Ако комбињата истовараат роба на улица ќе бидат казнети со 45 евра а ако се паркирани на тротоар со 150 евра.

Возилата нема да смеат да доставуваат роба по дуќаните на потегот од Рузвелтова до железничката станица, од Илинденска до крстосницата кај ТЦ „Мавровка“ односно од булеварот Теодосиј Гологанов до Јужен булевар.

Град Скопје вчера донесе одлука за забрана на дотур на роба од први декември до 31 март во центарот на градот од 7.30 до 18 часот. Одлуката се носи согласно препораките на Владата за воведување итни мерки за намалување на загадувањето на воздухот.

Од Градот велат дека засега мерката ќе важи само до крајот на март, како од дел од проектите за загадувањето, но во меѓувреме ќе се направат анализи да се воведе забрана за дотур на роба во текот на денот, преку цела година.

Секојдневно слушаме за заштита на животната средина, но дали знаеме што всушност тоа значи и како ние можеме да придонесеме?

Во својот дом, наместо обични светилки, поставете ЛЕД или флуоресцентни. Тие можеби се малку поскапи, но ќе ви траат подолго и заштедуваат енергија. Секогаш исклучувајте ги светилките кога ќе излезете од просторијата. Користете јавен превоз, велосипед или одете пеш секогаш кога времето тоа ви го дозволува. Така ќе придонесете кон намалување на штетните гасови во атмосферата. Свој придонес во зачувување на околината можете да дадете и со активирање на услугата „електронска сметка од ‘Вип’“.

Со оваа услуга сметката веќе нема да ја добивате во хартиена форма, туку на имејл-адресата што ќе ја наведете ќе добиете информација за бројот и износот на вашата фактура. Исто така, добивате и линк до детаљниот преглед на сметката. Електронската сметка може да ја активирате преку веб-страницата на „Вип“ преку мобилната апликација „Мојот Вип“ или со испраќање бесплатна СМС-порака со содржина START на 140410, а ви овозможува увид во сметката во секој момент, како и можност за електронско плаќање.

За потсетување, наградната игра на “Вип“, „Екоактивација“, сè уште е во тек, со која „Вип“ ја поттикнува еколошката свест во јавноста. Следното извлекување е во февруари 2018 година, затоа плаќајте ги вашите сметки електронски и бидете еден од среќните добитници на мобилен телефон, лаптоп, таблет или велосипед.

Владата го разгледа и утврди Предлог-законот за ратификација на Конвенцијата за ноќна работа, со која, меѓу другото е уредено и работењето на жените ноќе, со тоа што Конвенцијата содржи одредби во насока на заштита на мајчинството, соопшти Владата.

Со Конвенцијата се елиминираат сите рестрикции на ноќната работа специфични за жените, освен за оние кои се насочени кон заштита на женската улога за репродукција и нега на новороденчињата.

Со оваа конвенција се подобруваат можностите на жените за вработување, односно се овозможува жената да има избор, дали ќе работи ноќе или не. Истовремено, со ратификацијата на оваа конвенција ќе се зајакне водечкиот принцип на родова еднаквост и на тој начин ќе се отстрани ограничувањето на слободата на избор на работникот на работно време, единствено на основа на пол, соопшти Владата.

Согласно новиот Закон за енергетика, кој е во подготовка, се пропишува обврска за инвеститорот на новите згради да постави мерни уреди, додека за постојните корисници оваа обврска не важи и се остава на нивната желба дали ќе вградат или не.

Поскапување на цената на централното греење нема да има заради употреба на индивидувални мерачи во становите. Граѓаните кои се постојани корисници на централното греење сами ќе одлучуваат дали ќе вложат во поставување на мерачи за топлинска енергија бидејќи ниту сегашното законско решение не го предвидува, а не се предвидени како задолжителна опрема согласно новиот закон кој е во подготовка.

Во новиот Предлог-закон за енергетика има мала измена. Во член 155 ставка 5 и во член 239 се наведува дека само во новите објекти што ќе се градат во иднина, по добивањето на дозволата за градба, инвеститорот мора да ги вгради овие уреди. Тоа значи дека корисниците при купување на новите станови ќе ги добијат мерните уреди заедно со станот. Тоа нема да им биде дополнителен трошок и ќе бидат во нивна сопственост – појаснува претседателот на Управниот одбор на Балкан енерџи”, Димитар Кочовски.

Според него, деталите како ќе бидат опфатени постоечките корисници ќе биде уредено во новите подзаконски акти. Кочевски потсети дека пилот-проектот од пред неколку години покажа дека во зградите каде експериментално беа вградени вакви метри уреди, заштедата на енергија во просек изнесувала од 15 до 20 проценти, што е многу добро.

Ова покажува дека енергетски ефикасно изградените објекти имаат економска исплатливост да вложат во купување на калориметри и распределувачи на топлина бидејќи ќе заштедат и брзо ќе си ја повратат инвестицијата. За разлика од оние згради со лоша изолација на фасадата и не променети прозорци кои, препорачувам, прво тоа да го подобрат, а потоа да купуваат мерни уреди – вели Кочовски.

Тој ги поддржува напорите на Владата да обезбеди средства од дополнителни еко фондови со кои ќе се популаризира вградувањето на мерните уреди за сите корисници на централното греење.

Во иднина енергијата ќе поскапува и треба да се подготвуваме за тие времиња. Затоа вложувањата во eнергетска ефикасност и заштеда на енергија ги поддржувам во целост – рече Кочовски.