Не е секогаш лесно да се биде на одговорна позиција. 

Менаџирањето на другите луѓе доаѓа со многу притисок. И кога сте на позиција на менаџер, може да биде тешко да ја евалуирате својата работа. 

Да се биде добар шеф, претпоставен, менаџер е од суштинско значење за вашата организација - третина од работниците ги напуштаат своите места поради неквалитетен менаџер. Но, не сте во состојба да шетате по канцеларијата и да барате од вашите вработени да ви кажат како работите. Она што можете да направите е анкета и потоа да смените нешто кај себеси врз основа на фидбекот. 

Исто така може да погледнете и на другите, посуптилни знаци дека сте многу успешни на својата менаџерска позиција:

1. Ги третирате вашите вработени како човечки суштества

За жал, некои менаџери сметаат дека делењето навреди и злоупотребата е ефективна мотивациона техника. Во повеќето случаи, ова едноставно не е вистина. Ако ги вреднувате и гледате вашите вработени како обични луѓе, тогаш веќе сте голем чекор напред пред многу други менаџери. 

2. Пробувате нови нешта 

Добрите шефови адаптираат одредени методи бидејќи ова е најдобриот начин - не затоа што тие се навикнале на еден или друг начин. Тие им даваат простор на своите вработени за експериментирање и внесување иновации. 

3. Вие ги отстранувате препреките

Неквалитетните менаџери поставуваат препреки кои им го отежнува успехот на вработените и воопшто, вршењето на својата работа. Одличните менаџери треба активно да работат на олеснување на животот на своите вработени. 

4. Вие сте добар тренер

Тренерите не седат на клупа покажувајќи на секој со прст. Тие исто така, не ни влегуваат на теренот да играат место играчите. Добрите менаџери се исти како и добрите тренени - Тие бараат почит и ја овозможуваат вистинската количина на пофалби и конструктивен критицизам за да го разбудат најдоброто во нивните вработени. 

5. Вие разговарате со вашите вработени 

Разговарањето со вашите вработени, а не на нив, е она што ве одвојува од другите менаџери бидејќи на овој начин, им помагате на вашите вработени да успеат во своите цели и да ги отстранат своите грижи. 

6. Вие сте добар слушател 

Ова е главната причина зошто интровертите се добри шефови. Многу луѓе имале менаџер кој обожавал да зборува. Почесто и многу попочитувани, се оние претпоставени кои се квалитетни слушатели. 

Официјалните податоци од Државниот завод за статистика покажуваат дека од Македонија во 2016 година се отселиле само 440 граѓани.

Споредено со годините претходно трендот бележи намалување. Во 2015 година од Македонија се отселиле 767 лица, во 2014 година 740, во 2014 година 945 лица, а во 2012 година земјата ја напуштиле 1.330 лица.

Според последните податоци објавени од ДСЗ во Публикација посветена на миграциите, во земјава во 2016 година се доселиле 283 македонски граѓани, а во 2012 година 396 граѓани.

Во рамки на внатрешните миграции во земјава, 6.869 лица мигрирале од една во друга општина.

Не е филм, туку животна приказна на Марко и лука Максимовиќ, 21-годишни близнаци родени во Лос Анџелес.

Марко и Лука, иако родени во САД, пред десетина години се вратиле во Србија, а истакнуваат дека желбата на нивниот татко била да растат како Срби. Во Белград завршиле основно училиште, гимназија, а потоа запишале Земјоделски факултет. „Кога се запишавме во прво одделение лошо зборувавме српски, но брзо се навикнавме и одлично се снајдовме“, вели Лука, пренесува “N1“.

Во село Божурња, покрај Топола, откаде што е мајка им на нивниот татко, пред неколку години почнале да се занимаваат со самостоен земјоделски бизнис. На своја иницијатива, почнале да размислуваат што би можело најдобро да одекне во Шумадија, позната по сливите и грозје.

Дошле на идеја да одгледуваат боровинки, кои во Србија не биле во големи количини. Велат дека боровинката е овошка на милениумот и дека може да се употребува сушена, свежа, како и смрзната.

Сфативме дека работата со боровинки може многу да ни донесе, вели Лука и додава дека од година во година приходите растат за 208 отсто. Марко и Лука велат дека се задоволни. Работата константно напредува, побарувачката расте, а сметаат дека боровинките се-иднината.

Просечната цена на боровинката е од 5 до 6 евра по килограм, а по хектар може да се има околу 15 тони“, вели Лука, додавајќи дека годишните трошоци не надминуваат 15 отсто од вкупната бруто заработувачка.

Сепак, велат дека се најсреќни што, и покрај стереотипите дека само на Запад може да се успее, своите цели ги оствариле и во Србија.

Луѓето се повеќе се навикнуваат на намалувањето на интегритетот во модерниот свет. Навикнати сме да сме оставени на чекање во корисничка поддршка со часови и постојано да слушаме „Вашиот повик е важен за нас.“ Стануваме имуни на продукти кои не стигнуваат до нашата адреса, што многу често и забораваме да ги вратиме. И можеби звучи цинично, но знаеме дека личноста која ни кажала дека ќе ни се јави, никогаш не ни се јавува. 

Од друга страна, пријатно сме изненадени кога некој го прави она што вели дека ќе го направи. Истото се случува и кога добиваме одговор од човек наместо од машина на линијата на услуга за корисници. И кога компанијата прифаќа производи назад, ние остануваме лојални. Затоа што овие луѓе и таа компанија имаат интегритет. А интегритетот е она што ве одвојува и вас и вашиот бизнис од сите останати. 

Што всушност претставува интегритетот? 

Интегритетот значи почитување на својот збор во се што правите. Кога наплаќате одредена услуга или производ, вие морате да стоите позади таа услуга или производ. Таа бизнис трансакција е тест за вашиот интегритет. Дали вие го постигнувате она што велите дека ќе го постигнете? Дали правите се за да му услужите на вашиот клиент? 

Интегритет со другите луѓе

Да се поседува интегритет не значи дека вие секогаш успешно ќе ја завршите задачата. Но тоа значи дека вие ќе дадете се од себе за да го направите тоа. Се до моментот додека не сте направиле се, пробале се за да постигнете една задача, не поседувате интегритет. 

Секако, вие секогаш можете да го преговарате договореното. Ова исто така, може да биде една форма на интегритет. Наместо да се обидувате да задоволите преголем број на луѓе затоа што имате премногу обврски, признајте си на себеси и потоа искористете го својот збор за да го преговарате договореното. 

Луѓето со недостаток на интегритет не стојат на својот збро и избегнуваат тешки и мачни разговори кои може да се појават со преговарањето. Кога на луѓето им недостига интегритет, можете лесно да бидете збунети за нивните намери и чувства и дали воопшто може да им верувате. 

Интегритет со себеси 

Имањето интегритет со себеси е исто толку важно. Дали го одржувате зборот кажан на себеси? Кога ќе одлучите да изгубите некој килограм или да промените некоја навика - дали си останувате на зборот или дозволувате слабата страна да ве надвладее? Најголемиот дел од одлуките кои ги донесуваме за Нова Година не траат бидејќи ни недостига интегритет на самите себеси. 

Како да го зголемите вашиот интегритет? 

• Одржувајте го вашиот збор - Што и да кажете дека ќе направите, направете го. Ако знаете дека нема да го направите, не го кажувајте. Преговарајте ако е потребно, но не се откажувајте. 
• Бидете искрени - Разговарајте за вашите мисли и чувства искрено. Никогаш не ги користете вашите зборови за да ја маскирате вистината. Наместо тоа, осигурајте се дека вашите зборови ќе бидат носители на вистината. 
• Бидете свесни за зборовите кои ги кажувате - Зборовите имаат огромна тежина на нив. Никогаш не ги користете во форма на озборување или против себеси, своите чувства и акции. Тие имаат моќ и користете ги паметно.