Наместо за 40 минути од Демир Капија до Смоквица ќе се патува за 15 минути.

По новите 28 километри автопатска мрежа ќе се вози од денеска, откако вчера на свеченост беа ставени во употреба по шест години изградба. Со тоа автопатот „Пријателство“ се комплетираше целосно на потегот од Табановце до Богородица.

Истовремено со пуштањето на автопатот стартуваше кампањата „ЕУ за ТЕБЕ“ посветена на инвестиции во  транспортната инфраструктура.

Овој автопат поврзува и води кон ЕУ. Оваа делница од автопатот „Пријателство“ во себе ја има вградено искрената приказна за поддршка и соработка, порача премиерот Зоран Заев.

Според генералниот директор за соседски политики и преговори за проширување во Европската комисија Кристијан Даниелсон, транспортното поврзување на регионот останува приоритет за ЕУ.

Транспортот ќе биде главната тема и на следниот Самит во Софија и ќе докажеме дека само преку подобро поврзување и подобри транспортни услови ќе успееме да ги поврземе луѓето и државите, истакна Даниелсон.

Македонија, како што оцени министерот за транспорт и врски Горан Сугарески, доби нова модерна и безбедна автопатска делница, проектирана и изградена согласно европските норми и стандарди за заштита на животната средина со сите потребни карактеристики за безбедност.

Автопатската делница ја почна претходната власт во 2012 година, а ја става во функциона сегашната. Шестгодишните активности на терен ги одбележаа обвинувања и критики меѓу двете гарнитури.

Од СДСМ како поранешна опозиција упатуваа прашања околу изборот на фирмата изведувач на градежните работи - грчки „Актор“ и износот на инвестицијата, додека пак, од поранешната владејачка ВМРО-ДПМНЕ по заминување од власт минатата година ја обвинија новата Влада дека е неспособна да пушти готов проект. 

Во октомври лани Владата со анекс на договорот за изградба го продолжи рокот за завршување на автопатот до февруари годинава за да се завршат градежните зафати за изградба на Контролниот центар кај Неготино и за дислоцирање на далноводот на МЕПСО. Специјалното јавно обвинителство минатиот месец објави дека отвора истрага по име „Актор“ за изградбата на автопатот Демир Капија – Смоквица во однос, како што тврдат, на фаворизирање на „Актор“ на тендерот, а во случајот има сомнение и за перење пари.

На автопатската траса во вредност од околу 230 милиони евра се изведени над осум милиони метри кубни високи насипи и длабоки ископи во теренот, шест моста, два тунела  од по 1,2 километри, две сообраќајни клучки кај Миравци и кај Смоквица, сто канали...

Поставено е современо енергетско и ефикасно осветлување во тунелите, како и системи за вентилација и детекција и гаснење на пожар, за резервно напојување со електрична енергија, како и SCADA систем за мониторинг и управување со сообраќајот.

На автопатот треба да има две патарини, кај Гевгелија и кај Демир Капија. Безбедноста и управувањето на сообраќајот ќе се следи преку Контролниот центар кај Неготино.

Опозициската ВМРО-ДПМНЕ вчера на прес-конференција соопшти дека тие го почнале проектот и оти пуштањето на автопатот Демир Капија - Смоквица доцни осум месеци.

Намалување на широчината на коловозните ленти, задолжителен минимален број паркирни места за велосипеди за различен тип објекти, задолжително велосипедско паркиралиште за секој новоизграден објект, утврдување правила за поставување урбана опрема како канделабри, корпи за отпадоци, контејнери, воведување категориите велосипедска улица и пат во законите, усогласување на правилници и закони…

Ова се само дел од предлозите кои на 30 март неформалните групи НаТочак – Скопје заедно со Битола НаТочак, Прилеп НаТочак, Гостивар НаТочак и Штип НаТочак ги испратија до Комората на инженери и архитекти, по нивниот повик до членовите-инженери.

Комората, заедно со повеќе други институции е дел од интерресорското Координативно тело формирано од страна на Владата на Р.М., за промена на планерската и градителската легислатива, со цел таа да се осовремени и да одговори на новите предизвици на времето, но и на уставните определби за хуманизација на просторот. Ова тело треба да ги земе предвид поднесените предлози и врз основа на нив да изготви текстови за измена на актите.

Овие предлози и информирањето на јавноста за потребата и поднесувањето на истите, ќе биде и тема на априлската „Критична маса“ во пет градови во Македонија, а ќе се одржи во среда во Скопје, Штип и Прилеп, во четврток во Битола и во недела во Гостивар. На ова издание на „Критична маса“ велосипедистите ќе возат под слоганот „Подобри закони за поубави градови. Поддршка за промените“

Пред нас се многу неработни денови во кои ќе уживаме оваа пролет. Следниот неработен ден за сите граѓани на Република Македонија ќе биде први мај, Денот на трудот кој паѓа во Вторник.

 Ова се сите неработни денови кои преостануваат до крајот на годината:
 
• 01 мај (вторник), Ден на трудот,
 
• 24 мај (четврток) „Св. Кирил и Методиј“ Ден на сесловенските просветители
 
• 15 јуни (петок), Рамазан Бајрам, првиот ден на Рамазан Бајрам,
 
• 02 август (четврток), Ден на Републиката
 
• 8 септември (сабота), Ден на независноста
 
• 11 октомври (четврток), Ден на народното востание,
 
• 23 октомври (вторник), Ден на Македонската Револуционерна Борба,
 
• 8 декември (сабота), “Св. Климент Охридски”
 
За граѓаните од православна вероисповед
 
• 25 мај (петок), Духовден, петок пред Духовден
 
• 28 август (вторник), Успение на Пресвета Богородица (Голема Богородица)
 
За граѓаните од католичка вероисповед
 
• 01 ноември (четврток), Празникот на сите светци
 
• 25 декември (вторник), првиот ден на Божик
 
За граѓаните од муслиманска вероисповед
 
• 21 август (вторник), Курбан Бајрам, првиот ден на Курбан Бајрам
 
За граѓаните припадници на албанската заедница во РМ
 
• 22 ноември (четврток), Ден на Албанската азбука
 
За граѓаните припадници на влашката заедница во РМ
 
• 23 мај (среда), Национален ден на Власите
 
За граѓаните припадници на еврејската заедница во РМ
 
• 19 септември (среда), Јом Кипур, првиот ден на Јом Кипур
 
За граѓаните припадници на бошњачката заедница во РМ
 
• 28 септември (петок), Меѓународен ден на Бошњаците
 
За граѓаните припадници на турската заедница во РМ
 
• 21 декември (петок), Ден на настава на турски јазик

Светските истражувања покажуваат дека моделот на флексибилно работно време позитивно влијае на мотивацијата на вработените, што на крајот на годината на компаниите им донесува значително повисок профит. Овој тренд за прв пат започна во скандинавските земји, а моделот уште пред неколку децении го презеде САД, од каде што оваа практика се прошири во Индија, Шпанија, Германија.
Флексибилно работно време, според најчестите толкувања, подразбира право на работниците да изберат кога ќе работат во текот на една недела или работен ден, иако одредени законодавства одредуваат “core period“, односно ден во неделата во кој вработените мора да работат, а останатиот дел е “флексибилно време “, време кога вработените сами го избираат своето време за работа, со цел да го задоволат дневниот, неделниот или месечниот распоред.

Факт е дека поголемата застапеност на флексибилно работно време и работа на далечина во форма на она што постои денес во светот, придонесе за побрз развој на технологијата.
Податоците на шпанската “Национална комисија за рационализација на работното време” (Comisión Национал став la Racionalización Horarios de los Españoles), покажуваат дека продуктивноста на работниците се зголемила за 19% во компаниите кои промовираат флексибилност, а истовремено се намалени фиксните трошоци на компанијата. Во Германија, на пример, се повеќе компании нудат можност за флексибилно работно време, а според податоците од Сојузното министерство за економија на Германија, четири од вкупно пет компании нудат модели за флексибилно работно време. Така, се проценува дека вработените имаат можност да ги усогласат своите семејни обврски и работното време во согласност со барањата на фирмата. Компаниите, на тој начин, добиваат повеќе задоволни работници, кои потоа повеќе  се ангажираат на работа, што во крајна линија влијае на профитот на компанијата. Светските гиганти, како што се Bosch, BASF или Volkswagen, со години привлекуваат стручна работна сила, така што нудат посебни придобивки кои се однесуваат на работното време.
Оваа практика, според некои истражувања, има и своја негативна страна, пред сè за вработените. Бидејќи во текот на целиот ден се фокусирани на работа, на некој начин, им се брише границата помеѓу работата и приватниот живот, што социолозите и психолозите го оценуваат како негативна појава.

Во нашиот регион, флексибилното работно време и работата на далечина се уште се предмет на дебата. Сепак, повеќето работодавци во Македонија не се склони да го воведат овој вид на работа. Кога станува збор за работата на вработените од дома, работодавците често како аргумент против оваа пракса истакнуваат дека нема да бидат во можност да вршат надзор над вработените, односно на вработениот да му обезбедат сигурност и заштита на местото каде што ја вршат работате, а и стравот дека би можеле да бидат тужени ако има повреда на работното место, односно – дома.