Речиси четири месеци во Струмица не се полага возачки испит.  Испитниот центар Ас струмекс кој го опслужува цел југоисток, од 30 ноември минатата година не спроведува ниту  практично  ниту теоретско тестирање на кандидатите кои сакаат да добија возачки дозволи. Членовите на испитната комисија немала лиценци како што предвидува законот за безбедност на сообраќајот на патиштата чии измени стапија на 1 декември лани, објави Телевиизја 24.

Повеќе од 500 кандидати од Струмица, Радовиш, Валандово и Гевгелија кои ја поминале обуката чекаат да го положат завршниот  испит за возачка дозвола, но сегашната комисија немала законска основа да го спроведе завршниот испит оти немаат лиценци.

Законското решение за безбедност во сообраќајот на патиштата од  2015 налага од 30 ноември 2017 сите испитни центри во Македонија  да поседуваат лиценцирани испитувачи. Лиценците треба да ги издава МВР. Но постапката се уште не е завршена.

„Со решение на министерот, формирана е комисија која има задача да спроведе постапка за спроведување на стручиот испит  на електронски начин за  испитувачи – теоретски и практичен дел. Во МВР се води постапка за избор на стручни лица (двајца универзитетски професори)  кои заедно со преставници на Министерството за внатрешни работи треба да изготват база на прашања за спроведување на стручниот испит“, одговорија од Министерството

Одлагање на спорните одредби и промена на законското решение бараат од здружението на независни возачи, инструктори и авто школи оти нема законско покритие за полагање возачки испит.

Законската одредба за добивање на лиценца за стручен кадар во авто школата и испитниот центар, роковите се пробиени. Не знам што содржат измените, дали ќе се оди со одложување, бидејќи министерството веќе има изготвено измени на овој закон, вели Јонче Апостоловски – Здружение на независни возачи, инструктори и автошколи.

Во Македонија постојат 8 испитни центри. Во дел од нив според информациите на Телевизија 24  се полага возачкиот испит иако стручниот кадар на испитните центри немаат  лиценци.

Познати се овогодинешните 10 најуспешни менаџерки во Македонија. Тие ќе бидат прогласени на годинашниот 22. избор на Топ 10 најуспешни што го организира агенцијата „Марили“ на 29-ти овој месец.

Пенка Мукаетова од Интел консталтинг груп, Лидија Таскова „ЕСП“, Горица Дачевска ПЗУ „Др. Горица Дачевска“, Ирена Кузмановска „Комфи Ангел“, Јана Јанеска-Ристеска Центар за современа ликовна уметност, Елена Таковска „Фармаген“, Слаѓана Стаменкова „Елит Травел“, Александра Аргир од „Скопска пивара“ и Магдалена Трајковска-Трпевска генерален менаџер во Технолаб и Наташа Стојковска од „Витаминка“ се овогодинешните топ десет менаџерки кои ќе го добијат признанието.

Изборот се прави од жени менаџерки од приватниот сектор. За да бидат дел од Топ 10-те најуспешни, треба тие да се добро прифатени во својата работна средина и тоа не само од менаџмент тимот, туку и од сите вработени, треба да бидат од различни области и дејности.

Досега се избрани 220 жени за најуспешни менаџерки во земјава. Секоја година се избираат традиционално по 10, а по повод 20 годишнината од организирање на изборот беа избрани 20 најуспеши менаџерки.

Покрај традиционалниот избор на 10-те најуспешни жени менаџерки, „Марили“ годинава по четврти пат го организира и Денот на здравјето.

Генералната менаџерка на „Марили“ Лидија Трипуноска,  вели дека годинава фокусот ќе биде ставен на тематскиот ден за здравјето и убавината во функција на соверемената жена насловен како „Дама Да“ кој ќе се одржи на 31-ви овој месец.

На едукативниот ден ќе има предавање, презентации и хуманитарна аукција на слики,  а специјална гостинка е српската писателка Јелена Бачиќ Алимпиќ.

Даночните обврзници кои ги користат даночните услуги на Регионалната дирекција  на УЈП - Скопје од 1 мај годинава задолжително ќе треба да ја користат услугата „Закажи средб@“.

Услугата овозможува секој даночен обврзник да закаже термин за остварување средба со даночен агент во УЈП - Регионалната дирекција Скопје, во време кое нему му одговара, а со цел консултација за специфични прашања кои се однесуваат на рокови, начини за пријавување и плаќање даноци, oтворање бизнис и регистрација на даночен обврзник, консултации за издадени даночни документи, утврдување даноци, постапки за наплата на долгови;, како и правни прашања.

Услугата  може да се користи он-лајн или преку Инфо центарот на УЈП. Средбата може да се закаже преку Инфо центарот (0800 33 000 или 02/3253 200) или он-лајн преку веб страницата на Контакт центарот.

Како изгледа работната маса во вашата канцеларија? Дали е чиста и уредна или натрупана со еден куп работи? Во продолжение прочитајте зошто треба да се ослободите од вашите многубројни лепливи белешки, моливи и другите слични предмети…

1. Остатоци од храна

Остатоците од вашиот ручек припаѓаат во фрижидерот, а не на вашата работна маса. Покрај тоа што ова може да им пречи на вашите колеги, трошките и заборавената храна можат да привлечат еден куп инсекти и животинки. За да го избегнете овој проблем, фрлајте го ѓубрето од храната во корпата што се наоѓа во кујна, а не во таа под вашето биро. Ѓубрето од кујната сигурно се исфрла многу почесто.

2. Еден куп канцелариски прибор

Постои причина зошто вашата канцеларија треба да биде уредно. Според едно истражување, колку повеќе предмети има околу вас толку повеќе секој од нив ќе го привлекува вашето внимание. Тоа значи дека на вашиот мозок ќе му биде многу потешко да ги филтрира информациите, а тоа може да биде голем проблем ако треба да пишувате имејлови или да се фокусирате на некој проект. Вашиот канцелариски прибор нека се состои од 3 пенкала, маркер и молив. Што се однесува до листовите хартијата, оние што ви требаат чувајте ги секогаш во папка, а другите веднаш рециклирајте ги.

3. Несоодветни фотографии

Онаа урнебесна фотографија од вас и вашите пријателки на луда моминска вечер дефинитивно не би требало да стои во вашата канцеларија. Можете да ставите фотографија од вас и вашиот партнер, сопруга и деца или пак најдобар пријател. Ако не сакате шефот да ја види вашата фотографија, тогаш не ја чувајте на вашата работна маса.

4. Ароматични освежувачи

Одредени миризби (како што се пеперминт и лимон) навистина можат да направат чуда за вашата продуктивност и концентрација. Иако можеби идејата да ги вклучите овие мириси во вашата канцеларија ви звучи одлично, освежувачите не се најдобриот начин да го сторите тоа, особено ако вашите колеги немаат ист вкус. Наместо тоа, чувајте мало шише со миризливо масло по ваш избор на вашата работна маса. Кога ќе сакате да го почувствувате мирисот, ставете една капка на памукче и помирисајте.

5. Политички предмети

За време на изборите, можеби ќе сакате да покажете кој е вашиот омилен кандидат со беџ или налепница. Но, освен ако не работите во политичка канцеларија, задржете ги вашите преференции за себе.

6. Лудило од лепливи белешки

Големиот број лепливи белешки можат да предизвикаат повеќе штета отколку корист. Секако дека треба да залепите белешка на вашиот компјутер за да објасните зошто ве нема на бирото, но ако целата рамка на екранот е пополнета со овие белешки, време е да размислите за вашиот начин на организација.

7. Предмети за лична нега

Предметите како што се спреј за коса, крема и шминка, можете да ги чувате во фиока во биро, но не ги оставајте на работната маса. Вашата работна маса треба да ви помогне да останете организирани и концентрирани, а не да ве потсетува дека треба да си ги средите ноктите или косата.

8. Предмети што одвлекуваат внимание

Дали телефонот на вашата работна маса ве примамува да проверите што се случува на Фејсбук на секои 5 минути? Дали вашите списанија ве тераат да сонувате со отворени очи? Ваквите предмети го одвлекуваат вниманието, па затоа чувајте ги настрана и вадете ги само за време на претходно испланираните паузи.

9. Нездрави ужини

Нема ништо лошо во тоа да грицкате на работа, ако јадете бадеми, наместо чипс. Чувајте само здрава храна на бирото за да можете да си ја вратите енергијата секогаш кога се чувствувате изморено. Ако ви треба нешто слатко, темното чоколадо е вашиот најдобар избор. Некои истражувања покажале дека овој десерт ја зголемува концентрацијата.