Скандинавските држави имаат најполн владин сектор во светот, покажуваат податоците на Организацијата за економска соработка и развој.

Тие вели дека бројот на вработени во владиниот сектор се определува од многу фактори, како што се видот на извршените од него активности и начинот на кој тој ги обезбедува јавните услуги. Тоа значи дека некои земји се многу позависни од вработените во јавниот сектор, отколку други.

Скандинавските држави на пример, се многу зависни од работата на владата, додека во Азија уделот на вработените во владиниот сектор е мал.

Во 2015 година 30% од вкупната работна сила на Норвешка е зафатена во јавниот сектор. Данска е на второ место со 29,1%, следена од Шведска и Финска со соодветно 28,6 и 24,9%.

Од другата страна на Атлантикот државниот сектор претставува 15,3% од работната сила во САД и 18,2% од вкупниот број работници во Канада.

Истовремено во Јужна Кореја во јавниот сектор се вработени 7,6% од работната сила, а во Јапонија – само 5,9%.

Паднавте на испитот, ви пропадна инвестицијата или го заборавивте текстот за вашиот јавен говор? Најлошо од се, почнавте да се сомневате во себеси и почнувате да се гледате себеси како неуспех, што е сосема погрешно.

Еднаш па дури и повеќе пати да не успеете во својата цел, не ве прави неуспешни. Но верувањето дека сте неуспех, може да направи да дејствувате како такви и може да ве насочи на многу надолна линија. 

Неуспехот доаѓа во три облици. Прво, покрај нашиот најголем труд, не постои ништо што може да направите за да ги спречите несреќите, бидејќи тие се надвор од наша контрола. Второ, сите луѓе прават грешки, како што се погрешни избори или погрешни проценки, никој не е совршен. Третиот тип на неуспех, грешките, се предвидливи. Тие се настаните од негрижа, несовесност или погрешна проценка. Во најголем дел, луѓето ќе простат доколку сте искрени во врска со вашата грешка или била моментална грешка. 

Како да реагирате на неуспехот? 

• Бидете реални - Ако барате совршенство од вас, целите кон разочарување. 
• Не го земајте лично неуспехот - Правењето грешки не ве прави неуспешни, едноставно е потсетник дека сте само човек.
• Прифатете ја одговорноста - Ништо позитивно не е создадено од преголема гордост, бидете храбри и прифатете ја одговорноста за вашите грешки.
• Не бидете строги кон себеси - Не се казнувајте себеси за неуспехот. Односот кон другите луѓе не ви е таков кога тие грешат, затоа дајте си и себеси некоја заслуга. 
• Вратете се на работа - Не тонете во себе-сожалување. Ако се насочите само кон неуспехот, тоа нема да го подобри. Не можете да го сменете минатото, но може да влијаете на иднината. 
• Учете од вашите грешки - Одвојте време да направете евалуација на вашето искуство, учете од вашите грешки и адаптирајте се соодветно. 
• Не се откажувајте - Разликата помеѓу луѓето кои успеале и оние кои не е што првите никогаш не се откажале. Постои многу соодветна изрека за ова и гласи: „Годините го остаруваат телото. Откажувањето ја остарува душата.“

Неуспехот треба да биде гледан како предизвик, не како пречка. Успешните луѓе не се обесхрабруваат од неуспехот. Тие се свесни дека секоја цел која вреди носи некој елемент на разочарување во себе. Неуспехот е предизвик кој треба да се премине, тест за да ја дефинира вашата желба и на крајот, можност за учење. За сите останати, неуспехот е гледан негативно како шанса да се сожалуваат и жалат, причина да се омаловажуваат и изговор да се откажат прерано. 

Џеф Безос, најбогатиот човек на светот, моментално има вредност од над 100 милијарди долари по многу успешниот Black Friday кој го имале во Amazon. Американците ги искористиле максимално попустите, трошејќи околу 1.5 милијарди долари онлајн вечерта на Денот на Благодарноста. 

Безос е првата позната личност во модерната ера со познато богатство од над 100 милијарди долари. Создавачот на Аmazon поседува 78.9 милиони акции од технолошкиот и продажниот гигант. 

Како додаток на Amazon, Безос поседува и околу 3 милијарди долари акции во компанијата Blue Origin како и сопственоста на Washington Post, за која платил 250 милиони долари. 

Под поимот работно време  се подразбира  времето во кое работникот работи и ги извршува своите работи и работни задачи согласно со закон, колективен договор и договорот за вработување.

Полното работно време не смее да биде подолго од 40 часа неделно ако договорот за вработување гласи на полно работно време. Со закон, односно со колективен договор може да се одреди како полно работно време, работното време кое е пократко од 40 часа неделно, меѓутоа не помалку од 36 часа неделно.

Прекувремената работа може да трае најмногу осум часа во текот на една недела и најмногу 190 часа годишно, освен за работите кои поради специфичниот процес на работа не можат да се прекинат или за кои нема услови и можности да се организира работата во смени. Прекувремената работа во период од три месеци не може во просек да надминува повеќе од осум часа неделно.

Работодавачот е должен да води посебна евиденција за прекувремената работа и часовите за прекувремената работа посебно да ги наведе во месечната пресметка на платата на работникот и за секое воведување на прекувремена работа претходно писмено да го извести подрачниот државен инспектор на трудот.

За вршењето на прекувремената работа на работникот му следува надоместок како додаток на основната плата утврдена во договорот за вработување.

Основната плата на работникот се зголемува по час најмалку за:

• Прекувремена работа ………………………………………………… 35%
• Работа ноќе………………………………………………………………… 35%
• Работа во три смени ……………………………………………………. 5%
• Работа во ден на неделен одмор.. ………………………………. 50%