Светските истражувања покажуваат дека моделот на флексибилно работно време позитивно влијае на мотивацијата на вработените, што на крајот на годината на компаниите им донесува значително повисок профит. Овој тренд за прв пат започна во скандинавските земји, а моделот уште пред неколку децении го презеде САД, од каде што оваа практика се прошири во Индија, Шпанија, Германија.
Флексибилно работно време, според најчестите толкувања, подразбира право на работниците да изберат кога ќе работат во текот на една недела или работен ден, иако одредени законодавства одредуваат “core period“, односно ден во неделата во кој вработените мора да работат, а останатиот дел е “флексибилно време “, време кога вработените сами го избираат своето време за работа, со цел да го задоволат дневниот, неделниот или месечниот распоред.

Факт е дека поголемата застапеност на флексибилно работно време и работа на далечина во форма на она што постои денес во светот, придонесе за побрз развој на технологијата.
Податоците на шпанската “Национална комисија за рационализација на работното време” (Comisión Национал став la Racionalización Horarios de los Españoles), покажуваат дека продуктивноста на работниците се зголемила за 19% во компаниите кои промовираат флексибилност, а истовремено се намалени фиксните трошоци на компанијата. Во Германија, на пример, се повеќе компании нудат можност за флексибилно работно време, а според податоците од Сојузното министерство за економија на Германија, четири од вкупно пет компании нудат модели за флексибилно работно време. Така, се проценува дека вработените имаат можност да ги усогласат своите семејни обврски и работното време во согласност со барањата на фирмата. Компаниите, на тој начин, добиваат повеќе задоволни работници, кои потоа повеќе  се ангажираат на работа, што во крајна линија влијае на профитот на компанијата. Светските гиганти, како што се Bosch, BASF или Volkswagen, со години привлекуваат стручна работна сила, така што нудат посебни придобивки кои се однесуваат на работното време.
Оваа практика, според некои истражувања, има и своја негативна страна, пред сè за вработените. Бидејќи во текот на целиот ден се фокусирани на работа, на некој начин, им се брише границата помеѓу работата и приватниот живот, што социолозите и психолозите го оценуваат како негативна појава.

Во нашиот регион, флексибилното работно време и работата на далечина се уште се предмет на дебата. Сепак, повеќето работодавци во Македонија не се склони да го воведат овој вид на работа. Кога станува збор за работата на вработените од дома, работодавците често како аргумент против оваа пракса истакнуваат дека нема да бидат во можност да вршат надзор над вработените, односно на вработениот да му обезбедат сигурност и заштита на местото каде што ја вршат работате, а и стравот дека би можеле да бидат тужени ако има повреда на работното место, односно – дома.

Форбс ги претстави 200 од најбогатите бизнисмени во Русија. Листата е составена по 15 пат.

Најбогатиот Русин е сопственикот на Новолипецки металуршки комбинат (НЛМК) Владимир Лисин. Според Форбс неговата состојба за една година се зголемила од 16.1 на 19.1 милијарди долари. Минатата година тој беше трет на листата.

Сопственикот на "Северстал", Алексеј Мордашов е на втората позиција со 18.7 милијарди долари. Трет е Леонид Михелсон, сопственик на "Новатек", кој располага со 18 милијарди долари. Ова е 400 милиони долари помалку во споредба со минатата година.

Во топ 5 влегуваат уште Вагит Алекперов, претседател и косопственик на "Лукоил" со 16,4 милијарди долари и Генадиј Тимченко, акционер во "Новатек" со 16 милијарди долари.

На шеста позиција е Владимир Потанин, сопственик и претседател на "Интеррос" - 15,9 милијарди долари, седми на листата по богатство е Андреј Малченко, сопственик на "Еврохим" - 15,5 милијарди долари.

Во Топ 10 се уште Михаил Фридман, косопственик на LetterOne Holdings и "Алфа груп" со 15,1 милијарди долари, Виктор Векселберг, основачот на рускиот конгломерат Renova Group - 14,4 милијарди долари и Алишер Усманов, основач и главен акционер на USM Holdings - 12,5 милијарди долари.

Министерството за финансии подготвува измени на Законот за кредитно биро чија цел е воведување извештај за кредитната способност на кредитобарателите.

Во согласност со Законот за кредитно биро, истакнуваат од Министерството за финансии, кредитното биро може да изготвува извештаи за состојбата на обврските на правни и физички лица, но не може да изготвува извештаи за нивната кредитна способност, што е вообичаена активност на кредитните бироа во меѓународни рамки, пишува порталот Академик.

Предлог-законот за изменување и дополнување на Законот за кредитно биро, по скратена постапка, е во собраниска процедура. Предлагач на Законот е Владата на РМ. Донесувањето на Предлогот на закон за изменување и дополнување на Законот за кредитно биро, се вели во законското образложение, е со цел воведување на извештај за кредитно рангирање на кредитобарателите. Овие измени ќе овозможат изготвување на поквалитетни извештаи за субјектите на податоци, а на тој начин и подобро управување со ризикот од страна на финансиските институции. Исто така, кредитобарателите ќе имаат јасна слика за својата финансиска состојба.

Предлогот на закон за изменување и дополнување на Законот за кредитно биро се заснова на истите начела на кои се заснова и основниот текст на Законот.

Основни решенија на предложениот закон се:

• кредитното биро ќе изготвува извештаи за кредитно рангирање на кредитобарателите;
• кредитното биро ќе обезбедува и податоци од јавни книги и регистри и други јавно достапни податоци и
• банка со седиште во Република Македонија, врз основа на договор склучен со кредитното биро, ќе издава извештаи на кредитното биро за субјекти на податоци.

НБРМ го претстави на јавноста првичниот сликовен приказ на првите полимерни банкноти на Република Македонија, коишто на 15 мај годинава влегуваат во оптек, а се во апоенска вредност од 10 и 50 денари.

Основната разлика помеѓу овие и книжните банкноти од истата апоенска вредност коишто се повлекуваат од оптек е токму материјалот којшто се користи како подлога за печатење ‒ хартијата изработена од памучни влакна се заменува со специјална подлога, супстрат изработен од биаксијално ориентиран полипропилен.

НБРМ го претстави на јавноста првичниот сликовен приказ на првите полимерни банкноти на Република Македонија, коишто на 15 мај годинава влегуваат во оптек, а се во апоенска вредност од 10 и 50 денари.

Основната разлика помеѓу овие и книжните банкноти од истата апоенска вредност коишто се повлекуваат од оптек е токму материјалот којшто се користи како подлога за печатење ‒ хартијата изработена од памучни влакна се заменува со специјална подлога, супстрат изработен од биаксијално ориентиран полипропилен.

Заштитниот конец кај полимерните банкноти ќе се гледа како испрекината линија, со јасно испишан текст „НБРМ“, додека кај книжните банкноти, тој е вткаен во хартијата и под дејство на светлина се гледа како непрекината линија со јасно испишан текст „НБРМ“.

Како заштитни знаци, овие полимерни банкноти, меѓу другото ќе содржат и микротекст видлив само со лупа, двоен пасер и скриена слика, а ќе имаат и УВ-својства.

На нив ќе има и ознака во вид на издигнати точки за распознавање на различните апоени од страна на лицата со оштетен вид.

Од денот на пуштање во оптек на полимерните банкноти со апоенска вредност од 10 и 50 денари – 15 мај, книжните банкноти со истата апоенска вредност престануваат да бидат законско средство за плаќање.