Патниците ќе имаат обврска да дадат информации за последните пет години. Тоа ќе се однесува на претходните патувања во странство, телефонските броеви што ги користеле во тој период, имејл адресите и профилите на социјалните мрежи.

Патниците кои сакаат да ги посетат САД наскоро ќе мора да ги дадат своите идентитети на социјалните мрежи, претходните телефонски броеви и имејл адреси, соопшти вечерва американскиот Стејт департмент.

Таа мерка на годишно ниво ќе се однесува на околу десет милиони луѓе кои сакаат туристичка виза или да имигрираат во САД. Ова нема да важи за дипломати и валдини претставници.

Во предлогот не се споменува програмата за иземање од визи (ESTA) што ја користат граѓаните од околу 40 богати земји, меѓу кои и 30 од Европа. Оваа програма овозможува 90 дена престој во САД без  виза.

Патниците ќе имаат обврска да дадат информации за последните пет години. Тоа ќе се однесува на претходните патувања во странство, телефонските броеви што ги користеле во тој период, имејл адресите и профилите на социјалните мрежи.

За новиот предлог и неговото донесување ќе се одлучува на 29 мај.

При враќање на парите за радиодифузна такса на граѓаните, Управата за јавни приходи им наплаќала на граѓаните 300 денари за образец што треба да го пополнат за да им бидат вратени 290 денари, алармираше народниот правобранител, Иџет Мемети презентирајќи го годишниот извештај.

Според него Управата за јавни приходи постапувала спротивно на човековите права.

Ова е парадоксално постапување на УЈП, рече Мемети.

Од минатогодишната работа, според Мемети, произлегуваат неколку исклучително важни констатации:„Селективната правда е се поприсутна, партизираната и непрофесионална јавна админситрација на централно, а особено на локално ниво е сериозна пречка во остварување на правата на граѓаните, популистичките и неприменливите правни прописи дополнително го отежнуваат остварувањето на правата на граѓаните, лошиот систем на извршување особено го погодува најсиромашниот слој граѓани, социјалната заштита останува систем со кој не се надминува социјалниот ризик, имаме појава на дискриминација по сите основи, неефикасно судство и обвинителство, но и полиција која со примена на сила ги надминува своите овластувања, останувајќи неказнета“.

Советот на Народната банка на Република Македонија на вчерашната седница донесе Одлука од 15 мај годинава да бидат пуштени во оптек книжни пари изработени од полимер, во апоени од 10 и 50 денари.

На седницата, како што соопшти НБРМ, била донесена и Одлуката за повлекување од оптек на книжните пари во апоени од 10 и 50 денари што се во оптек од 8 септември 1996 година, а се употребуваат и во моментов.

Согласно со оваа Одлука, на денот кога ќе бидат пуштени во оптек книжните пари во апоени од 10 и 50 денари, изработени од полимер, книжните пари со истата апоенска вредност, коишто се во оптек од септември 1996 година престануваат да бидат законско средство за плаќање. Нив, правните и физичките лица ќе можат бесплатно да ги заменат со други книжни и ковани пари со еквивалентен износ. Замената на книжните пари, од 15 мај годинава до 15 мај следната година, ќе ја вршат деловните банки основани во Република Македонија, а по овој период, замената ќе се врши во Народната банка, се наведува во соопштението.

Советот на седницата донесе Одлука од 15 април годинава да бидат пуштени во оптек ковани пари во апоен од два денари, со ознака на ковање „2018“.

Со пуштање во оптек на овие ковани пари во готовинскиот платен промет на Република Македонија, во важност ќе бидат, паралелно, и кованите пари во апоен од два денари издадени претходно. На седницата беше донесена и Одлука согласно со која од 2 мај годинава ќе бидат пуштени во оптек и книжни пари во апоен од 100 денари, со ознака за печатење „МАЈ 2018“, по што во важност ќе бидат, паралелно, и книжните пари со истата апоенска вредност издадени досега, се додава во соопштението од НБРМ.

Советот на НБРМ донесе Одлука за начинот на вршење супервизија и надзор, со која се овозможува натамошно унапредување на начинот на кој НБРМ врши супервизија на деловните банки во Републиката и надзор на работењето на лица поврзани со деловна банка, на други лица во банкарска група и на друштво за помошни банкарски услуги.

Со Одлуката се врши приближување на супервизорската практика на Народната банка до практиката којашто се применува од страна на Европската централна банка и од страна на националните супервизорски органи од Европската Унија коишто се членки на единствениот супервизорски механизам.

На денешната редобна седница Советот разгледа и други прашања од својата надлежност. 

Благодарение на огромниот успех од скромните почети до неверојатниот успех кој Опра Винфри го ужива денес, таа стана инспирација за голем број луѓе во светот.

Ова се 5 совети за успех од неа.

Трудете се да бидете извонредни.

Изборот да бидете извонредни се случува кога ќе воспоставите баланс меѓу вашите мисли и зборови, со желба постојано да барате повеќе од себеси.

Според Опра, можете да се натерате себеси да го постигнете својот максимум во секој момент. Најчесто правиме онолку колку што е неопходно за да се заврши работата, но така не постигнуваме многу. Потребно е да се тежнее кон извонредност и да се концентрираме на тоа да правиме најдобро што можеме.

Учете од неуспехот.

Не верувам во неуспехот. Не е неуспех ако уживате во самиот процес, вели таа.

Една од клучните разлики меѓу луѓето кои се успешни и кои не се  лежи во тоа дека успешните луѓе учат од своите неуспеси, додека пак неуспешните се блокираат себеси, но и другите и ги користат сите можни изговори. Како што вели и таа, трикот се состои во уживањето во самото остварување на целите, без оглед на исходот. И успехот и неуспехот се добри учители, и едното и другото нѐ прават подобри личности.

Успехот не е цел.

Доколку сакате да постигнете успех, не можете да го поставите како своја цел. Клучно е да не се грижите за успехот, туку да вложувате напор за да станувате значајни, а тој ќе дојде сам по себе. – Опра Винфри

Со ова, таа сака да каже дека успехот сам по себе не е добра цел. Практично ќе завршите не правејќи ништо, доколку во потполност ги контролирате мислите, обидувајќи се да го постигнете успехот кој сте го зацртале.

Големата тајна на животот.

Големата животна тајна е дека не постојат тајни. Без оглед на тоа што е вашата цел, ќе ја постигнете доколку имате волја да се посветите на тоа.

Голем дел од нас всушност не сакаат да посветат многу време и труд за да ги исполнат своите цели. Полесно би одбрале со некаква магија да дојдеме на местото кое го сакаме. Меѓутоа, вистината е дека патот без пречки не носи уживање во успехот кој доаѓа потоа.

Откријте што сакате да правите.

Почнав да верувам дека секој од нас има сопствено знаење кое е единствено како отисокот на прстите и дека тоа е најдобар пат за постигнување успех во она што го сакаме. – Опра Винфри

Таа смета дека еден од најдобрите начини за постигнување успех во животот е всушност откривањето што највеќе сакаме да правиме и барање можност тоа да им го понудиме на другите како услуга.