Советот на Народната банка на Република Македонија на вчерашната седница донесе Одлука од 15 мај годинава да бидат пуштени во оптек книжни пари изработени од полимер, во апоени од 10 и 50 денари.

На седницата, како што соопшти НБРМ, била донесена и Одлуката за повлекување од оптек на книжните пари во апоени од 10 и 50 денари што се во оптек од 8 септември 1996 година, а се употребуваат и во моментов.

Согласно со оваа Одлука, на денот кога ќе бидат пуштени во оптек книжните пари во апоени од 10 и 50 денари, изработени од полимер, книжните пари со истата апоенска вредност, коишто се во оптек од септември 1996 година престануваат да бидат законско средство за плаќање. Нив, правните и физичките лица ќе можат бесплатно да ги заменат со други книжни и ковани пари со еквивалентен износ. Замената на книжните пари, од 15 мај годинава до 15 мај следната година, ќе ја вршат деловните банки основани во Република Македонија, а по овој период, замената ќе се врши во Народната банка, се наведува во соопштението.

Советот на седницата донесе Одлука од 15 април годинава да бидат пуштени во оптек ковани пари во апоен од два денари, со ознака на ковање „2018“.

Со пуштање во оптек на овие ковани пари во готовинскиот платен промет на Република Македонија, во важност ќе бидат, паралелно, и кованите пари во апоен од два денари издадени претходно. На седницата беше донесена и Одлука согласно со која од 2 мај годинава ќе бидат пуштени во оптек и книжни пари во апоен од 100 денари, со ознака за печатење „МАЈ 2018“, по што во важност ќе бидат, паралелно, и книжните пари со истата апоенска вредност издадени досега, се додава во соопштението од НБРМ.

Советот на НБРМ донесе Одлука за начинот на вршење супервизија и надзор, со која се овозможува натамошно унапредување на начинот на кој НБРМ врши супервизија на деловните банки во Републиката и надзор на работењето на лица поврзани со деловна банка, на други лица во банкарска група и на друштво за помошни банкарски услуги.

Со Одлуката се врши приближување на супервизорската практика на Народната банка до практиката којашто се применува од страна на Европската централна банка и од страна на националните супервизорски органи од Европската Унија коишто се членки на единствениот супервизорски механизам.

На денешната редобна седница Советот разгледа и други прашања од својата надлежност. 

Благодарение на огромниот успех од скромните почети до неверојатниот успех кој Опра Винфри го ужива денес, таа стана инспирација за голем број луѓе во светот.

Ова се 5 совети за успех од неа.

Трудете се да бидете извонредни.

Изборот да бидете извонредни се случува кога ќе воспоставите баланс меѓу вашите мисли и зборови, со желба постојано да барате повеќе од себеси.

Според Опра, можете да се натерате себеси да го постигнете својот максимум во секој момент. Најчесто правиме онолку колку што е неопходно за да се заврши работата, но така не постигнуваме многу. Потребно е да се тежнее кон извонредност и да се концентрираме на тоа да правиме најдобро што можеме.

Учете од неуспехот.

Не верувам во неуспехот. Не е неуспех ако уживате во самиот процес, вели таа.

Една од клучните разлики меѓу луѓето кои се успешни и кои не се  лежи во тоа дека успешните луѓе учат од своите неуспеси, додека пак неуспешните се блокираат себеси, но и другите и ги користат сите можни изговори. Како што вели и таа, трикот се состои во уживањето во самото остварување на целите, без оглед на исходот. И успехот и неуспехот се добри учители, и едното и другото нѐ прават подобри личности.

Успехот не е цел.

Доколку сакате да постигнете успех, не можете да го поставите како своја цел. Клучно е да не се грижите за успехот, туку да вложувате напор за да станувате значајни, а тој ќе дојде сам по себе. – Опра Винфри

Со ова, таа сака да каже дека успехот сам по себе не е добра цел. Практично ќе завршите не правејќи ништо, доколку во потполност ги контролирате мислите, обидувајќи се да го постигнете успехот кој сте го зацртале.

Големата тајна на животот.

Големата животна тајна е дека не постојат тајни. Без оглед на тоа што е вашата цел, ќе ја постигнете доколку имате волја да се посветите на тоа.

Голем дел од нас всушност не сакаат да посветат многу време и труд за да ги исполнат своите цели. Полесно би одбрале со некаква магија да дојдеме на местото кое го сакаме. Меѓутоа, вистината е дека патот без пречки не носи уживање во успехот кој доаѓа потоа.

Откријте што сакате да правите.

Почнав да верувам дека секој од нас има сопствено знаење кое е единствено како отисокот на прстите и дека тоа е најдобар пат за постигнување успех во она што го сакаме. – Опра Винфри

Таа смета дека еден од најдобрите начини за постигнување успех во животот е всушност откривањето што највеќе сакаме да правиме и барање можност тоа да им го понудиме на другите како услуга.

Зголемувањето на данокот ќе ги избрка квалификуваните работници од земјава. Најавената даночна реформа која ќе значи персоналец од 18% за приход на 1000 евра силно ќе удри на ИКТ индустријата.

Во моментов во овој сектор работат околу 6000 високо квалификувани работници и компаниите се соочуваат со сериозен недостиг ка кадар. Зголемувањето на данокот ќе доведе до одлив и на тие работници кои ги имаат.

Даночната реформа ги извади на виделина и несогласувањата во Владата. За разлика од министерот за финансии кој смета дека лицат со приход од 1000 евра се богати и треба да плаќаат повеќе, вицепремеиеот Ангушев смета дека прагот за поголемо даночење треба да биде повисок. Бизнис секторот овој пат е на страната на вицепрмеиерот.

Стопанствениците велат дека зголемените даноци ќе продуцираат сива економија и ќе значат враќање назад на земјава.

Од наредниот месец ќе почне вистинската дебата за даночната реформа. Таа ќе почне да важи од следната година.

Детално распределување на рамковните вработувања. Со оваа мерка најверојатно ќе се спречи она што досега се случуваше, голем дел од нив воопшто не се појавуваа на работа, а земаа плата. Покрај МВР и здравството, тие ќе добијат шанса да работат и во библиотеки, судови итн.

Најголем број од 958 административни службеници вработени во Секретаријатот за спроведување на Рамковниот договор добиле прекоманда во болниците и во Министерството за внатрешни работи (МВР). Во универзитетски клиники, здравствени домови, општи болници низ повеќе градови во земјава распоредени се точно 100 лица.

Исто така, добар дел од вработените според Рамковен се распоредени во МВР, вкупно 50. Од Управата за јавни приходи, пак, работни договори ќе им бидат понудени на 39, а од Царинската управа на 30 лица. Во јавните обвинителства и во Управата за водење на матични книги, пак, прекоманда добиле по 26 лица. Во Министерството за надворешни работи се распоредени 19, во Министерството за образование и наука 17, во Агенцијата за катастар на недвижности 18, Министерството за финансии 16, исто како и во Фондот за здравствено осигурување и во Бирото за образование и развој. Во Македонски пошти 15. Бројот на распоредени лица во останатите институции од јавниот сектор е под 15, а во голем дел од нив се распоредени и по само едно или две лица.

На денешниот брифинг со новинарите, министерот за информатичко општество и администрација, Дамјан Манчевски рече дека со измените и амандманите на законите во изминатиот период, се создале услови овие вработени да можат да се распределат не само во административната служба, како што беше случајот до сега, туку и во институциите од јавниот сектор.

Како што веќе објавивме, ова им е претпоследна шанса пред да добијат отказ. Во случај да го одбијат понуденото работно место тие ќе бидат префрлени на трансфер листата во Министерството за информатичко општество и администрација. На таа трансфер листа ќе им бидат на располагање на сите државни институции кои ќе можат да ги ангажираат. Во моментот кога ќе бидат побарани за преземање, имаат обврска да ја прифатат понудата. Ако го одбијат и тоа, тогаш Владата ќе им се заблагодари на досегашните „услуги“. Надлежните најавија дека распределбата на 958-те вработени во Секретаријатот за спроведување на Рамковниот договор е прва фаза, а втората ќе ги опфати останатите од вкупно 1.600 лица.