Ви пренесуваме едно Блиц интервју со Ричард Бренсон, основачот на Virgin Group, организација под капата на која се наоѓаат околу 360 компании!

Бренсон е познат по Нетрадиционалниот бизнис стил, ексцентрично - промотивни иницијативи, а исто така и по склоноста кон екстремните искуства како што е патување околу светот со балон, обид за премин на Атлантикот со моторница и многу други! Еве и 6 прашања и одговори од милијардерот:

1. Кој е најдобриот совет што некогаш сте го добиле?

Три нешта ми доаѓаат на ум. Првото доаѓа од мајка ми Ев, која секогаш ме учеше никогаш да не гледам назад. Да не гледам кон минатото со жалење, туку да продолжам напред со следното нешто што сум решил да го правам.

Секогаш ме вчудоневидувало како најголем дел од времето луѓето го губат мислејќи и жалејќи за неуспесите во минатото, наместо да ја насочат оваа енергија кон друг, нов проект. Никогаш не гледам на неуспесите како на лошо искуство, а само како дел од обука. Мајка ми исто ми велеше да не ги критикувам отворено луѓето. Кога бев мал кажам ли нешто лошо за некој пред неа, таа ме тераше да стојам пред огледалото 5 минути и да зјапам во себе.

Зошто го правеше тоа?

За да ме натера да увидам дека сите мои критични приказни за другите се одраз на мојот сопствен карактер! Третото, е дека во 1980 Фреди Леикер, извршниот директор на Бритиш Ерлан ми даде голем совет како да создадам сопствена авиокомпанија.

Тој ми рече:

Излези надвор и направи се себе си идиот. Во спротивно нема да преживееш. И увери се дека ќе се појавиш на првата страница на весниците, не на последната

Последниот совет, ми падна најзабележлив и така направив будала од себе многупати. Сеуште го правам тоа и тоа ми носи само придобивки!

2. А најлошиот совет кој сте добиле?

Советите доаѓаат во многу форми!

Верувам дека прашувајќи многу луѓе за нивното мислење и убедување ќе ми даде многу различни агли, на кои ќе можам да сметам и да донесам вистинска одлука.

И бидејќи никогаш не сум слушал само едно мислење на еден човек, немам совет кој навистина бил лош и да ми донел неуспех.

Неуспесите ми доаѓале по повеќе од еден и различни лоши совети!

3. Каков совет би им дале на младите претприемачи?

Не заборавајте дека е невозможно да имате свој бизнис без да ризикувате. Мојата компанија Вирџин немаше да биде она што е денес ако не презедовме бројни ризици на патот. Еден мора да верува во она што го прави 100%.

Ако правите нешто и очекувате тоа да пропадне во 9 од 10 пати, сигурно ќе го познаете тоа! Пред сè Забавувајте се-тоа ќе ги задржи вашите колеги ентузијасти и мотивирани повеќе од сè друго. Една од моите омилени фрази е:

„Храбриот може и да не живее вечно, но претпазливите не живеат воопшто“

4. На што ве научија неуспесите?

Како претприемач треба да дознаете едно: не постои такво нешто како неуспех.

Треба брзо да прифатите дека нешто во моментов не оди добро и веднаш да го промените пристапот или едноставно да го затворите бизнисот и да се откажете.

Како што реков верувам во преземањето на ризици, но исто така верувам и во заштитата од неповолни околности. Двете треба да одат рака под рака.

Инаку ќе сте само еден храбар будала кој само прави нешто за да каже дека ризикува и да се удира во градите колку храброст поседува! Јас не сакам да сум тој идиот!

И за да не сум, тоа значи однапред да се работи на сите работи кои може да тргнат наопаку. Неопходно е да се увериме дека сме ги опфатиле сите можности за неуспех, и дека сме ги зеле мерки против тоа. 

5. Жалите ли за нешто?

Веројатно ако размислувам ќе откријам многу деловни одлуки, за кои жалам, но се обидувам да не се задржувам воопшто на нив.

Целта ми е да преминувам кон доста позитивни работи и се трудам да не мислам за нив. Не станувам наутро од кревет за да мислам на она за што жалам.

Станувам наутро со мислата што позитивно нешто ќе направам во денот!

Другото, поради што станувам наутро, е помислата дека можам да направам нешто значајно. Токму затоа никогаш не сум сакал да водам голема компанија и чувствувам големо задоволство да создавам и да внимавам за многу и мали фирми.

Со принципот на мал претприемач Вирџин успеа да оствари бројни позитивни и значајни достигнувања во различни бизнис сектори.

Мислам дека колку активно сте ангажирани со секој дел од своите активности, толку успешни ќе се чувствувате и ќе имате многу помалку прилики за жалење.

Во моментов се фокусирам повеќе кон целта да помогнам да ја заштитиме иднината на нашата планета. Значи ли тоа дека сум успеал?

Не знам, но сигурно ме прави среќен.

6. За успехот

Никој не смее да биде запаметен само со тоа колку пари направил во животот. Не е важно дали ќе умрете со милијарди во банката, или со 20 долари под перница.

Не сте постигнале ништо во животот ако мислите така. Најважно е дали сте создале нешто посебно и дали сте направиле нешто корисно за луѓето. Претприемачите, научниците и уметниците, кои починале без скршена пара, често остануваат во историјата како херои.

Успешните луѓе не знаат никакви специјални тајни.

Не завидувајте им на оние кои ви изгледаат "победници", а слушајте ги мудрите зборови на луѓето кои воделе исполнет живот - оние кои што посветувале доволно време на пријателите и семејството.

Успехот има многу димензии и парите се само мал дел од нив.

Животот на некои од најзначајните луѓе кои постигнале исклучително многу, секогаш завршува среќно. Мојот пријател Мадиба помина дваесет и седум години во затвор. Ако умреше таму, немаше ли да извлечеме поука од неговиот живот?

Во бизнисот, како и во животот, најважно е да направите нешто позитивно!

Конечно, светските едукативни програми достапни за младите во Македонија благодарение на првата македонска специјализирана агенција за организација на едукативни патувања во странство  – Едутравел. Имено, преку Едутравел младите и нивните родители на сигурен и професионален начин доаѓаат до летни курсеви за странски јазици за млади, курсеви за странски јазици за возрасни преку целата година во странство, школување во странство, студирање во странство и мастер студии. За таа цел, како и одблизу запознавање со претставниците на школите од странство, Едутравел го организира првиот Меѓународен саем за образование и странски јазици во Скопје.
Саемот ќе се одржи во недела (22.01) во Музејот на македонската борба за државност и самостојност со почеток во 16.30 часот , а на настанот ќе бидат презентирани сите програми достапни преку Едутравел, директно од носителите на интернационалните програми.

На саемот ќе ги презентираме програмите на КУБ од Белград чии застапници во Македонија сме ние, а опфаќаат програми за образование и странски јазици во целиот свет. Саемот ќе биде информативен, а учесници се претставници од училишта од Велика Британија, Австрија, Швајцарија и Бугарија кои пред присутните детално ќе ги промовираат своите програми достапни за младите од Македонија. Ги повикуваме сите родители и ученици кои се заинтересирани да посетат курсеви за странски јазици или да студираат во странство, да ја искористат оваа можност да се информираат детално за сите програми - вели Марија Цветковиќ, директор на Едутравел.

Програмите за летни јазични курсеви во странство се носечка услуга на оваа компанија, а опфаќаат курсеви за јазици за деца од 7 до 25 години кои се организираат за време на летниот распуст во целиот свет. Курсевите се реализираат индивидуално или со придружба во зависност од потребата и возраста на лицата кои ќе го изучуваат јазикот. Во склоп на курсевите се реализираат и многу воннаставни активности како спорт, филм, драма, посети на културни знаменитости и туристички места. Ова не само што придонесува за образованието на младите, туку и за нивната отвореност кон нови искуства и култури.

Првиот саем од ваков вид во земјата го носи името КУБ ЕДУКО 2017 и според најавите на организаторите од Македонија и Србија овој саем ќе стане традиционален и секоја година ќе го зголемува бројот на учесници од странство кои директно пред заинтересираните ќе ги презентираат своите програми. Едутравел овој саем го организира заедно со КУБ од Белград, компанија која повеќе од 25 години успешно посредува во организација на образовни програми во земји од Европа и САД.

Ученик од Индија кој има само 14 години доби 50 милиони рупии или 730.000 долари од зделка со индиската влада која го обезбеди неговиот изум за откривање на мини од воздухот преку посебен дрон, информира „Мирор”

Летечкиот уред на Харшвардхан Зала Дом од градот Гужарат може да спаси илјадници животи, затоа што открива и уништува на нов и ефикасен начин оружје кое е под земјата.

Наводно, иновација на момчето е подобро од сето она што се користи во моментов од армијата во земјата. Ученикот почнал да се занимава со прототип на специјалниот дрон лани откако прочитал за големиот број смртоносни инциденти предизвикани од скриените мини.

Првично создадов робот за откривање на мини, но сфатив дека поради сериозноста тој ќе се запали и затоа што ќе носи и разурнувачки материјали, еве зошто решив да направам дрон, кој ќе ги открива објектите од безбедно растојание - вели момчето.

Дронот како прво ја детектира мината преку инфрацрвен сензор, а потоа со детонаторот, кој тежи 50 грама ја уништува.

Ова момче во иднина планира да работи на нови пронајдоци, пишува think. 

Кога лица кои пушат цигари ќе поминат покрај џамбо плакатот во Стокхолм се случува нешто чудно: момчето од билбордот почнува да кашла. Се работи за кампања која има за цел да ги поттикнат пушачите да ги остават цигарите.

Иновативната реклама ја плаќа шведскиот лекарски синџир, кој сака да ги поттикне пушачите да ги остават цигарите.

На прв поглед дигиталниот екран изгледа сосема вообичаено со машки модел, но ако некој со цигара помине покрај него тој почнува да кашла бидејќи му пречи димот.

Потоа билбордот почнува да прикажува промотивен спот за разни производи кои помагаат на пушачите да престанат да пушат, а кои ги нуди синџирот аптеки Хјартат.

Фредрика Кулберг, директорка на маркетинг во Хјартат рече дека целта на кампањата е да се разговара за проблемот од конзумирање на цигари и да се документираат реакциите, со цел луѓето да се поттикнат да живеат здрав начин на живот.