Ако сте заинтересирани за да ја претворите вашата пракса во работа, постојат неколку техники кои може да ги искористите за да ги зголемите вашите шанси за постојано вработување. 

Многу од работодавачите нудат практикантска работа како начин да регрутираат нови вработени. Практикантската работа е начин за да се добие искуство и научи за специфичната кариера или за интересите, исто така е и начин за компанијата да ги тестира индивидуите и да одлучи како се вклопуваат во целосната слика на организацијата. Зголемете ги вашите шанси за вработување со употреба на некои од следниве совети:

• Оставете добар впечаток - како практикант имате одговорност да му покажете на вашиот супервизор и на останатите вработени во компанијата дека вие го имате тоа што е потребно, како лично така и на професионално ниво, за да се вклопите во културата на компанијата. Користење на времето за да научите за мисијата на комапнијата и што вреднува кај своите вработени, може да ве обезбеди со корисни информации на тоа како тие го идентификуваат и дефинираат успехот. 
• Развиете професионални цели - Идентификување на вашите професионални цели и пронаоѓање на практикантска работа која ги исполнува вашите очекувања ќе биде многу покорисно за развојот на вашите вештини и идна кариера отколку прифаќање на било кое практикантство што е достапно. 
• Развијте однос со вашиот супервизор - Информирајте го/ја постојано вашиот супервизор за вашата работа и за постигнатите цели. Кога вашите одговорности како практикант ќе ви бидат доделени, работете напорно за да ја покажете вашата лична иницијатива и способноста за работа како во тим, така и на индивидуално ниво. Развојот на професионалните врски како практикант ќе ви овозможи добар старт за развојот на професионалната мрежа.

• Развијте одлична работна етика - Иницијативата за завршување на поставените задачи додека задржувате позитивен став, му доловува слика на работодавачот дека вие ќе постанете вреден член на тимот доколку бидете вработени.
• Следете ги правилата на компанијата - Станувањето дел од културата на компанијата вклучува и учење за кодот на облекување на компанијата. Исто така, тука се вклучени и паузите и времето за ручек, како и воопшто распределеното време. Бидете трпеливи со учењето на сите овие правила пред да претпоставите нешто на своја рака и да направите грешка. Проверете ја и политиката на компанијата за комуникација преку телефон, мејл и Интернет и избегнете било каква засрамувачка или непријатна ситуација. 
• Барајте фидбек - Комуникација со работодавачите за вашиот перформанс ќе ви даде слика за вашата работа, можност за напредувате и шанса за да ги направете потребните промени за време на вашата практикантска работа. Проблемите може да бидат избегнати со комуникација и со заклучување дека сите се на иста страна. 
• Изразете го интересот за работење во таа компанија - Со искажување интерес за компанијата, вие ќе им дадете до знаење на работодавачите дека оваа е организацијата во која би сакале да работите. Дури и ако моментално нема отворена работна позиција, со искажување на интересот за работа, ви се зголемуваат шансите да бидете контактирани кога ќе се отвори работно место. Праксата исто така, може да ви послужи за градење на професионалната мрежа. Доколку имате ментор, целосното практикантско искуство ќе биде помалку стресно. Имате од кого да учите, да се обратите ако нешто не ви е јасно и ако сакате да прашате за вашиот перформанс и што би можеле да подобрите. 
• Искажете ја вашата благодарност - По завршувањето на вашата пракса, кратка „Ви благодарам“ забелешка/мејл ќе биде ценета и ќе остави уште подобар впечаток кај вашиот работодавец. 

Времето е нешто, што за жал не можеме да го ограничиме а уште полку да го стопираме.

Се чини како никогаш да немам доволно време во денот. Сепак, обврските не престануваат и мораме да завршиме се што имаме а меѓу тоа и да имаме време и за нашите пријатели и најблиски.

KARIERA.mk издвојува начини како да се организирате временски подобро:

Ограничете го времето

Колку повеќе ќе го ограничите времето, толку попродуктивни и пофокусирани ќе се чувствувате и помалку време ќе губите на неприоритетни работи.

Ако можете да си дозволите да потрошите само 1 час за купување намирници за дома, тогаш потрошете само 1 час и продолжете понатаму со обрските.

Користете планер

Ако навистина имате многу обврски кои треба да ги завршите, користете планер, виртуелен или некој друг тип, кој ќе ви овозможи да ги распоредите обврските на вашиот календар. Купете некој декоративен планер и носете го во вашата чанта или пак едноставно направете си планер во својот телефон.

Понекогаш е многу подобро да потрошите повеќе време на планирање, а да заштедите време на извршување на обврските отколку да се фокусирате да ги завршите сите обврски одеднаш.

Намалете ги непотребните состаноци

Откако еднаш ќе ги избришете непотребните состаноци кои не се продуктивни и не ве водат кон развој на нови идеи и бизниси, значително ќе се подобри ефикасноста на извршување на обврските.

Исто така заборавете на честите кафиња со луѓето кои ви носат негативна енергија - верувајте ќе се чувствувате многу подобро.

Помогнете им на другите, но не мора веднаш доколку не е толку итно

Доколку некој ве праша за помош околу некој проект, а веќе на вашиот планер имате обврски кои мора да ги завршите што побрзо, едноставно кажете: „Секако дека ќе ти помогнам. Тоа може да го направам до ... (одредете точно време и датум до кога може да го завршите тоа)“.

По многу многу години светот има нов најбогат човек на сите времиња!

Основачот на Амазон, Џеф Безос стана најбогатиот човек на светот, надминувајќи го Бил Гејтс, благодарение на скокот на цената на акциите на интернет гигантот на берзите, пренесува американскиот магазин Форбс.

Богатството на генералниот директор на Амазон, основан во 1994. година во Сиетл, е проценето на 90,5 милијарди долари, додека компанијата на Бил Гејтс вреди 90 милијарди долари. 

Поголем дел од богатството на Безос е неговото учество во капиталот на Амазон. Безос е сопственик на акции во својата компанија во вредност од 80,89 милиони долари, што е околу 17 отсто од капиталот на Амазон.

Здружението на текстилна индустрија и конфекција при Стопанската комора на Македонија предлага во текстилната и кожарската индустрија придонесите што се плаќаат за плати од 12.000 до 18.000 денари да бидат исти, односно 5.130 денари колку што сега изнесува придонесот за минималната бруто плата.

Со ваквото решение, сметаат од Здружението, ќе се овозможи зголемување и на платите на работниците кои земаат над 12.000 денари и би се искоренила исплатата на платата во кеш.

Со едно вакво решение би добиле можност за зголемување на платите и на подобрите работници и скоро би се искоренила исплатата на платата во кеш затоа што придонесот ќе се замрзне на 5.130 денари колку што изнесуваат придонесите на минималната бруто плата, истакна Ангел Димитров, претседател на Здружението на текстилна индустрија и конфекција.

На денешната прес-конференција во Стопанската комора на Македонија, Димитров рече дека предлагаат ова да важи три години. Додаде дека сеуште немаат разговарано со Владата, но оти очекуваат во следниот период да се одржат состаноци на кои ќе се направат анализи дали овој нивни предлог може да се примени во пракса.

Од поднесените барања за финансиска помош од државата за исплата на зголемена минимална плата за околу осум илјади работици, како што посочи Димитров, позитивно мислење е добиено само за шест илјади работници.

Една од причините за малиот број на работодавачи кои побарале финансиска помош од државата, според Димитров, е сложеноста на софтверот во Управата за јавни приходи поради што најави дека ќе бараат средба со надлежните во следниот период со цел да се надмине овој проблем.

Очекувањата на Здружението на текстилна индустрија и конфекција за следниот период се поволни, односно како што велат, побарувачката сеуште е значајна и македонските текстилни компании сеуште се интересни за странските партнери пред се поради близината до европскиот пазар и производството на мали серии со висок квалитет и солидна цена.