Секој од нас сака да оди напред. Меѓутоа, дури и да се чини дека правите се како што треба - никогаш не доцните на работа, ретко сте земале боледување и секогаш ги почитувате крајните рокови - покачувањето на вашата плата може да е многу далеку. 

Вие можеби сметате дека сте целосно посветени на работата, па зошто тогаш не сте наградувани? Одговорот е едноставен - не напредувате доколку ги исполнувате очекувањата на вашиот претпоставен. 

Очекувањата на вашиот претпоставен се цената за влезот. Дури и ако се трудите посебно многу и правите се што се бара од вас, Вие нема да се одвоите. Ќе бидете гледани како некој/а кој/а ги извршува минималните барања и никој кој гради одлична кариера е гледан на тој начин. 

Трикот во напреднувањето во вашата кариера и зголемувањето на вашата плата е во додавањето вредност преку креирањето на придонеси кои вредат повеќе отколку што сте платени. Вие треба да сте насочени напред и да бидете перцепирани како некој без кој организацијата не може да живее. Ова не е толку тешко колку што звучи и можете да успеете во својата цел преку употреба на следниве чекори: 

Чекор 1: Знаење за индустријата на компанијата, конкурентите, последните иновации и предизвици 

Професионалниот развој е важен, но зошто да запрете овде? Ако навистина сакате да ги импресионирате вашите претпоставени, впијте колку што е можно повеќе информации за вашата компанија и индустрија. На овој начин, не само што ќе покажете дека знаете како да ја работите својата работа, туку и знаете зошто ја работите и зошто е важна. 

Чекор 2: Наместо секогаш да го имате одговорот, претпоставете го прашањето 

Секогаш е добро чувство кога можете да го одговорите прашањето на вашиот претпоставен без тој/таа да ве чека цела вечност. Но, ако навистина сакате да оставите впечаток, претпоставете го прашањето. Размислете за нештата кои му/и се важни и информирајте го/ја дневно. Ќе заштедете време и тој/таа ќе го цени ова исто како и вашиот ентузијазам. 

Чекор 3: Самите посочете ја својата грешка 

Одговорноста е веќе изгубена уметност. Преголем број на луѓе се трудат да ги прекријат своите грешки, плашејќи се да признаат пораз. Покажете им на своите претпоставени дека не сте исплашени од признавањето на своите грешки. Уште подобро е ако имате смислено решение или чекорите кои веќе сте ги превземале за решавање на проблемот. Секој од нас прави грешки, но она што може да ве одвои е начинот на кој се справувате со истите. 

Чекор 4: Наместо да барате тренинг, направете го тоа самите 

Вообичаен совет кога се работи за кариерата е да барате од вашиот претпоставен да ве води на обуки и на работилници за подобрување на вашите вештини. Но, тука не се работи за она што е вообичаено. Бидете насочени кон тренирање на самите себеси, во вашето слободно време. Не е потребно да биде премногу скапо, постојат многу достапни бесплатни курсеви кои може да се одржат онлајн. Вие можете да бидете работникот кој ќе се одвои бидејќи самоиницијативно ги ислушал потребните обуки. 

Чекор 5: Бидете проактивни

Скоро секој може да го направи она што му е кажано. Но, проактивноста се цени два пати повеќе. Ако гледате проблем, решете го. Ако забележете нешто што треба да се направи, направете го. Направете било што што сметате дека ќе е различно и ќе биде од корист. Тука се цени визијата повеќе од се останато. 

Чекор 6: Бидете смирени во кризни ситуации 

Малку нешта го задржуваат вниманието на вашиот претпоставен како способноста да смирите бура. Без разлика дали се работи за конфликт помеѓу вработените, општа криза поради промена на правило или нешто сосема друго, осигурајте се дека Вие сте тие кои ќе останат смирени и во контрола на своите емоции. Вашата способност да останете смирени за време на криза демонстрира лидерски потенцијал и лидерите добиваат унапредување. 

По информациите дека Фејсбук наскоро на глобално ниво ќе го промени начинот на прикажување вести и на сите во светот ќе им воведе раздвоен News и  Explore Feed, акциите на таа компанија паднаа за повеќе од 4 отсто.

Потсетуваме, Марк Закерберг на својата фејсбук страна објасни дека наместо постови од страници таа социјална мрежа ќе нагласува содржина која ќе поттикнува разговор помеѓу семејствата и пријателите. Фејсбук призна дека од сега објавите на Фејсбук страниците помалку ќе се истакнуваат, а промените ќе стапат на сила во наредните недели.

Добиме повратни информации од нашите заедници дека јавната содржина-постови кои промовираат нечиј бизнис, брендови и медиуми-ги преплавуваат личните моменти кои не доведуваат до тоа повеќе да се зближуваме-напишал и додал дека тој и неговиот тим чувствувале осговорност бидејќи Фејсбук е пред се тука заради доброто на човештвото.

Како и најголемиот дел од успешните индивидуалци, претприемачите и директорите се експерти во будењето на најдоброто во себе и во луѓето околу нив. Меѓутоа, за разлика од сите други, тие мора да сносат огромна количина на одговорност за доброто на другите луѓе. 

Тоа се луѓето кои се осигуруваат дека компанијата функционира одлично и е подготвена да се прилагоди на било какви непланирани активности кои може да го забават моменталниот тек на нештата. Целиот овој притисок за дејствување - да се биде одговорен, фокусиран води до менталитет кој е ориентиран кон развојот и креира огромен успех. Меѓутоа, тоа не секогаш е едноставно и во многу наврати, на претприемачите и директорите им е потребен ментор, тренер, обучувач. Во продолжение, прочитајте неколку карактеристики кои сите претприемачи и директори треба да ги знаат за обуките, тренинзите и личниот развој. 

• Тренингот функционира кога ќе го пронајдете вистинскиот тренер (и кога сте подготвени да ја напуштите комфор зоната)

Да, ќе биде потребно да го пронајдете вистинското совпаѓање. Но повеќе од тоа, ќе биде потребно да имате желба да ја напуштите вашата комфорна зона. Целиот ваш ден се состои од тоа што вие го давате најдоброто од себе во секоја ваша интеракција. Тренинзите се поразлични од ова.

Целта не е да го погодите секој одговор - целта е да размислувате. Да ги погледнете нештата со нови очи кои немаат поврзаност со продуктивноста и перформансот. Тоа е потешко. И не е едноставно, туку бара време, енергија и доверба. 

• Менталитетот кој го користите како професионалец не е оној кој ви е потребен за личен развој 

Кога му пристапувате на личниот развој со идејата за продуктивност, ја пропуштате поентата. Го отстранувате личниот дел од таа равенка и единствено што конзумирате е раст. 

Личниот развој бара трпение, предавање и поврзување. И тука се работи за вашата способност да ги оставите нештата отколку поцврсто да почните да работите на истите. Одлична споредба е со возењето автомобил - овде не се работи за поцврсто држење на воланот додека не ги чувствувате дланките повеќе. Вие веќе сте одличен возач. Тренингот е за да научите како да ги оставите нештата и да му верувате на GPS-от во вас самите. 

• Искусување на непријатни и нејасни емоции 

Верувањето во процесот значи дека ќе искусите нејасни и непријатни емоции, но се уште ќе верувате дека тоа ќе доведе до позитивни резултати иако не можете да ги забележите. Понекогаш личниот развој се случува во само еден момент. Верувајте му на процесот и резултатите ќе се појават кога ќе сте подготвени. 

• Не постои развој без акција

Кога зборувате за начини на личниот развој и не ги имплементирате, вие ја избегнувате одговорноста за доброто на вашите емоции. И тоа е разбирливо, вие веќе имате огромна одговорност, но и за ова постои збор - избегнување. 

Избегнувањето не секогаш значи дека не стоите на она што го зборувате, туку само значи дека се уште сте во подготвителната фаза. И тоа е во ред. Но, зборувањето и акцијата се две различни карактеристики - едното од нив ве спречува да остварите вистински промени. 

• Подобрување на професионалниот перформанс и личното задоволство 

Да, резултатите од обуките за личниот развој ќе го подобрат вашиот перформанс на работното место. Ќе имате поголема концентрација, фокус, мотивација и ќе бидете подобри во секоја следна интеракција. Но, најважниот дел од личниот развој е личното задоволство, чувството на автентичност кое доаѓа од тоа да се биде поврзан со себеси и другите на начин кој дава вистинска вредност. 

Дали некогаш се чувствувате како да „чекорите на јајца“ додека сте на работа? Вашите мислења не се важни, исплашени сте од правење грешки и и кулутрата е онаа на страв и заплашување. Многу возможно е ако си доаѓате дома и постојано му/и се жалите на вашиот партнер за работата и можеби почнувате да чувствувате физички симптоми на стрес, време е да признаете дека вашата работа е ужасно, токсично место. Ако не сте сигурни, во продолжение прочитајте за каква токсична работна средина станува збор. 

1. Вашиот менаџер е опсесивен контролор 

Оваа личност микроменаџира до последниот детал. Ситуациајта е неподнослива и загушлива, бидејќи тој или таа сака контрола врз одлуките. Тој или таа не верува на тимот и не делегира обврски, не постои простор за групно дискутирање или изнесување мислење затоа што лидерскиот страв е автократки. Мотото е - послушај ги своите наредни и обезбеди извештај назад. 

2. Луѓето ја играат играта на обвинување 

Многу е веројатно дека сте ја слушнале изреката „За секој прст што го посочувате, има три свртени накај Вас.“ Во компанија која има токсична работна средина постојано ќе наидите на луѓе кои немаат лична одговорност и постојано си ја префрлаат вината. Ако ова е вашата компанија или вие сте на средина од бојното поле, најдобро е да се издигнете над тоа - Посочете го специфичното однесување, не го персонализирајте прашањето (бидете објективни), комуницирајте јасно со докази и документирајте се што е кажано или посочено. 

3. Не можете на никого да верувате 

Во насилна култура на компанија, не е безбедно да споделувате информации. Преживувањето на работните места од овој вид е од ден за ден, со постојана присутност на непредвидливото. Верувањето на вашите соработници е ризично, бидејќи тие може да се вашите непријатели. Верувањето на вашиот менаџер е корпоративно убиство. Обновете го вашето CV доколку ова е случај затоа што големи се шансите да сте оставени сами на себе. 

4. Озборувањето е убиец на моралот 

 Незадоволни работници, кои не се согласуваат со насоките во кои се движи компанијата или не го добиле планираното унапредување - припаѓаат во оваа група. Бидете внимателни со нив, бидејќи овие луѓе имаат навика да го шират својот отров и да ве полнат и Вас со негативна енергија. 

5. Внимателни со лицемерието 

Дали сте забележале соработници кои ќе се умилкуваат на менаџерите за да добијат заслуги, најчесто на ваша штета? Тие се оние луѓе кои ќе излезат од своите патишта за да станат приајтели со менаџерскиот тим и да ги манипулираат, со цел добивање подобар третман. Третман како тренинзи, плус слободно време или посебни бенефити за кои никој друг не знае. Бидете внимателни со колегите кои поминуваат повеќе време од потребното со своите менаџери. 

6. Луѓето се третирани како број 

Од сениорска менаџерска перспектива, вработените се гледани како работни пчели и се само објекти или трошоци отколку потреба. Постои многу мала грижа за нивната среќа или за добробитието на овие вработени лица. Многу малку се и доказите за сочуство од лидерите, како и емпатија кон вработени.