Регулаторната комисија за енергетика (РКЕ) донесе одлука за зголемување на максималните малопродажни цени на нафтените деривати во просек за 4,55% во однос на претходната одлука донесена минатата недела, односно на 20 јули.

Новите цени ќе важат од ноќеска на полноќ.

Согласно одлуката, цената на бензинот ЕУРОСУПЕР БС-95 ќе изнесува 93 денари за литар, а ЕУРОСУПЕР БС-98 95 денари за литар, што претставува поскапување од 3 денари по литар.

Цената на ЕУРОДИЗЕЛ БС (Д-Е V) се зголемува за 4,5 денари и ќе изнесува 98,5 денари за литар, додека екстра лесното масло за домаќинство (ЕЛ-1) поскапува за 5 денари, на 98 денари за литар.

Поскапува и мазутот М-1 НС, чија нова максимална цена ќе изнесува 48,099 денари за килограм, односно за 2,726 денари повеќе од досегашната.

Од РКЕ информираат дека зголемувањето на цените е резултат на растот на референтните цени на светските пазари, каде што бензините поскапеле за 6,229 проценти, дизелот за 7,442 проценти, екстра лесното масло за 8,051 процент, а мазутот за 8,159 проценти. Комисијата потсетува дека станува збор за максимални малопродажни цени, а трговците можат да ги продаваат нафтените деривати и по пониски цени од утврдените.

Тагови: дизел нафтените деривати Регулаторната комисија за енергетика-(РКЕ)

Министерството за внатрешни работи од следниот месец ќе започне со примена на брзи тестови за откривање наркотични средства кај возачите за време на сообраќајните контроли. Новата мерка ќе им овозможи на полициските службеници веднаш на терен да проверат дали постои сомнеж дека некој управува возило под дејство на дрога, а резултатите ќе бидат достапни за само три до десет минути со брис од плунка.

МВР веќе набавило почетна количина од 10.000 тестови, кои се очекува да пристигнат на почетокот на август. Цената на еден тест изнесува 218 денари, а набавката е дел од двегодишна рамковна спогодба со максимална вредност до 80.000 евра. Според достапните податоци, тестовите имаат точност од 99 проценти и можат да се користат и без посебно медицинско знаење.

Со еден примерок од плунка ќе може да се открие присуство на седум видови психоактивни супстанции, меѓу кои кокаин, амфетамин, метамфетамин, опијати, екстази, седативи и ТХЦ. Со ова, полицијата ќе може побрзо да утврди дали возачите се под дејство на дрога уште на самото место на контролата, без долго чекање за првични резултати.

Тагови: Македонија Министерството за внатрешни работи-(МВР) тестови за дрога

УНИБанка опстојува 30 години на македонскиот банкарски пазар, која нуди широк спектар на продукти услуги насочени кон правниот и физичкиот сегмент.

Моментално вработува:

Советник за банкарски услуги во експозитура - Скопје
Директор на Дирекција мрежа на експозитури 
Раководител на експозитура - Скопје
Овластен проценител во Сектор за проценки
Дилер за девизни и денарски средства и ликвидност

Се уште невработени?! Погледнете ги останатите огласи ТУКА.

Тагови: УНИ БАНКА АД

Во современото работно опкружување, брзото темпо, кратките рокови и високите очекувања станаа секојдневие. Иако продуктивноста е важна, континуираниот притисок може да доведе до burnout состојба на физичка, емоционална и ментална исцрпеност која влијае не само на вработените, туку и на целокупното работење на компанијата.

Затоа, превенцијата од burnout не е само грижа за благосостојбата на вработените, туку и стратешка инвестиција во долгорочниот успех на организацијата.

1. Поголема продуктивност и подобри резултати

Вработените кои се одморени, мотивирани и поддржани работат поефикасно, носат поквалитетни одлуки и прават помалку грешки. Наспроти тоа, прегорувањето често доведува до намалена концентрација, пад на продуктивноста и послаби деловни резултати.

2. Помал одлив на вработени

Кога луѓето се чувствуваат постојано преоптоварени и недоволно ценети, многу поверојатно е да почнат да бараат нова работа. Компаниите што активно се грижат за благосостојбата на своите вработени полесно ги задржуваат талентите и ги намалуваат трошоците за нови вработувања.

3. Подобра работна атмосфера

Стресот лесно се пренесува во тимот. Прегорувањето може да предизвика конфликти, недоразбирања и пад на мотивацијата. Компаниите што поттикнуваат отворена комуникација, меѓусебна поддршка и баланс помеѓу работата и приватниот живот создаваат поздрава и попозитивна организациска култура.

4. Помал број отсуства и боледувања

Хроничниот стрес може да влијае врз физичкото и менталното здравје, што често резултира со почести боледувања и подолги отсуства од работа. Превентивните мерки можат да придонесат за подобра благосостојба и поголема присутност на вработените.

5. Посилен бренд на работодавач

Компаниите што се грижат за своите вработени градат позитивна репутација на пазарот на трудот. Денешните кандидати не ја оценуваат компанијата само според висината на платата, туку и според работната култура, можностите за развој и грижата за благосостојбата на тимот.

Како компаниите можат да го намалат ризикот од burnout?

• Поттикнувајте реален баланс помеѓу работата и приватниот живот.
• Следете го обемот на работа и распределувајте ги задачите рамномерно.
• Охрабрувајте користење на годишниот одмор и редовни паузи.
• Обезбедете можности за професионален развој и отворена комуникација.
• Препознавајте и наградувајте ги резултатите на вработените.
• Обучете ги менаџерите навреме да ги препознаат знаците на прегорување кај членовите на тимот.

Burnout не се појавува одеднаш тој се развива постепено. Компаниите што навреме инвестираат во здраво работно опкружување, поддршка и благосостојба на своите вработени не само што создаваат позадоволни тимови, туку и остваруваат подобри деловни резултати. Грижата за луѓето не е трошок, туку една од највредните инвестиции што една организација може да ја направи.

Прочитај и за: HR трендови: Зошто луѓето ја напуштаат работата иако имаат добра плата?

Тагови: burnout HR трендови