Секој од нас имал лош ден на работа - без разлика дали Вие сте причинител на грешката, вашиот претпоставен ви ја пренесува нервозата, требаше да отпуштите некого или изгубивте значаен клиент. Но, дали некогаш сте имале лоша година?

Ако имате кариера од 30 години и се изјаснете дека од тие 30, само една била лоша година, тогаш тоа е добар процент. Тоа значи дека близу 97% биле добри години. Додека овие се добри бројки на хартија, идејата дека една цела година може да биде тешка, напорна, неуспешна е предизвик за соочување - особено ако моментално се наоѓате во неа. И додека влијанието на Вас може да биде очигледно, што се случува со луѓето околу Вас, особено ако вие сте на лидерската позиција? 

Прашањето е дали треба да останете или да си заминете. KARIERA.mk имаше анализа за тоа на кои прашања потребно е да имате одговор пред да прифатите дадена работна понуда, сосема е соодветно да ја направиме и спротивната анализа - Кои се прашањата кои треба да си ги поставите доколку размислувате да го напуштите работното место? 

1. Дали оваа ситуација е проблем на краток рок или трајно неподнослива? 

Понекогаш, наидуваме на потешкотии во животот и истото се случува и во компаниите и на работните места. Дали моменталната ситуација е ситуација преку која вие или вашиот бизнис мора да поминете или не? Исто така, може да се најдете во ситуација каде балансот во вашиот бизнис е поместен и шансите за да се врати на истите патеки се многу мали. 

2. Дали постои конкретна точка на завршување на оваа крајно лоша ситуација? 

Ако воочите дека овие причинители на вашите лоши искуства не се трајни, дали може да ја идентификувате крајната точка? Дали имате мизерен соработник кој се пензионира следната година? Дали вашиот сосема несоодветен систем се заменува наредна година со нов, поквалитетен? Дали поседувате моќ на својата позиција за да ги сменете нештата? Можеби се уште да е многу тешко да се работи со сите тешки околности, но сознанието дека тешката ситуација има крај може да го направи целиот процес поподнослив. Ќе преминете преку тоа, само ви е потребно трпение.

3. Дали вашите основни вредности се промениле, креирајќи неповрзаност со вашата работа? 

Кога нашите работни места и задачи не се во сооднос со нашите вредности, тогаш работните места стануваат неподносливи. Ако вашите вредности, верувања, принципи се сосема различни од оние на компанијата, размислете дали вреди да продолжите да работите. Вашата ефективност може да се намали, почитта кон претпоставените и дејноста воопшто. Проценете ги своите верувања, како се промениле, дали работата има влијание на нив пред да ја донесете конечната одлука. 

4. Дали постојат алтернативи?

Конечно, особено е важно да се запрашате дали имате алтернативни опции. Можеби постојат други работни позиции во склоп на компанијата за кои би можеле да аплицирате. За да си ги зголемете шансите, можете да остварите контакт со лица вработени во тој сектор за да научите повеќе, да изградете однос за наредниот момент кога ќе има слободна позиција, да се сетат на Вас. Ако оваа опција не е достапна, тогаш можете да почнете да барате работа додека се уште работите. Вие можеби сакате веднаш да го напуштите работното место, но покрај финансиските бенефити на останувањето вработени, вие сте многу поатрактивен кандидат ако сте моментално вработени отколку не. За овој период, ќе го збогатите плус вашето CV и ќе имате поголеми шанси за вработување. 

Многу е едноставно да се направи грешка за време на интервјуто за работа. Всушност, голем број од кандидатите може и да не знаат дека прават грешки. Некои од грешките кои се најчести треба да бидат очигледни, јасни, особено ако не сте имале досега интервју за работа или не одите често на интервјуа. Прочитајте ги најчестите 40 грешки кои се прават пред, за време и по интервјуто за работа во продолжение:

1. Несоодветно облекување 
2. Несериозниот однос кон интервјуто преку телефон како кон лице-в-лице интервјуто
3. Оставајќи го вашиот телефон уклучен (опцијата нечујно е најдобра, доколку не сакате да го исклучите целосно телефонот)
4. Џвакање мастика
5. Носењето на кафе или друг пијалок со вас 
6. Носењето на друга личност со вас на интервјуто 
7. Носење очила за сонце (сосема е во ред да ги носете надвор, но при влегувањето во канцеларијата, ставете ги во чанта/ранец)
8. Прерано доаѓање на интервјуто
9. Доцнење на интервјуто
10. Одење на интервју со мамурлак/преуморни
11. Одење на интервју ако сте сериозно болни 
12. Не го знаете името на вашиот интервјуер/не го помните при негово/нејзино претставување
13. Не се претставувате себеси 
14. Пишувате пораки за време на интервјуто
15. Го прекинувате вашиот интервјуер за да извршите телефонски повик 
16. Постоењето на врева во позадина при телефонското интервју 
17. Преголема употреба на парфем/колонска вода
18. Носење на шапка/капа за време на интервјуто 
19. Не носите плус копии од вашето CV
20. Во зависност од работата, не носите портфолио од вашата работа
21. Играњето со вашата коса 
22. Мрморењето или користењето на сиромашен речник
23. Премногу зборување
24. Го прекинувате прашањето на интервјуерот
25. Недоволно зборување
26. Недоволно насмевнување
27. Кажување шеги и пресилно смеење
28. Неостварување на контакт со очи со интервјуерот
29. Критикувањето на поранешната работа или претпоставен 
30. Несеќавање на вашата работна историја
31. Неследењето на насоки доколку ви е даден тест
32. Необрнување внимание на прашањата кои ги поставувате
33. Не одвојувате време за да ја истражите компанијата пред да одите на интервју 
34. Не се сеќавате на работната позиција за која аплицирате
35. Директно искажување дека ви е навистина потребна работата
36. Директно кажување дека ви се потребни парите
37. Веднаш прашувате за кога би биле во можност да одите на одмор
38. Немањето на релевантни прашања кога се бара од Вас да поставите прашања
39. Незаблагодарување за дадената можност за остварување интервју 
40. Непраќањето на мејл за заблагодарување по интервјуто 

Според истражување спроведено од Socialcast, 85% од вработените луѓе би сакале нивниот труд на работа да е препознаен. Но, повеќе од половина не го добиваат препознавањето. Ако имате тим од луѓе кои работат за вашиот мал бизнис, препознавањето на трудот на вашиот вработен може да е многу исплатливо на долг рок и да им ја зголеми среќата за работното место. Искористете го овој период како крај на година, за да покажете благодарност на оригинален начин кон вашите вработени. 

• Завршете го денот порано 

Забележувате дека вашиот тим работи премногу долги часови? Повикајте еден ден порано напуштање на работата за да им дадете малку одмор и да им помогнете да избегнат преголем умор.

• Заблагодарете им се на социјалните медиуми 

Едноставна порака за изразување благодарност на профилите на вашите бизнис соработници, заедно со содржаен податок за напорната работа на вашиот тим, може да служи како одличен начин за јавно покажување благодарност. 

• Инвестирајте во квалитетен кафемат

Секоја добра канцеларија треба да има кафемат. Но, ако имате вработени кои особено сакаат да пијат кафе тогаш размислете за инвестирање во машина за еспресо или други специјални продукти. Или ако има повеќе љубители на чај, размислете како да ги подобрите условите за овие вработени. 

• Билети за локални настани 

Наместо да се придружите на стандардната „after work“ забава, обидете се да добиете билети за одреден спортски настан кој ќе се одржува или можеби театарска претстава во вашиот град, каде членови на вашиот тим би можеле да присуствуваат заедно. 

• Дозволете им на вработените да си ги одбираат часовите

Покрај платата и бенефитите, флексибилните работни часови се едно од главните нешта за кои вработените се грижат при одбирањето на работодавец. Па така, ако сакате да им покажете благодарност на вашите вработени, доколку условите дозволуваат, овозможите им одредена флексибилност, како четири работни дена или периодично дозволување на работа од дома. 

• Водете сметка за важните дати 

Исто така може да им покажете благодарност на вашите вработени преку водење сметка за важните дати како родендени или работни годишнини. 

• Истражувајте ги вашите вработени 

Ако сакате навистина вашите вработени да се чувствуваат ценети, потребно е навистина да ги слушате. За да соберете одредени мислења и внатрешни информации, креирајте прашалници и навистина имплементирајте го она кое вработените ќе го споделат со Вас во овие прашалници. 

Македонската метропола, наскоро ќе го добие својот прв премиум деловен центар, каде компаниите може да изнајмат простор за работа и истиот нуди извонредни работни услови и е прв од ваков тип во нашава земја, граден според високи светски стандарди кои овозможуваат премиум услови во работната средина.

Објектот кој располага со површина од 12.000 м2, се наоѓа пред салонот на Мерцедес, веднаш после мостот „Близнаци“, содржи најсовремени технички решенија кои овозможуваат поголема функционалност, заштеда на енергија, а со тоа и заштеда во одржувањето, како и поголема еколошка одржливост.

Премиум деловниот центар е повеќе од вообичаена зграда со канцеларии и претставува архитектонско решение кое нуди флексибилно уредување на работната средина онака како што Вие сте ја замислиле, со голем степен на удобност, што подразбира фитнес сала, посебна кафетерија-ресторан за вработените, сопствен паркинг простор и конекција до најголемата велосипедска артерија на градот, покрај кеј. Оваа инвестиција чини над 10 милиони евра и се очекува да биде готова во следните неколку месеци, изјави генералниот директор на Мак Аутостар, компанијата инвеститор на деловниот центар, Зоран Марковски.

Премиум деловниот центар е дел од еден поголем урбанистички концепт кој припаѓа на посебна бизнис околина, каде не постои можност за нејзино нарушување во иднина од какви било нови градби. Располага со значителен надворешен простор за паркирање, како и подземна гаража на 3 нивоа. Обезбедено е целосно и континуирано снабдување со електрична енергија и во случај на нејзин прекин со снабдување.