и стабилноста на државата.

Агенцијата за разузнавање има постојано отворен конкурс за вработување. Во свото петипол годишно постоење АНБ користеше кадри од претходната УБК или преземаше службеници од другите безбедносни служби.

Интересно е што на конкурсот за осумте инспектори воопшто не се бара сертификат или доказ за познавање на англиски или друг странски јазик што е норма во разузнавачкото работење, а и не е наведена возраст како ограничување за кандидатите.

Како што денеска соопштија од АНБ, ова претставува историски чекор во насока на транспарентноста и инклузивноста, што ја потврдува определбата на Агенцијата да ги следи највисоките стандарди во процесите на човечки ресурси и да им даде можност на сите граѓани што ги исполнуваат критериумите да станат дел од професионален тим посветен на заштита на националните интереси.

Јавниот оглас се однесува на засновање на работен однос на неопределено време за вкупно осум извршители. Заинтересираните кандидати треба да ги исполнуваат општите и посебните услови утврдени за конкретните работни места, при што се очекува висок степен на стручност, одговорност и интегритет. Образецот за аплицирање е достапен на официјалната веб-страница на Агенцијата за национална безбедност – www.anb.gov.mk во делот „Транспарентност“.

Со оваа иницијатива, Агенцијата испраќа јасна порака дека отвора ново поглавје во начинот на функционирање, градејќи институционална култура која ги препознава вредностите на компетентноста, еднаквите можности и професионалната етика. Ова е повик до сите квалификувани граѓани да се пријават и да станат дел од тимот што ја штити безбедноста на нашето општество. Дополнително, оваа отвореност кон јавноста претставува значаен чекор кон зајакнување на довербата меѓу институциите и граѓаните. Со воспоставување на транспарентни практики во процесот на вработување, Агенцијата за национална безбедност се позиционира како современа, професионална и одговорна институција, подготвена да се соочи со безбедносните предизвици на денешницата со капацитети и кадар кој ги отсликува вредностите и потенцијалот на нашето општество, се наведува во соопштението од АНБ.

Тагови: Агенцијата за национална безбедност инспектори-инжинери

Одржувањето активен начин на живот е важно за здравјето, но клучно е вежбањето да се прилагоди според возраста, телесната градба и личните цели. Претерано интензивните тренинзи можат да создадат непотребен притисок врз телото. Затоа, најдобро е да се комбинираат различни активности – како кардио, јога, пливање или возење велосипед – за да се постигне рамнотежа и да се избегне преголем стрес врз мускулите.

Повторувањето на истата фитнес-рутина секој ден може да доведе до досада и нерамнотежа во развојот на мускулите. За да останете мотивирани, експертите препорачуваат да ја менувате вашата програма на неколку недели, како и да пробувате нови активности. Покрај физичката активност, правилната исхрана е исто така неопходна – без неа, напорната работа може да нема ефект, а постои и ризик од долгорочни здравствени проблеми.

Истегнувањето после тренингот е клучно за подобрување на флексибилноста, намалување на болките и спречување повреди. Треба да се одвојат неколку минути за да се истегнат главните мускулни групи, но и да се внимава да не се истегнуваат погрешни мускули. Мекнати дополнително советува дека загревањето пред тренинг е исто толку важно, бидејќи го подготвува телото за напор и ја зголемува безбедноста.

Тагови: вежбање здрава храна

Германски експеримент во кој 122 лица добиваа по 1.200 евра месечно во период од три години покажува дека финансиската сигурност не ја намалува работната етика. Напротив, учесниците пријавиле стабилна просечна работна недела од 32 до 40 часа, слично со оние што не добивале пари, но пријавиле значително подобрување на нивната ментална и физичка благосостојба.

Експериментот, организиран од берлинската фондација Mein Grundeinkommen и научници од универзитетите во Келн, Виена и Оксфорд, имал цел да ги анализира ефектите од безусловен основен приход. Резултатите покажуваат дека примателите на парите биле позадоволни од животот, се чувствувале поенергично и поретко страдале од симптоми на депресија. Во споредба со контролна група, тие биле помалку склони кон финансиска анксиозност и имале подобар сон.

И покрај стравувањата дека основниот приход ќе ги направи луѓето мрзливи, студијата не најде докази за тоа. Напротив, за многумина, овие средства биле можност да се насочат кон нови кариери, едукација или едноставно подобро секојдневие. Истражувачите велат дека овие резултати можат да отворат поширока дебата за социјалната сигурност во Европа и пошироко.

Тагови: Европска Унија ментално здравје минимална плата

Администрацијата на американскиот претседател Доналд Трамп ги ослободи паметните телефони, компјутерите и другите електронски уреди од новиот пакет тарифи, вклучително и давачките од 145 отсто за кинескиот увоз.

Во известувањето објавено денеска од Царината и граничната заштита на САД се наведува дека ослободувањето ќе важи и за стоките што влегле во земјата или излегле од складиште по 5 април.

Администрацијата на Трамп вели дека електрониката нема да се оданочува ниту според глобалната тарифна стапка од 10 отсто, ниту според повисоката стапка што се однесува исклучиво на кинеските производи.

Одлуката е донесена по бројните предупредувања од американските технолошки компании дека новите царински правила би можеле драстично да ги зголемат цените на уредите, со оглед на тоа што повеќето од нив се произведени во Кина.

Бројни други електронски делови, вклучително и полупроводници, мемориски картички и соларни ќелии, исто така се изземени, во обид на администрацијата на Трамп да се заштити од негативното влијание врз домашната индустрија.

80 отсто од iPhone телефоните наменети за американскиот пазар се произведуваат во Кина, а останатите 20 отсто во Индија. Поради зголемената царинска несигурност, Apple и другите производители, како што е Samsung, со години се обидуваат да ги диверзифицираат производствените синџири со преместување на дел од нивниот капацитет во Индија и Виетнам.

Тагови: Apple Доналд Трамп Кина царина