Како што минувате низ процесот од започнување свој бизнис и подготовка на себеси за да се адаптирате на новата (често заканувачка) средина за која сте се пријавиле, важно е да се биде свесен за менталното патување низ кое ќе минувате, како додаток на оживувањето на вашата компанија. 

Донесувањето на одлуката за започнување на свој бизнис и креирањето на животниот стил кој сакате да го живеете, вреди за секој вид на напорна работа, како ментална така и физичка. Во целото патување на постанување успешен претприемач, постојат четири најтешки ментални фази:

• Прва фаза - Жртвата 

Ова е една од најтешките фази на почеток на бизнисот. Најпрво, се што правите и постигнувате ќе звучи како најголема жртва. Кога сите ваши пријатели се социјализираат преку викенд, вие сте дома, работите на вашата апликација, хонорарно работите или работите на последната фаза од вашиот прототип. 

Многу често ќе се најдете во ситуација да се запрашате себеси, да се двоумите за работата која ја работите, да побарате надворешно оправдување за да го оправдате целото потрошено време и напорна работа што ја вложувате во вашиот бизнис. Меѓутоа, реалноста е дека вашето време е ограничено надвор од часовите за кои веќе сте обврзани да работите. Ако сакате да бидете успешни со вашиот бизнис, нема друг избор освен да го искористите максимално времето што го имате. 

• Втора фаза - Среќата

Сега кога сте комфорни со предизвиците кои ги носи започнувањето на еден бизнис, учењето нови вештини и споделувањето на вашите идеи со светот, почнувате да влегувате во лавиринтот. Ќе влезете во рутина која ви помага да ја максимизирате продуктивноста, за да можете што е можно повеќе време да трошите на вашиот нов бизнис. 

До оваа фаза, веќе се елиминирани чувствата на сомневање во себеси и може да се фокусирате на растење на вашата бизнис идеја во вредно решение за вашите потрошувачи.

• Фаза три - Животот

Вашиот нов бизнис веќе почнува да биде профитабилен. Знаете кои се вашите клиенти и како да ги добиете. Поседувате самодоверба за способноста да им служите на тие клиенти подобро од вашата конкуренција. 

Ако се обидувате да започнете бизнис додека се уште ја имате вашата секојдневна работа, ова е фазата каде конечно ќе ги воочите минималните приходи од откажување на вашата работа и целосно фокусирање на вашиот бизнис. 

• Фаза четири - Слободата

По целата напорна работа, имате многу на што да бидете горди. Патувањето може да станува се потешко, меѓутоа еднаш кога ќе го постигнете присуството на пазарот кон целите, сите операции ќе ги извршувате многу побрзо. 

Ќе бидете во можност да ги препуштите работите одвреме навреме на вработените на кои им верувате додека вие уживате во бенефитите кои ги нуди овој живот и водењето на вашиот бизнис. 

Постојат огромен број истражувања кои нудат информации за како подобро да ја добиете работата за која аплицирате. Но е сосема правилно да се дискутира и истражува кој е правилниот начин за да дадете отказ, бидејќи постои правилен начин и за тоа. 

Дури и ако компанијата е непрофесионална и претпоставените не ви се допаѓаат, важно е да дадете отказ на вистинскиот начин. Тоа не значи дека не можете да бидете искрени и автентични. Запомнете, вие давате отказ. Вие сте иницијаторот на таа акција. Затоа размислете како сакате тоа да се случи. Во продолжение, KARIERA.mk ви нуди неколку нешта за кои вреди да се размисли:

• Размислете за вистинската причина - Постојат повеќе причини зошто ја напуштате работата. Можеби е до платата, бенефитите, компанијата, вашиот менаџер, патот и листата продолжува. Компанијата ќе ве праша зошто, затоа размислете за една, две причини за кои би сакале да разговарате. Бидете селективни и стратегиски во вашиот одговор. 
• Напишете писмо за вашето заминување - Во даден момент, компанијата ќе сака формална документација за тоа дека планирате да заминете. Постои опцијата да се даде вербално известување на кое следи писмо. Писмата за заминвуање од фирмата не мора да се долги и не мора да содржат специфични детаи. Но, тие се очекувани. 

  

• Бидете подготвени да заминете - Некои организации ќе ги прашаат вработените во високо конкурентските сектори да си одат на денот на известувањето. Тоа не е ништо лично, тоа го прават сите. Шансите се големи дека веќе сте сведолече на ова во вашето работно место. Ако сте во ваква улога, бидете подготвени.
• Помогнете на вашата замена - Ако вашиот претпоставен веќе вработи ваша замена (или делегира други луѓе за да ги завршат вашите обврски), бидете од помош и посочете им ги потешкотиите на патот. Тие нема да бидат како Вас, но Вие си заминувате. Вие сте направиле добра работа и треба да посакувате успех и за нив. 

  

• Вратете ги сите сопствености на компанијата - Ова звучи многу очигледно, но постојат многу луѓе кои оваа можност ќе ја искористат за да и „вратат“ на компанијата. Ако поседувате компјутер, телефон, било каква опрема вратете го во добра состојба. 

Кога давате отказ, може да биде доста стресно и возбудувачко време. Се обидувате да завршите со една работа и да почнете со друга. Заминувањето на вистинскиот начин ви дозволува да се фокусирате на вашата нова шанса. Исто така, праќате порака на вашите соработници дека им посакувате се најдобро. 

Кога одбирате кариера имате многу одлуки за донесување. Сакате да одберете работа во која ќе можете да бидете успешни за годините кои доаѓаат. Додека можете да одберете кариера, додека го правите тоа може да трошите многу труд. Полесно е ако не морате да го правите тоа многу често. Тоа значи дека треба да одберите работа која не само што одговара за Вас, туку и да ве поддржува финансиски. Зголемете си ги шансите на донесување добра одлука со одбегнување на овие многу чести грешки.

• Слушање што ви кажуваат луѓето што да правите или не 

Многу луѓе ќе мислат дека можат да си дозволат да споделуваат мислење за вашата кариера, пријатели или партнерот, што е погрешно. Во повеќете случаи, вашата одлука ќе има минимален ефект врз животот на другите луѓе. Вие сепак, ќе треба да се соочувате со изборите кои ги правите и одлуките кои ги донесувате. Осигурете се дека кариерата која ја одбирате е нешто на кое ќе сакате да го потрошите денот. 

• Следење на постапките на некој друг

Може да чувствувате притисок дека мора да бидете дел од бизнисот во кој се вашите родители или дејностите во кои тие работат. Запомнете, изборите на вашите родители се нивни, вие имате право на нов избор. Она што е правилно за нив, не значи дека е и за нив. На долг рок, постојат добри шанси дека ќе бидете посреќни во нешто што е сосема неповрзано со нивните кариери.

• Некомуницирање со оние кои имаат познавања

Ако ја пропуштите шансата да разговарате со некого кој моментално работи во секторот за кој сте заинтересирани, може да ве чини многу. Овие луѓе може да ви ја прикажат вистинската слика за работењето во тој сектор и доколку е возможно, зборувајте со повеќе луѓе за да не добиете субјективни мислења.

• Парите, единствена цел

Заработувањето е клучен дел од работењето, но големината на заработката не е најдобар показател за задоволството од работата. Со други зборови, може да заработувате милиони, но ако ја мразите работата, тешко е да уживате во плодот. Барајте баланс помеѓу заработувањето за да се издржувате и работа која ве исполнува. 

• Игнорирање на себеси

Вашиот карактер, интересите, вредностите и принципите ве прават подобри кандидати за одредени работни позиции отколку за други. Овие карактерни особини се дел од вас и нивното менување може да ви одземе многу време. Ако не ги земете во предвид кога одбирате кариера, постои огромна шанса да завршите со работно место кое не ви одговара. 

Дали основачот и извршен директор на Tesla and SpaceX би можел да биде и креаторот на најголемата криптовалута?

Една од најголемите мистерии околу биткоин – криптовалутата која само што надмина вредност од 10 000 долари – е тоа кој всушност ја создаде оваа криптовалува. Сатоши Накамото е наведен како автор на оригиналниот труд кој го опиша биткоин, но не постои вистинска личност или група на луѓе кој се има јавно изјаснето дека е Накамото.

Пред неколку дена, Сахил Гупта, кој стажирал како софтверски инженер во SpaceX, напиша статија во Medium аргументирајќи дека Сатоши Накамото е никој друг, туку Илон Маск, пишува Entrepreneuer.

Неговите докази со кои тој ја поддржува својата теза не се конретни, но прават некаква логика. Имено, оригиналниот труд со кој беше опишан биткоин во 2008 година е напишан од некој со длабоко разбирање во економија и криптографија, познавања кои Маск ги поседува според Гупта. Маск исто така одлично го владее програмскиот јазик С++, јазикот во кој беше напишан и биткоин, додал Гупта.

Искуството на страна, Илон е самоук полимат или човек со широко знаење и мудрост. Тој постојано иновира интердисциплинарно преку читање на книги за некоја тема и применувајќи го знаењето кој го стекнал. На овој начин тој изгради ракети, го измисли Hyperloop (кој прво го објави во труд), а можеби го измислил и биткоин, пишува Гупта.

Гупта исто така посочува кон еден твит на Маск од 2014 година.

Еден од најинтересните аргументи на Гупта како што пишува Entrepreneuer е тоа што според него, Сатоши Накамото е псевдоним кој истовреме е анаграм и звучи ‘So a man took a shit’ (Satoshi Nakamoto) што тотално одговарало на природата на Маск.

Ова не се доволно докази, но дефинитивно станува збор за интересна хипотеза.