Според одлуката на Регулаторната комисија за енергетика (РКЕ) малопродажните цени на бензините и дизелот поевтинуваат.

Од ноќeска на полноќ цената на горивата се намалува за 2,5 денари по литар, одлучи РКЕ.

Новата малопродажна цена на Еуросупер БС-95 изнесува 65,50 денари за литар, Еуросупер БС-98 ќе се продава за 67 денари за литар, Еуродизел (Д-Е V) за 57 денари за литар, а Екстра лесното масло за домаќинство (ЕЛ-1) за 45,50 денари за литар.

Со одлуката на РКЕ за 1,243 денари за килограм се намалува и  малопродажната цена на мазутот М-1 НС и ќе изнесува 27,856 денари за килограм.

Со одлуката се врши намалување на рафинериските и на малопродажните цени на нафтените деривати во просек за 6,19, односно за 4,21 отсто.

Централниот регистар на Република Македонија ги известува сите обврзници за поднесување годишни сметки дека прием на годишни сметки и финансиски извештаи за минатата година ќе се врши и в сабота, на 24.02.2018 година, од 8:00 до 16:00 часот во сите градови освен во Кратово, Крушево и Демир Хисар.

„На 26.02.2018, 27.02.2018 и 28.02.2018 година Централниот регистар ќе работи од 7:00 до 21:00 часот, освен во РК Македонски Брод, РК Виница, РК Берово и РК Делчево, каде работното време ќе биде од 8:00-16:00 часот. Во градовите каде што Централен регистар нема канцеларии, приемот на годишните пресметки ќе биде со следниот распоред: Во Кратово прием ќе се врши на 26.02.2018, 27.02.2018 и 28.02.2018 година, во просториите на Општина Кратово од 8:00 – 16:00 часот. Во Крушево приемот ќе се врши во просториите на УНИ банка на 26.02.2018, 27.02.2018 и 28.02.2018 од 8:00 – 16:00 часот. Во Демир Хисар приемот ќе се врши во Општина Демир Хисар на 26.02.2018, 27.02.2018 и 28.02.2018 од 8:00 – 16:00 часот“, соопшти Централниот регистер.

За субјектите со вид на големина (микро и мали) кои нема да достават годишна сметка во хартиена форма во законскиот рок, ќе имаат можност годишната сметка согласно со Законот за трговски друштва да ја поднесат во електронска форма до 15 март.

ММФ и препорачува на Македонија да ја зголеми старосната граница за пензионирање со цел покривање на дупката во пензискиот фонд.

Токму оваа препорака предизвика лавина од реакции во јавноста а синдикатите веднаш се изјаснија како против.

Оваа тема денес ја наметнуваме за дебата дали треба или не треба да се покачи  границиата на старосната пензија.

Вашето мислење оставете го во коментар.

Пријателствата во канцеларија се комплицирани, особено ако сте шеф. Важно е да се одржуваат добри односи со вработените и да се направи да се чувствуваат удобно околу вас. Но, во исто време постои ограничување кое не треба да се преминува ако не сакате луѓето да го изгубат почитувањето и да се обидат да ја користат вашата блискост. Како да се одржува рамнотежа ни даваат неколку совети од Inc.com.

Ако сакате да се доближите до вашите вработени:

• Прашајте ги почесто за нивните мислења;
• Изразувајте благодарност, ценете ги нивните напори;
• Бидете позитивни. Луѓето се привлечени од енергични и оптимистички поединци.

Ако сакате да поставите појасна граница во вашата врска:

• Направете построг временски распоред во канцеларијата;
• Учтиво одбивајте покани за прекувремени состаноци кога стануваат премногу чести;
• Наведете ги улогите што секој ги има на работното место и нагласете дека тие не треба да бидат непочитувани;
• Забележете им на вработените кога нивните разговори со вас стануваат премногу лични или несоодветни.