Промената на кариера не е никогаш лесна, но е апсолутно возможна. Само затоа што сте на еден посветен кариерен пат не значи дека мора да останете цел живот на истиот. Без разлика дали ви е здодевно на работа, исцрпени сте или едноставно сакате нов почеток, постојат огромен број на размислувања кои влегуваат во промената на кариерата. При тој процес, имајте ги во предвид следниве чести грешки кои се прават за да знаете како да ги одбегнете: 

- Донесување избрзана одлука 

Пред да ја промените работата, Вие потребно е подлабоко да се фокусирате на причините зошто сакате да ја напуштите моменталната работа. Потребно е да инвестирате време за да откриете со што сте незадоволни и што ќе ве направи позадоволни. 

Запрашајте зошто сте несреќни и одговорете си искрено. Можеби само да имате лоша недела или лош месец, или можеби само не ви се допаѓа шефот, не и индустријата. Секој од нас поминува низ фази на незадоволство со нашите работни места. Потребно е да трчате кон нешто, не од нешто. 

- Избор на нова кариера заснована на платата

Очигледно е дека треба да сте финансиско стратешки поставени кога одбирате кариера, но не ги засновајте вашите одлуки само на заработката. Ако одлучите за работа која е високо платена, но не е соодветна со вашите интереси, вредности или вештини, нема да бидете среќни. Можеби на почеток би биле среќни, но со тек на време ќе излезе на виделина вашата нервоза. 

Не се работи за тоа дали не треба да ја вклучувате платата, но постојат и други важни фактори, како балансот помеѓу работата и животот и простор за развој. 

- Не вршите истражување на пазарот на понуда за индустријата за која целите 

Доколку не направите истражување пред менување на кариерата за тоа каква е понудата на пазарот, тоа е исто како играње пикадо во темница. 

- Давате отказ без да имате пронајдено работа 

Истражувањата покажуваат дека е полесно да се пронајде работа кога сте се уште вработени, што има смисла бидејќи празниот простор во CV-то може да направи менаџерот за вработување да размисли два пати пред да ве повика на интервју. Како последица на ова, најдобро е да останете на работата додека немате пронајдено друга работа. 

- Ја негирате моќта на бизнис поврзувањето 

Дури и ако направите истражување во секторот во кој сакате да влезете, се додека не разговарате со луѓе кои работат таму, не знаете точно за што се работи. Токму затоа, потребно е постојано да ги надградувате вашите професионални контакти. 

- Не го прилагодувате вашето CV за кариерните промени

Да, одлично е ако имате 5 години искуство во PR, но ако барате кариера во Човечки ресурси, тоа многу нема да ви заврши работа. Вашето CV треба да е во сооднос на индустријата за која аплицирате. Забележете кои вештини ваши се релеватни за прикажување, а кои не. 

Од Стопанската комора на Северозападна Македонија велат дека ова покачување директно влијае врз џебот на граѓаните. Потпретседателот Назми Ејупи тврди дека реално е да се очекува и покачување на цените на останатите производи и услуги.

Нема сомнеж дека покачувањето на цената на нафтата за толку кратко време, за две три недели, како и денешното поскапување директно влијае на бизнисот на сите бизнисмени бидејќи за толку кратко време, 10%-15% ја покачува цената на производите како и транспортот. Сигурно дека и дистрибутерите ќе размислуваат за покачување на цената, а тоа директно ќе влијае на бизнисот на производителите, трговците, а може да се очекува и покачување на цената на производите, вели Ејупи.

Бизнисменот Невзат Алији, чија што компанија врши организиран транспорт на стоки, смета дека поскапувањето на нафтата негативно ќе влијае врз работата на дистрибутерите. Доколку продолжи поскапувањето на нафтата, тогаш ќе поскапат и цените на транспортот, а тоа води кон опасност од инфлација.

Покачувањето на цената на нафтата негативно се одрази на нас, тоа доведува до поскапување на производите кои што ги дистрибуираме, додава Алији.

Од друга страна, министерот за финансии, Драган Тевдовски, на почетокот на годинава, по зголемувањето на акцизата за 3,5 денари, ова нема да влијае на цената на производите.

Во последните шест месеци цената на дизелот во Македонија е зголемена за 26,5 проценти односно 12,5 денари. Во јуни минатата година за еден литар еуродизел возачите плаќаа по 47 денари, а од ноќеска на полноќ таа изнесува 59,5 денари.

Американскиот милијардер и инвеститор Ворен Бафет изјави дека никогаш нема да инвестира во криптовалути.

Можам да тврдам со сигурност дека дигиталните валути ќе завршат лошо, рекол Бафет во интервју за СиЕнБиСи.

Неговиот коментар доаѓа само ден откако директорот на банката „ЈП Морган Чејс“ Џејми Дајмон изразил каење поради тоа што биткоинот го нарече измама.

Биткоинот го разбранува светот на инвеститорите, бидејќи во еден момент надмина дури 19 000 долари.

Биткоинот денес е во пад од три отсто и со него се тргува по цена од 13.981,53 долари.

Доколку сте ново-вработени или мометално го искусувате првото работно искуство, сосема е нормално да се чувстувате малку анксиозни или несигурни. Постојат неколку карактеристики кои се сосема нормални, но постојат и такви знаци на кои треба да внимавате. Додека вие сте единствената личност која може да одлучи дали таа позиција е вистинската за вас или не, во продолжение ви нудиме неколку примери на тоа што е сосема нормално и што е показател за „црвен картон.“

• Исцрпени сте - Сосема нормално 

Ако не сте имале работно искуство претходно, сосема е нормално да сте исцрпени на крајот на денот. Можете веднаш да заспиете што забележете кревет и постојано пиете кафе во текот на денот за да останете концентрирани и будни. Присуствувањето на обуки, оставање први одлични впечатоци и впивање колку што е можно повеќе информации може да биде особено исцрпувачко. Издржете го овој напорен период и ќе се почувствувате како себеси за некоја недела. 

Се плашите да одите на работа - Црвен картон 

Ако вашиот страв за доаѓање на работа е присутен во текот на целата недела, ова не е позитивен знак. Ако се почувствувате дека сте присилени, постојано го гледате часовникот, се криете за време на пауза со надеж дека ќе избегнете контакт со новите соработници, не сте на добар пат. Ако овие емоции на анксиозност не поминат и по првите недели, тогаш може да се дефинираат како проблем. Нешто навистина не е како што треба и вие сте свесни за тоа. Обидете се да размислете што е тоа што навистина не функцинионира и да се потсетете дека е сосема во ред да е се беспрекорно. 

Немате пријатели - Сосема нормално

На претходната работна позиција ситуацијата може да била сосема поинаква - поинаква хармонија, отворени луѓе и комуникација. Културата во моменталната компанија може да е поинаква и сосема е нормално да чувствувате дека сте осамени. Но, градењето на професионалните односи бара време затоа обидете се да бидете потрпеливи. 

Никој не ви помага - Црвен картон 

Ниту вашиот менаџер, ниту вашиот соработник, ниту секторот за човечки ресурси. Се чини како да лебдите сами без насока во канцеларијата, а кога барате помош вашиот менаџер ве отфрла, секторот за човечки ресурси не е достапен и вашите колеги ве игнорираат. Ова е знак дека нешто не е како што треба. Да, понекогаш ќе е потребно да почекате за вниманието на вашиот менаџер, но ако не добивате тренинг, насоки, внимание - нешто сериозно не е како што треба. Вашиот нов работодавец треба да инвестира во вас, а не да ве игнорира. 

Работата за која бевте вработени и она која всушност ја работите се сосема различни - Црвен картон 

Вие сметавте дека бевте вработени за да ја водите маркетинг кампањата на компанијата, но всушност од вас се бара да вршите телефонска продажба - ова секако не е улогата за која се пријавивте. Во овој случај, разговорот со менаџерот е неизбежен, но ако не поврзаноста е и тука невозможна, многу се големи шансите дека ова не е местото за Вас. 

Да се биде несигурен при почетокот на нова работа е сосема нормално, вие минувате низ огромна промена. Но ако чувстувате нешто повеќе од само позитивната трема, тогаш време е да откриете зошто. Запрашајте се себеси: Дали оваа ситуација е привремена или нешто повеќе? Ако се работи само за прилагодување на нова средина, тогаш ќе се почувствувате удобно за некоја недела. Но, ако забележувате сериозни предупредувачки знаци, тогаш можеби е време да ја реевалуирате оваа работа.