Американскиот милијардер и инвеститор Ворен Бафет изјави дека никогаш нема да инвестира во криптовалути.

Можам да тврдам со сигурност дека дигиталните валути ќе завршат лошо, рекол Бафет во интервју за СиЕнБиСи.

Неговиот коментар доаѓа само ден откако директорот на банката „ЈП Морган Чејс“ Џејми Дајмон изразил каење поради тоа што биткоинот го нарече измама.

Биткоинот го разбранува светот на инвеститорите, бидејќи во еден момент надмина дури 19 000 долари.

Биткоинот денес е во пад од три отсто и со него се тргува по цена од 13.981,53 долари.

Доколку сте ново-вработени или мометално го искусувате првото работно искуство, сосема е нормално да се чувстувате малку анксиозни или несигурни. Постојат неколку карактеристики кои се сосема нормални, но постојат и такви знаци на кои треба да внимавате. Додека вие сте единствената личност која може да одлучи дали таа позиција е вистинската за вас или не, во продолжение ви нудиме неколку примери на тоа што е сосема нормално и што е показател за „црвен картон.“

• Исцрпени сте - Сосема нормално 

Ако не сте имале работно искуство претходно, сосема е нормално да сте исцрпени на крајот на денот. Можете веднаш да заспиете што забележете кревет и постојано пиете кафе во текот на денот за да останете концентрирани и будни. Присуствувањето на обуки, оставање први одлични впечатоци и впивање колку што е можно повеќе информации може да биде особено исцрпувачко. Издржете го овој напорен период и ќе се почувствувате како себеси за некоја недела. 

Се плашите да одите на работа - Црвен картон 

Ако вашиот страв за доаѓање на работа е присутен во текот на целата недела, ова не е позитивен знак. Ако се почувствувате дека сте присилени, постојано го гледате часовникот, се криете за време на пауза со надеж дека ќе избегнете контакт со новите соработници, не сте на добар пат. Ако овие емоции на анксиозност не поминат и по првите недели, тогаш може да се дефинираат како проблем. Нешто навистина не е како што треба и вие сте свесни за тоа. Обидете се да размислете што е тоа што навистина не функцинионира и да се потсетете дека е сосема во ред да е се беспрекорно. 

Немате пријатели - Сосема нормално

На претходната работна позиција ситуацијата може да била сосема поинаква - поинаква хармонија, отворени луѓе и комуникација. Културата во моменталната компанија може да е поинаква и сосема е нормално да чувствувате дека сте осамени. Но, градењето на професионалните односи бара време затоа обидете се да бидете потрпеливи. 

Никој не ви помага - Црвен картон 

Ниту вашиот менаџер, ниту вашиот соработник, ниту секторот за човечки ресурси. Се чини како да лебдите сами без насока во канцеларијата, а кога барате помош вашиот менаџер ве отфрла, секторот за човечки ресурси не е достапен и вашите колеги ве игнорираат. Ова е знак дека нешто не е како што треба. Да, понекогаш ќе е потребно да почекате за вниманието на вашиот менаџер, но ако не добивате тренинг, насоки, внимание - нешто сериозно не е како што треба. Вашиот нов работодавец треба да инвестира во вас, а не да ве игнорира. 

Работата за која бевте вработени и она која всушност ја работите се сосема различни - Црвен картон 

Вие сметавте дека бевте вработени за да ја водите маркетинг кампањата на компанијата, но всушност од вас се бара да вршите телефонска продажба - ова секако не е улогата за која се пријавивте. Во овој случај, разговорот со менаџерот е неизбежен, но ако не поврзаноста е и тука невозможна, многу се големи шансите дека ова не е местото за Вас. 

Да се биде несигурен при почетокот на нова работа е сосема нормално, вие минувате низ огромна промена. Но ако чувстувате нешто повеќе од само позитивната трема, тогаш време е да откриете зошто. Запрашајте се себеси: Дали оваа ситуација е привремена или нешто повеќе? Ако се работи само за прилагодување на нова средина, тогаш ќе се почувствувате удобно за некоја недела. Но, ако забележувате сериозни предупредувачки знаци, тогаш можеби е време да ја реевалуирате оваа работа. 

Целта на годишните одмори и празничните паузи и токму таа: да одморите и да паузирате, со надеж дека нема да се будите во паника да проверувате мејл на телефон и да се прашувате која година е и дали доцните за на работа.

Иако „исклучувањето“ е супер и треба да го направите тоа за да се вратите свежи и одморени на работа, треба сепак да имате на ум дека после продолжениот празничен викенд или годишниот одмор треба да се вратите на работа и повторно да дадете 100%.

Тоа значи да внимавате да не ги направите овие најчести грешки што ги прават луѓето кога ќе се вратат од одмор:

Се враќате без план

Ако се вратите на работното место по одредена пауза, може да ве фати паника кога ќе почне лавината од обврски. Тоа не значи дека треба да се опседнувате што се случува на работа додека ве нема, но не чекајте да седнете во биро за да се „вклучите“ повторно во системот. Можеби не ви се чини како голема работа, но доволно е да си подготвите што ќе носите на работа следниот ден, да ги прочитате последните извештаи и да го проверите работниот план барем ден претходно и да си дадете самите две задачи што ќе ги направите првиот ден назад на работа.

Ве фаќа постпразнична депресија

Враќањето „во реалноста“ може да биде потешко од од обично враќање на работа во понеделник. Краткиот одмор околу новогодишните и божикните празници обично најтешко им паѓа на луѓето бидејќи не се одмораат, туку тие денови ги поминуваат во забави, седенки и семејни средби. Затоа кога ќе се вратите на работа се чувствувате уште поуморни и се прекорувате зошто не го потрошивте времето попаметно. Па кога ќе ви текне дека до летниот одмор има неколку месеци... Сепак, вие сте возрасна личност и знаете дека не може да го вратите времето назад, туку да се стегнете и да се вратите во колосек.

Погрешни претпоставки

Има два типа на погрешни претпоставки во оваа ситуација. Првата е дека се убедувате дека глатко ќе се вратите назад „во шема“, но да не се лажеме, светот не стоеше во место додека вие бевте на одмор (дури и ако целата компанија била на празничен одмор); a втората е да претпоставите дека сите ќе се вратат од одмор свежи и навистина одморени. Можеби вие се освеживте со одмор на плажа или на планина, но тоа не значи дека и колегите поминале исто како вас. Не претерувајте со фалби колку добро сте си поминале на одмор и не му се качувајте на глава на колегата кој не сака да зборува за тоа.

За да станете одличен продавач, потребно е да запомните дека луѓето сакаат да соработуваат и градат бизниси со луѓе кои им се допаѓаат и ги почитуваат. На крајот на денот, додека вие се обидувате да продадете, она што навистина го барате е добивање на нивната доверба. 

Големиот дел од луѓето кои се во продажба забораваат дека ентузијазмот е тој што ја носи пораката најдалеку. Често, луѓето не го купуваат продуктот или услугата колку што се мотивирани од човекот кој продава. Ако започнувате сега со продажба, ентузијазмот е најважното нешто. Енергијата и трудот кој го забележуваат луѓето многу се вреднува во оваа фаза. 

Меѓутоа, не се постигнуваат резултати само со ентузијазам 

Знаењето е моќ. Тоа значи дека ако сте на работ да остварите успешна продажба, ако ја објаснувате идејата на потенцијалниот купувач, ако сте на работ да направите било што што ќе влијае на иднината на компанијата, тогаш морате да поседувате знаење за секоја можна варијабилност.

Онаму каде што грешат повеќето продавачи е дека ентузијазмот ќе надокнади за недостатокот на знаење. Тоа не е вид на продавач кон кого треба да целите да станете. Да имате знаење што самата помисла на зборувањето за продажбата ве прави среќни и како резултат, ги усреќува и вашиот потенцијален купувач. Колку повеќе знаете за вашиот производ, пазарот, конкуренцијата - толку поголема потпора ќе имате. Ова се однесува на се во животот, не само на продажбата. 

Заобиколувањето е сиромашна стратегија. Вистинското знаење заедно со ентузијазмот е далеку поефективен. 

Ако навистина сте насочени кон подобрување на вашите вештини на продажба, продавањето ќе ви биде приоритет. Што значи, сите задачи и обврски што стојат измеѓу ќе ги извршувате во период од денот кога не продавате, кога не сте договорени за средба со потенцијални купувачи бидејќи ако е обратно, губите скапоцено време. 

Исто така, никогаш не престанувајте да продавате. Со секоја продажба, без разлика дали успешна или не, сте чекор поблиску до станување подобри во продажбата како техника и уметност. Но, потребно е секојдневно да го предизвикувате својот ентузијазам. Затоа што вистината е, освен ако не верувате во тоа што го работите до точка да е еден од вашите најпрепознатливи квалитети, никогаш нема да го остварите успехот кој ви е замислен.