Според истражувања кои ги направиле британските психолози денешниот понеделник е прогласен за најдепресивен ден во годината со оглед на тоа што изминуваат полека сите празнични еуфории, луѓето се враќаат на работните места и продолжуваат обврските. Вообичаено Синиот понеделник е на почетокот на третата недела од јануари.

Причините за депресија се доста објективни. Нашите тела се уморни од декемврискиот маратон, а нашите банкарски сметки се испразнети. Исто така за многумина празниците се стресни поради сите грижи за договори со семејството и пријателите, обврските за домашно готвење и подготвување трпези, како и барање подароци.

Утрата се уште се многу темни, а сонцето е премногу слабо за да го регенерира нашето ниво на витамин Д. Значи, природно, најдепресивниот ден во годината е во јануари.

Иако „Blue Monday“ се „слави“ секоја година, изборот на денот не е строго научно оправдан. Датумот е пресметан од страна на психологот Клиф Арнал со формула земајќи ги предвид факторите како што се ладно и влажно време, долгови, деновите поминати по Божик, општото чувство на ниска мотивација.

Секој може да биде поставен да менаџира тим или компанијата. Но, најдобрите лидери ја разбираат не толку јасната разлика помеѓу лидерството и менаџирањето. Кои се тие разлики? 

• Вие го заслужувате тимот кој го имате 

Од кога ќе станете лидер, вашите денови за жалење за членовите на тимот се официјално завршени. Ако не сте среќни, може да му помогнете на вашиот тим да се подобри и развива. Може да ги преместите на други работни позиции кои одговараат повеќе со нивните способности. Дури може и да ги охрабрите, доколку тоа им одговара и на нив повеќе, да ја напуштат вашата организација. Но, не смеете да се жалите за тимот и за нивниот перформанс затоа што вие сте сега одговорни за вашиот тим. 

Кога водите една компанија, организација, без разлика дали е позитивно или не, потребно е да превземате одговорност за се што се случува додека сте вие одговорни. Обвинувањето или посочувањето на прсти е знак на незрелост и во најлош случај, е показател за недостаток на интегритетот. 

• Проблемот е во врвот на хиерархиската скала

Организациите се рефлекција на нивните лидери. Ако забележувате нешто што не ви се допаѓа кај вашиот тим, првото и најдоброто нешто што може да го направите е да паузирате пред огледало. Запрашајте се себеси, „Што е тоа во врска со мене и мојот стил на лидерство што го предизвикува ова однесување?“ Можно е да откриете дека вработувате луѓе слични на вас или дека следите некој вид на шема која постои во вашиот живот. Многу често, негативниот тим е последица на негативен лидер. 

• Дизајнот на организациите 

Организациите се совршено дизајнирани за да ги добиваат резултатите кои ги креираат. Ако сакате различни резултати, тогаш морате да го промените дизајнот на компанијата. Ако не сакате пици, зошто како лидер, водите пица ресторан?

• Нарушувањето доаѓа од бунтовните 

Љубопитноста станува се поголема натпреварувачка предност за компаниите кои се фокусирани на растежот. И за да креирате вистинско нарушување, потребно е имате малку креативност и бунтувност во вашиот тим - луѓе кои едноставно никогаш не го прифаќаат фактот дека начинот на кои постојат нештата е оној кој мора да биде. 

Можеби најголемиот предизвик како лидер е да интегрирате луѓе во тимот од овој вид. Трикот е во тоа да ги процените луѓето кои ќе одговараат на културата на компанијата прво, а подоцна да се непрестајно љубопитни и паметни. Ако е обратното, ризикувате да добиете вработен кој можеби вашите клиенти ќе го сакаат, но е насилник позади затворени врати. 

• Не можете да ја измамите гравитацијата 

Културата се одвива по надолна линија. Ако сакате да бидете на врвот на вашата лидерска скала, осигурајте се дека постојано гледате долу за да увидите каква порака праќате. Вашите луѓе ќе ви се заблагодарат и ќе го олесните вашиот живот драматично многу. 

Како што и регрутерите се подготвуваат за целито процес на интервјуа, од почеток до крај, така и кандидатите за работа треба да се подготвени кога доаѓаат на интервјуа. Меѓутоа, не секогаш тоа е случајот. За да се олесни процесот и за двете страни, регрутерите имаат листа на барања кои би сакале да ги забележат и видат кај кандидатите: 

CV не подолго од две страни - Постојат многу различни мислења за CV-та. Размислете за вашето CV како збир на вашето искуство. Ако сте на почетокот на вашата кариера, тогаш резиме од една страна е сосема доволно. Ако сте навлезени подлабоко во вашата кариера, треба веќе да ја имате стекнато способноста да се продавате себеси со малку зборови, односно обидете се резимето да изнесува максимум две страни. 

Мотивационите писма се бонус! - Некои луѓе може да кажат дека мотивационите писма се историја, но тие се уште постојат со јасна цел. Овие писма им дозволуваат на кандидатите да опишат нешта кои вообичаено не би можеле да се сретнат во CV-a. На пример, опис на некоја ситуација која сметате дека ќе ви ги зголеми шансите за вработување или едноставно, искажување на желбата колку сакате да работите за организацијата. 

Пребарајте ја компанијата - Проверете го вев сајтот на компанијата. Имајте барем основно знаење за тоа дали се работи за продажба на продукти или услуги. Ниту една компанија, барем на првото интервју не ви бара да знаете се за компанијата, но барем основите е добар почеток. 

Разберете ја работата - Прегледајте го описот на работното место. Денес е лесно, со помош на Интернетот да се пребараат информации од било каков карактер, а вака ќе оставите и впечаток дека сте заинтересирани за професионалниот интерес на работата. 

Соодветен дрес код - Ова не значи дека треба да сте во костум. Организациите сакаат да знаат дека секој што ќе биде најмен ќе остави добар впечаток за компанијата. Со ова е доволно кажано. Исто така, практикувајте добар говор на тело преку активно слушање и одржување на контакт со очи. 

Раскажете ја својата приказна - Едно од најчестите прашања на интервјуата за работа е „Кажете ми нешто за себеси.“ Ова е првиот впечаток кој регрутерот ќе го добие за Вас. Размислете за она што сакате да го кажете. Интересната и автентичната приказна ќе направи луѓето полесно да ве запомнат. 

Бидете удобни во дискутирањето на вашите слаби и јаки страни - Ова исто така, е едно од класичните интервју прашања. Регрутерите сакаат да знаат кои се вашите силни страни, според Вас и што е она што сакате да го развиете. Ова не е трик прашање. Тука се работи за свесноста за себеси. 

Бидете подготвени да разговарате за вашата иднина - Без разлика дали аплицирате за работата од вашите соништа или оваа работа е само една скала до вашата конечна цел, поседувањето на план за вашата кариера е важно. Можеби компанијата нема да е фокусирана на самиот план, но тие се фокусирани на кандидати кои имаат таков план. 

Поставувајте прашања! - Појавете се на интервјуто со подготвени прашања. Ова им дава до знаење на регрутерите дека се интересирате за компанијата, работната позиција но и го цените вашето време за да знаете точно во што се впуштате. 

Свесноста за култура - Ова е исто така една важна карактеристика која ја бараат регрутерите, како на индивидуално ниво, така и на организационо. Компаниите сакаат да знаат дека кандидатите ќе бидат способни да ја прифатат културата на компанијата и дека ќе бидат среќни во својата работна позиција. 

Во 2014 година, Snapchat се стекна со Scan, компанија основана од Гарет Ги и двајца негови пријатели, за 54 милиони долари. Токму технологијата на Scan е во основата на функцијата на Snapchat, која им овозможува на корисниците да скенираат и да се откриваат еден со друг преку камерата на смартфонот.

Ги практично започнува да работи за Snapchat. Но, не за долго. "По неколку месеци решив да го вратам мојот живот во свои раце", рече тој, цитиран од Бизнис Инсајдер. Тогаш 28-годишникот, си дава сметка дека даночниот живот не е за него, но за разлика од многумина други, кои исто така го спознале овој факт, Ги не се поколебава да го направи најтешкиот чекор.

Кој е следниот потег? Да патува со неговата сопруга Џесика и нивните две мали деца.

Интересно е дека семејството Ги не ги користи парите од зделката со Snapchat, а наместо тоа одлучуваат да продадат целиот свој имот во вредност од 45 000 долари, и одлучуваат дека ќе патуваат со овие пари во текот на шест месеци или за колку време тие пари ќе им стигнат.

Во наредните месеци, тие патуваат низ целиот свет и ги документираат своите авантури на блогот за семејство на социјалните мрежи. Пет месеци подоцна откриле дека остануваат со само 5.000 долари. И додека тие направиле пресметки како да заштедат што е можно повеќе, нивната активност на социјалните медиуми почнала да им се заблагодарува.

Хотели, авиокомпании и други брендови почнаа да работат со нас, вели Ги. Најпрвин ни понудија бесплатен престој или лет за да се обрне внимание на социјалните мрежи преку семејни приказни.

Меѓутоа, постепено, заедницата околу семејството на социјалните медиуми се зголеми толку многу што исто така почнале да генерираат приходи за семејството. Блогот и спонзорствата се покажаа доволно профитабилни за четиричленото семејство да можат безбедно да го финансираат нивниот нов начин на живот.

Повеќе од една година по почетокот на нивниот живот - патување, Герет вели дека тој не ги чепнал своите пари  од Snapchat уште.

Денес, околу две и пол години по лансирањето на The Bucket List Family, брендот има 940.000 следбеници во Instagram и 157.000 на YouTube. Герет и Џесика поминуваат 20 часа неделно во одржување на нивните профили на социјални платформи и бараат нови партнерства со други брендови. Живеат како што сонувале.