Министерот за финансии, Драган Тевдовски, во Вашингтон преговара со Светската банка за програма од 35 милиони долари преку која би се отвориле нови и би се реновирале постојните детски градинки во Македонија.

Оваа година СБ слави 25 годишнина и значајно е да истакнеме дека Македонија прима огромна помош од оваа институција. Разгледуваме можности за идна соработка. Еден од поважните проекти за кои разговараме е помош во социјалната сфера во висина од 35 милиони долари за отварање нови градинки и реновирање на постојните, како и подобро таргетирање на социјалната заштита, изјави министерот за финансии Драган Тевдовски. 

Министерот Тевдовски и гувернерот на Народната банка на РМ Димитар Богов, денеска и утре имаат средби со заменик-претседателот на СБ за Европа и Централна Азија, Сирил Миле, директорт на банката за Југоисточна Европа, Европа и Централна Азија, Линда Ван Гелдер, како и со извршниот директор на СБ, Френк Хемскирк и со шефот на мисијата на ММФ за Македонија, Јасмин Рахман. 

Најавува и дека со новиот закон за јавни набавки ќе се промени системот за таа намена во Македонија и оти ќе постои многу поголема транспарентонст, ќе нема проблематични бирократски процедури и ќе се постават механизми за спречување злоупотреби.

Во моментов доставен е Предлог закон на јавен увид и изработен заедно со Американската агенција за меѓународен развој (УСАИД). Организиравме неколку јавни дебати низ Македонија од кои добивме повратни сугестии од страна на договорните органи, од локалните институции како и од невладините организации. Сите заедно партиципираме за да се изработи европски закон за јавни набавки, изјави Тевдовски. 

Според него, една од најважните работи во новиот закон е тоа што секој договор и анекс ќе мора да бидат поставени во електронскиот систем за јавни набавки на увид на јавноста, како важен механизам за спречување злоупотреби. 

Субвенции за велосипеди, нов екоавтобус и велосипедски патеки, најави градоначалникот на Град Скопје, Петре Шилегов. 

Јавниот повик за субвенции за велосипеди ќе биде објавен денеска, а за првпат ќе им се овозможи и на лицата со телесен инвалидитет да аплицираат на огласот.

Воведовме измени во Правилникот со цел да овозможиме поголем број граѓани да добијат субвенции, а за првпат им овозможуваме и на лицата со телесен инвалидитет да добијат можност да аплицираат на јавниот повик. На овој начин, со мало намалување на максималната висината на субвенцијата, обезбедуваме субвенции за велосипеди за околу 1.000 граѓани повеќе во однос на минатата година, изјави Шилегов, додавајќи дека субвенциите ќе се доделуваат по принципот прв дојден-прв услужен.

Автобусот на гас, за кој е потпишан договор со полската компанија „Соларис“, ќе сообраќа на линијата број 2 на релација од Автокоманда до Сарај и обратно.

Споредено со потрошувачката на старите дизел-автобуси, овој автобус троши двојно помалку, што дополнително ќе ги намали трошоците за гориво на ЈСП. Најголемата предност е тоа што емитува значително помалку СО2, што речиси воопшто не го загадува воздухот, истакна денеска Шилегов.

Претходно, потпишани се договори и со „Чериот Моторс“ за електричен автобус и со „МАК АУТО СТАР“ за автобус на гас коишто ќе сообраќаат пробно низ улиците на Скопје.

Годинава, како што посочи скопскиот градоначалник, се предвидува буџет за субвенции за набавка на екоавтобуси во висина од 100 милиони денари за ЈСП, како и во висина од 20 милиони денари за приватните превозници. 

Од Градот истакнуваат дека забрзано се работи и на изградба на нови и реконструкција на веќе постојните велосипедски патеки, а во завршна фаза е и изградбата на велосипедската патека по должина на булеварот „8 Септември“. 

Секси Русинка која работела како службеничка во руската влада, добила отказ откако нејзините провокативни фотографии на социјалните мрежи откриле нешто што руската бирократија не го простува.

Доколку мислите дека Елеонора Вербицкаја доби отказ поради непримерни фотографии, не сте во право. Поранешната службеничка во руската влада е избркана бидејќи покрај државната работа таа работела и приватно – пуштала музика во познати диско-клубови во Русија.

Според информации од руската служба, до кои дојдоа локалните медиуми, Елeонора била стационирана во Санкт Петерсбург и имала чин помлад офицер.
 
Според изјавата на нејзините шефови,  мултиталентираната Русинка со уметничко име Ди-Џеј Елис Секстон, наскоро ја очекувало унапредување но кариерата и ја упропастија  фотографиите на социјалните мрежи.

На шефовите не им сметала голотијата туку пуштањето музика во ноќни клубови.

Откако ќе го завршите вашето CV и ќе аплицирате за некое работно место, потребно е да се подготвите за предизвиците кои пред вас ќе ги постави интервјуто за работа. Нема да ви биде тешко да се подготвите за одговарање на прашањата, но треба да размислувате и за самодовербата која ја покажувате додека разговарате со интервјуирачот.

Една од најважните работи на кои треба да обрнете внимание е говорот на телото, бидејќи тоа може да одлучи дали ќе ја добиете работата или не.

Кога ќе се претставите на интервјуирачот, многу е важно да одржувате контакт со очите. Ова можеби ви личи премногу очигледно, но одржувањето на контакт со очите е една од најважните работи кај работодавците бидејќи тоа дава до знаење дека го почитувате соговорникот. Сепак, тоа не значи дека треба да претерувате со одржување постојан контакт бидејќи тоа може да изгледа морничаво. Наместо тоа, повремено погледнувајте кон други делови од лицето на соговорникот.

Експертот за говор на тело, Пети Вуд, вели дека тоа треба да изгледа како да танцувате со другата личност во текот на разговорот, бидејќи ако сте некоординирани целата ситуација ќе биде многу незгодна. Не се плашете да го копирате говорот на тело на соговорникот, па така ако тој се навали нанапред, и вие направете го тоа. Во најголем дел од случаите соговорникот нема ни да забележи дека го правите тоа.

Исто така, внимавајте што правите со рацете. Покажувањето на дланките асоцира на искреност и посветеност, додека прекрстувањето на прстите на двете раце покажува самодоверба. Од друга страна, тапкање со прстите по масата покажува дека сте нетрпеливи, па пробајте да го избегнете тоа.

Климањето со глава е добар знак кој му покажува на соговорникот дека го слушате. На тоа додадете и насмевка, за соговорникот да знае дека сте возбудени и среќни што сте добиле шанса да добиете интервју за работа во таа компанија.