Токму во моментов размислувате какви треба да бидат вашите нови визит картички? Еднострани, двострани, пластифицирани... сите овие придавки се помалку важни од овие три карактеристики:

Нема потреба од многу информации

На вашата визит картичка е доволно да ставите име, презиме, вашата функција, име на компанијата, адреса, телефонски број и email. Се друго е повеќе од потребно.

Одберете читлив фонт

Се повеќе модерни визит картички се со извртени фонтови кои се неразбирливи. Сепак, не заборавајте дека стилот може да се запази и со убав класичен фонт кој ќе ја пренесе вашата контакт информација и нема да изгледа нападно.

Одберете светла боја за позадината

Визит картичките во боја се впечатливи и остануваат во меморијата на секој човек, на пример тимот од KARIERA.mk има жолти и виолетови визит картички :)  Меѓутоа, според психолозите темните бои даваат чувство на недофатливост и гламур и со тоа компаниите се дистанцираат од своите потенцијални соработници или клиенти.

Невербалната комуникација е единствената најмоќна форма на комуникација. Повеќе од гласот, дури и зборовите, невербалната комуникација ве води кон тоа што се врти во главата на другиот. Најдобрите комуникатори се чувствителни на моќта на емоциите и мислите изразени невербално. 

Невербалната комуникација се движи од изрази на лицето до говорот на телото. 

Гестови, знаци и користењето на просторот се исто така важни во невербалната комуникација. Мултикултурните разлики во говорот на телото, изразите на лицето, искористувањето на просторот и особено гестовите се огромни и особено многу се погрешно интерпретенирани. 

Многу студии покажуваат дека 93% од ефективната комуникација е дефинирана од невербалните знаци. Влијанието на една извршена задача е дефинирана од 7% од кажаните зборови, 38% од квалитетот на гласот и 55% од невербалната комуникација. 

Ако сакатe да ги маскирате вашите чувства или вашата моментна реакција на една информација, обрнете внимание на вашето невербално однесување. Вие може да ги имате под контрола вашиот глас или зборови, но говорот на вашето тело, дури и најситните изрази на лицето или движења, може да го издадат вашето вистински мислење за ситуацијата. Особено на вешт читач на невербални знаци, повеќето од нас сме отворени книги. 

Совети за полесно разбирање на невербалната комуникација

•  Препознајте дека луѓето комуницираат на многу нивоа. Гледајте ги изразите на нивните лица, контакот со очи, држењето, движењето на рацете и нозете, движењето на телото и поставеноста, како и изгледот и чекорот додека доаѓаат кон вас. Секој гест зборува нешто ако слушате со вашите очи. Нека ви стане навика гледањето на невербалната комуникација и вашата способност да ја разберите и читате ќе расте со практикувањето. 

  

• Ако зборовите на еден човек велат едно, а нивната невербална комуникација кажува друго, вие сте обврзани да ја слушате невербалната комуникација и тоа вообичаено, е вистинската одлука. 
• Пристапете им на кандидатите за работа врз основа на нивната невербална комуникација. Може да го забележите нивното седење во ходникот додека чекаат да ги повикате. Невербалната комуникација за време на интервјуто може значајно да ви ги покаже вештините на кандидатот, силите, слабите страни и грижите на кои треба да обрнете внимание. 
• Искористете ја невербалната комуникација за време на некое истражување или друга ситуација каде ви се потребни факти и веродостојни изјави. Повторно, она што не се кажува туку она што се покажува може да ви каже многу повеќе отколку зборовите на поединците. 

  

• Кога држете состанок или зборувате пред група, препознајте ги невербалните знаци кои ви кажуваат: 
  • кога сте зборувале доволно долго
  • кога некој друг сака да зборува 
  • расположението на групата и нивните реакции на вашите зборови 

Разбирањето на невербалната комуникација се подобрува со време и пракса. Првиот чекор е во препознавањето на моќта што ја поседува овој вид на комуникација. 

Милијардерката Денис Коутс, која сега е генерален директор на онлајн обложувалницата BET365, е најплатената директорка досега со вкупно заработиени 217 милиони фунти што е збир на основната плата како и на корпоративните бонуси поради одличното работење на компанијата и редовните растови на приходите и профитот.

Во ера на криза во останатите делови од економијата расте интересот за игри на среќа што добро го користи Коутс како и 217 BET365 која дневно собира бонуси во вредност од речиси 800 илјади фунти. 

Онлајн букмејкерот оствари профит од 525 милиони фунти и рекордни 47 милијарди долари (61,53 милијарди долари) во форма на облози за последната финансиска година.

Невработен Романец кој седнал да пие во локалната кафана се разбудил 2.695 километри од неговиот дом, откако претходно се расправал со пријателите дека може да најде работа.

Михаи Данчиу вели дека последното нешто на што се сеќава е дека влегол во кафана во Албести, Романија и им кажувал на пријателите дека доколку сака може да најде работа. Тогаш се разбудил во дворот на една зграда во центарот на Лондон, целиот во модринки и тој вели дека бил шокиран кога забележал дека сите околу него зборуваат Англиски.

Тој бил однесен во болница, а таму медицинска сестра од Романија му потврдила дека се наоѓа во Лондон. Тогаш медицинската сестра, Адина Костаче ја објавила приказната на Фејсбук за да можат да ја видат сите Романци во Англија и да открие како човекот успеал да стигне до Лондон.

Адина напишала на Фејсбук: „Беше пронајден пијан и изгледа бил претепан, тој беше пронајден во двор. Потоа го донесоа во болница и тој ми кажа дека не познава никого во Лондон и дека се зачудил кога забележал дека не е повеќе во Романија. Тој не знае како стигнал до Лондон. Ако некој го познава нека ми пише приватна порака и ќе му ја пренесам. Тој е примен на одделението каде што работам јас.“

Локалните медиуми во Романија потврдиле дека последен пат Михаи бил виден со пријателите во кафана, а приказната исто така била потврдена и од властите. Соседите изјавиле за локална телевизија дека Михаи живеел со неговата партнерка и нивните деца во домот на неговата баба и дека тој често велел дека ќе си најде работа. Но пред една недела исчезнал.

Еден сосед изјавил: „Тој е навистина добар дечко, но во последно време не е при себе затоа што пие премногу. Пиењето му предизвикуваше дупки во меморијата и порано, затоа не е чудно што завршил вака.“

Се претпоставува дека тој до Лондон стигнал со автобус, затоа што не би го пуштиле пијан во авион. Локалните медиуми објавиле дека властите ќе му помогнат на човекот да се врати во Романија.