Без разлика дали одите на интервју за работа од соништата или пак станува збор за вашиот прв настап надвор од колеџот, треба да се потрудите да се покажете во најдобро светло.

За среќа уметноста во интервјуирањето е можност за учење на вештини. Колку повеќе вежбате, толку подобар станувате.

Фејсбук директорот за регрутирање на глобално ниво Миранда Калиновски во интервју за Business Insider дава неколку корисни совети:

Размислете за вредностите

Осигурајте се дека вашето професионално и лично искуство е во согласност со целите на компанијата.

Ние вработуваме градители – вели таа. Под тоа се мисли дека без разлика од која област имате познавање, луѓето кои пристигнуваат тука се луѓе кои создаваат и учат нови работи.

Обезбедете детали

Вклучувањето на конкретни детали во текот на интервјуто, ќе го зголеми вашиот кредибилитет и ќе го импресионира оној кој ве интервјуира.

Имајте самодоверба

Битно е да бидете свој личен застапник. Во едно интервју се случи да сопрам за момент и побарам да почнеме одново бидејќи сметам дека не сум го дала максимумот во одговорот. Оној кој го водеше интервјуто ме охрабри и стекна позитивен впечаток за мене - вели таа.

Водете разговор

Калиновски смета дека од клучно заначење е да не се претерува на интервју, подобро е интервјуто да се води како еден вид на разговор и одговарање на прашања.

Нагласете го својот ентузијазам

Калиновски се присети на едно од интервјуата каде кандидатот отишол толку далеку што се понудил да работи бесплатно. Таа нагласува дека Фејсбук никогаш нема да ја прифати таквата понуда, но сепак тоа е добар гест.  Дефинитивно треба да се најде начин да го изразите својот ентузијазам.

Сработете ја својата задача

Пред да одите на интервју истражувајте за компанијата, голем број на компании како што е Фејсбук имаат свои веб-сајтови со корисни информации и статии.

Француско истражување направено неодамна, открива дека речиси една третина од вработените  сметаат дека работата им ја „убива врската“.

Една француска шансона вели дека „Работата е премногу тешка“, а тоа изгледа дека не важи само за здравјето, туку и за љубовта. Работата предизвикува стрес, незадоволство, нервоза, умор, а тоа не се поволни состојки за квалитетна врска или брак.

Поради својата работа имаме помалку слободно време, а и повеќе се караме со партнерот, навеле 29 отсто од учесниците во истражувањето. Дури кај седум отсто од мажите и жените, кариерата била причина за развод или раскинување на врска.

Сепак 56 отсто од испитаниците одговориле дека успеваат да ја оделат работата од односот со партнерот, а 15 отсто се изјасниле дека се подготвени да ја сменат работата за да ја спасат врската.

Поголем дел од компаниите ја користат опцијата да работат од надвор, да ги извршуваат работните обврски надвор од канцеларија, но дали тоа е правилната одлука за вашиот бизнис?

Доколку сте на почетокот да започнете бизнис и веќе размислувате за овој модел на управување, еве дел од предностите кои ги нуди:

Помалку трошоци

Нема да плаќате за кирија и сметки што значи масовно намалување на вашите трошоци

Поголема продуктивност

Истражувањата покажуваат дека луѓето кои работат од дома во просек се попродуктивни, што значи дека вашиот тим ќе го даде максимумот.

Помалку ќе патувате

Вашиот тим нема да губи време на патување, што значи помал стрес и повеќе слободно време за работа.

Се отвараат повеќе опции

Работењето на далечина значи можност за привлекување на таленти и кандидати од сите делови на светот, наместо да се фокусирате исклучиво на локалното население.

Но повеќе од очигледно е дека оваа опција не е толку едноставна. Постојат неколку недостатоци и доколку сте спремни за ваков тип на работа, ќе треба да ги имплементирате следниве стратегии:

Останете комуникативни

Осигурајте се дека вашиот тим е во постојан меѓусебен контакт "онлајн”

Користете ги правилните системи

Меѓусебната соработка, доброто менаџирање и управување со проекти се клучни моменти за успех на тимот и компанијата.

Поставете јасни цели и очекувања

Поставете јасни цели и очекувања за тоа како вашиот тим треба да делува и како ќе бидат одговорни за својата работа дури и кога работат од надвор.

Јасно е дека овој модел на управување не е за секоја компанија, но дел од компаниите кои ќе го користат ќе заштедат пари и ќе ја зголемат продуктивноста.

Galaxy S8 е сега во фокусот на вниманието, затоа што ќе пристигне пред iPhone 8.

Постојано се појавуваат шпекулации за спецификациите и фотографии од новиот модел, па така и денес пристигна нова фотка од долниот дел на новиот знаменосец на Samsung.